Miqueas 1:7 - Bible in Tzeltal de Oxchuc y Tenejapa

⁷ Spisil te yajcanane ya me xwuyic jilel; soc ya me xc'ajq'uic spisil te' sts'apojic ta ch'uunele. Melel pastaj ta puro stojol jmulawil antsetic te ayic ta templo yu'un te lotil diosetic. Ja' nix jich ta stojol jmulawil antsetic ya jc'atp'un ta yan buelta —xi'.

Bible in Tzeltal Bachajón

⁷ Spisil te ch'ultesbil te'etic yu'un ya yich'ic wuyticlanel, ya yich'ic chiq'uel spisil te mahtaniletic yu'un, soc ya jinticlan spisil te loc'ombahetic yu'une, como la stsobticlan ta scuenta stojol j'antsinel antsetic, soc ha nix stojol j'antsinel antsetic ya yich' tuhunel yan buelta.

Miqueas 1:7 Referans Kwoze

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

Oseas 2:12

Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Oseas 8:6

Te sloc'omba alal wacax yu'un Samaria, ma Diosuc, pastaj ta sc'ab jtul winic te ya sna' spasele. Wuyultic nax me ya xc'ot ta loq'uel.

Apocalipsis 18:9

Te muc' ajwaliletic ta balumilal te la yaiyic mulwej soque soc te la sjoinic ta slajinel sc'ulejalic ta spasel te bila smulanej te sbaq'uetalique, ya me x'oq'uic soc ya me smel yo'tanic yu'un te c'alal ya yilic te yac ta moel xch'ailel ta c'ajq'uele.

Joel 3:3

La spucbey sbaic te lum cu'une, la spasbeyic snumeroil ta na'el mach'a ya xc'ot ta swenta. La xchonic te alalqueremetic soc te alal ach'ixetique. Te stojole la slajinic ta vino, la slajinic ta swenta jmulawil antsetic.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

2 Crónicas 31:1

C'alal ju' ta pasel spisil, te israeletic te tey ayic a, bajt'ic ta lumetic yu'un Judá, ba swuyic te tonetic te ch'ulajem ta sc'op te ants-winiquetique, la swuyic te sloc'omba Asera, soc la sjinic te toyol ch'uunjibaletic, ja' to chican ju' yu'unic sloq'uesel ta spisil te bitic ay ta sq'uinal Judá soc ta Benjamín, soc nix ta sq'uinal Efraín soc ta Manasés. Te israeletic sujt'ic bael ta slumalic, juju-jtul ta sq'uinalic.

Deuteronomio 9:21

La jtsac te sloc'omba ch'in toro te la apasique, te ja' la ata amulic ta stojol Cajwaltic yu'une, la cac' ochel ta c'ajc'. La juch' ta lec, mero ts'ubiltic bajt', patil la jch'oj coel ta ja' te ya xco tel ta witse.

Levítico 26:30

Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

1 Samuel 5:4

Pero ta xchebal c'aal c'otic yan buelta te yajwal Asdod. Ja' nix jich ch'ayem coel ta lum yan buelta a c'o staic, ta elawal yu'un te scajonil trato yu'un te Cajwaltique. Te sjole soc ta xchebal te sc'abe c'asemix, ayic ta sba te sts'ajc'ul scajtijib sti' te templo yu'une. Ja' xanix wolol jilel te smuc'ule.

Isaías 2:18

soc ya me slajinbey ta jc'axel spisil te loc'ombaetic yu'unique.

Isaías 23:17

Ta lajuneb xchanwinic (70) ja'wil, te Cajwaltic ya sna' xan te lum Tiro. Te jmulawil antse ya me yac' sba ta majanel, ya x'och spas mulwej soc spisil te lumetic ta q'uinale.

Ezequiel 6:6

Ta spisil te banti nainemexe, te lumetic ya me yich'ic lajinel, soc te toyol ch'uunjibaletic ya me yich'ic busanel ta jinel. Te scajtijib ta chic'beyel smajt'an awu'unic jc'axel me ya yich'ic jinel ta spisil, soc ya me yich'ic wuyel ta jc'axel te loc'ombaetic awu'unique, soc te scajtijib ta chic'beyel spom awu'unique ya me yich'ic wuyel. Ta spisil te bila apasojique, ya me yich'ic lajinel ta jc'axel.

Oseas 2:14

“Jo'on me ya jmon; ya me quic' bael ta jochol taquin q'uinal soc ya me jc'opon soc yutsil co'tan.

Oseas 8:5

Ja'at Samaria, ma lecuc co'tan yu'un te sloc'omba alal wacax ya ach'uune. Te quilimba tilemix ta stojol te loc'ombae. ¿Jayeb to c'aal sc'an ya xlecub ta jtojol te israeletique?