Miqueas 1:6 - Bible in Tzeltal de Oxchuc y Tenejapa

⁶ Jich yu'un ya yal te Cajwaltique: —Ya jpasbey te lum Samaria, jbus nax ts'ajc' ya xc'ot. Jamal me q'uinal te tey ya yich' ts'unel a te ts'usubiletique. Ya jpucbey bael ta stenlej xatal q'uinal te tonetic yu'un te lume; t'anal ya quijq'uitaybey te yiptajibe.

Bible in Tzeltal Bachajón

⁶ Ha yu'un ya cac' te busul ya xhil ta jinel te Samaria, ha lumq'uinal ta banti ya yich' ts'unel ts'usubiletic. Ya jbusq'uin cohel ta spamlej te tonetic yu'un soc ya cac' te ya xchicnaj te yich'o-ip.

Miqueas 1:6 Referans Kwoze

Ezequiel 13:14

Ya me cac' jinuc coel te ts'ajc' la asacubtesic ta bonel ta tane. Ya me cac' jinuc coel ta lum, chican me ya xjil te sts'ajc'ul ta xjajch'ibale. Te ts'ajq'ue jc'axel me ya xjin coel. Te ja'exe tey me ya xlajex ta tenel a. Jich me ya ana'ic a te jo'on Ajwalilone.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Lamentaciones 4:1

Jajch' ta ijc'ubel te oro. Ch'ay ta jc'axel yutsil te t'ujbil oro. Pujq'uemic bael ta xujc' calleetic te tonetic yu'un te ch'ul templo.

2 Reyes 19:25

¿Pero ma bal ya ana' te jo'on Ajwalilon te la cac' c'otuc ta pasel spisile? Mero nameyix chapal cu'un, yo'tic la caq'uix c'otuc ta pasel. Ja' yu'un te ja'ate, ya xju' awu'un slajinel lumetic te ay sts'ajc'ule, ya abusan ta jinel, jc'axel ma'yuquix swentail ya xjil awu'un.

San Mateo 24:2

La yal te Jesuse: —¿Yacalex bal ta yilel spisil in to? Jamal ya calbeyex, spisil me ya yich' jinel. Ma me ayuc jp'ijuc ton te cajal ya xjil ta sba te yan tone —xi' te Jesuse.

Habacuc 3:13

Te ja'ate loc'atix ta scoltayel te lum awu'un, soc te muc' ajwalil te ja'at nix atsaoj atuquel. La ajinbeyix smujq'uil sna te mach'a amen yo'tane; la achicnantesbeyix te tonetic te ipajem ae.

Amós 5:11

Scaj te ya apech'ic ta teq'uel te me'baetic soc ya ac'anbeyic spatanul te strigoe. Ma xju' ya anainic te naetic te la apasic ta tone, soc ma x'awuch'beyic ya'lel te ts'usubiltic te ats'unojique.

Oseas 13:16

Te lum Samaria ya me xc'ot ta swenta castigo ta scaj te la stoy sba ta stojol te Dios yu'une. Ya me xlajic ta puñal. Te alaletic yu'un ya me xt'om sbiquilic ta majel ta lum; soc te antsetic te yic'ojic alal ta xch'ujt', muc' me ya xjambot xch'ujt'ic ta puñal.

Jeremías 51:37

Busulbus me ya xjil te jinem ts'ajq'uetique; ja' me sna te ja'mal ts'i'etic ya xc'ot, ma me xju'ix nainel tey a, spisil mach'atic ya yilic, ya me x'ac'botic xiwtesel soc labanel te bit'il yan ta ilele.

Jeremías 51:25

Jcontroinejat ja'at, wits c'oemat swenta jinawanej, te ya ajin spamal te balumilale. Jo'on Ajwalilon, jich ya cal. Ya me jtoy jc'ab, ya cac'bat castigo. Ya jtselc'unat coel tel c'alal ta sba muc'ul tonetic, soc ya jc'atp'unat ta c'ajq'uem wits.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Isaías 25:12

Te Cajwaltic ya yac' ch'ayuc coel te toyol tulanil ts'ajq'uetique; ya sjinbey coel, ya sliman jilel ta lum.

Isaías 25:2

Te lumetic la ac'atp'un ta busulbus tontiquil; te lumetic tulanic sts'ajc'ule, jiniquix. La ajinbeyix te muc'ul naetic yu'un te mach'atic acontrotaque; ma xju'ix ta cha'pasel ta sbajt'el q'uinal.

2 Samuel 17:13

Soc xan teme ay banti ya x'och ta anel ta jpam lum, jpisiltic te israelotic ya quich'tic bael jlazotic, ta pejch'elpejch' stonil ya me jnitic ochel c'alal ta uc'um te lume, ma'yuc ni junuc ton ya xjil tey a —xi' te Husai.

Isaías 17:1

J'alwanej c'op ta stojol Damasco: —Te Damasco ma lumuquix ya xc'ot; ja' nax jtsojp jinem ts'ajq'uetic ya xjil.

Jeremías 31:5

Ya xba ats'unic xan ts'usubiltic ta witstiquil ta Samaria, soc te mach'atic ya sts'unic ts'usubiltic, bin nax me yo'tanic yu'un te site.

2 Reyes 18:9

Ta xchanebal ja'wil yat'el ta muc' ajwalil a te Ezequías, soc sjuquebal ja'wil yat'el ta muc' ajwalil yu'un Israel a te Oseas snich'an Ela, te Salmanasar muc' ajwalil yu'un Asiria la sjoytay te lum Samaria, la yac'bey guerra.

2 Reyes 18:10

Oxeb ja'wil yacal ta yaq'uel guerra. Ta sts'acajel oxeb ja'wil a la yu'unin te lum Samaria. Swaquebal ja'wil yat'el ta muc' ajwalil a te Ezequías, soc sbalunebal ja'wil yat'el ta muc' ajwalil yu'un Israel a te Oseas te c'alal u'uninot te Samaria.

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.