Miqueas 1:5 - Bible in Tzeltal de Oxchuc y Tenejapa

⁵ Ta spisil ya xc'ot ta pasel ta scaj stoybail te sts'umbal Jacob, ta scaj smul te israeletic. ¿Banti ay te stoybail te sts'umbal Jacob? ¡Ta lum Samaria! ¿Banti ay te toyol ch'uunjibaletic ta Judá? Ja' ta bay Jerusalén.

Bible in Tzeltal Bachajón

⁵ Ta spisil ini ha ta scaj stoybahil te Jacob, ta scaj smul te sna Israel. ¿Bin a te stoybahil te Jacob? ¿Ma bal ha'uc te Samaria? ¿Bin a te toyol awilal yu'un Judá? ¿Ma bal ha'uc te Jerusalén?

Miqueas 1:5 Referans Kwoze

Amós 8:14

Te mach'atic ya sc'oponic yajcananic ta Samaria, te mach'atic ya yalic: “Ac'a cuxinuc te dios awu'un, ja'at Dan”,te xie, soc: “Ac'a cuxinuc te diosetic yu'un Beerseba”, teme xiic xane, ya me xyalic, soc mero ma xjajch'iquix —xi' te Cajwaltique.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Lamentaciones 5:16

Ch'ay coel ta joltic te corona; ¡obol nax jbatic te jtaoj jmultique!

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Jeremías 4:18

—Ta scaj te bi yilel awo'tan soc te at'eliletic awu'une, te bila c'oem ta pasel ta atojole; scaj te bila amen awu'un te ac'botat ch'aal sit te' c'oem, te ya yejch'entesbat awo'tane —xi' te Cajwaltique.

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

1 Reyes 13:32

Melel puersa me ya xc'ot ta pasel te bi la yal ta swenta smandal te Cajwaltic, ta swenta scontroinel te scajtijib ta chiq'uel majt'anil ta Betel, soc nix te toyol ch'uunjibaletic te ayic ta lumetic ta sq'uinal Samaria —xi'.

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.

Oseas 7:1

c'alal ya jc'an jpoxtay te lum cu'une, ja' te Efraín soc Samaria, ya xchicnaj ta jsit te smul soc te bila amen spasojique. Melel spisilic c'aemic ta yalel lot; jich bit'il j'eleq'uetic, ya x'ochic ta nanatic soc ya swiluntayic te ants-winiquetic ta calle.

Jeremías 5:25

Ja'uc me to, te amulic te ja'ex, ja' yanajem yu'un ta spisil, soc jich ma xju' ya amulanic te utsilale.

2 Crónicas 34:3

Ta swaxaquebal ja'wil yat'el ta ajwalil a te Josías, querem to a, jajch' ta sleel te Dios yu'un te antiguo smam David. Te c'alal slajchayebal ja'wil yat'el ta ajwalil a, jajch' ta slecubtesel te Judá soc te Jerusalén. La yich' ch'ayel bael te toyol ch'uunjibaletic, soc te sloc'omba Asera, soc te yantic loc'ombaetic, soc te loc'ombaetic te pasbil ta taq'uin te ultesbil ta c'ajq'ue.

2 Crónicas 34:4

La yich' wuyel ta stojol Josías te scajtijib majt'aniletic yu'un te yantic sloc'omba te Baal. Te Josías la yal mandal ta jinel te scajtijib xchic'jibal pom te ay ta sba. Soc la yal mandal ta wuyel te sloc'omba Asera, te yajcananic soc te loc'ombaetic yu'unic te pasbil ta taq'uin te ultesbil ta c'ajq'ue; jc'axel wuyot yu'un, ora ba spucbey ta sba smuquenal te mach'atic la yac'beyic milbil majt'aniletique.

Amós 7:9

Te toyol ch'uunjibaletic yu'un sts'umbal Isaac ya me yich'ic jinel, soc te temploetic yu'un Israel ya me yich'ic jinel. Ya me cac' puñal ta scontroinel te mach'atic ay yu'un Jeroboam —xi'.

Miqueas 1:13

Ja'ex yajwal Laquis, te la atoy abaic jich bit'il Israel, te ja' la ajajch'esic mulil ta Sión, chajbana caballoetic, ac'a snitic bael te carretaetic awu'unique.

1 Reyes 11:7

Ja' nix ta yorail a, te Salomón la spas toyol ch'uunjibaletic ta wits te ay ta stojol sloq'uib c'aal yu'un Jerusalén te banti ya yich' ich'el ta muc' te loc'omba te mero ilaybil sba te yich'ojic ta muc' te moabetic, te Quemos sbiile, soc nix te yan loc'omba te mero ilaybil sba te Moloc sbiil, te ja' yich'ojic ta muc' te amonetique.

1 Reyes 16:24

La smanbey te Semer te swits yu'un Samaria, waqueb xchanwinic (66) kilo plata la stoj. Tey la spas jpam lum a te joytabil ta ts'ajq'ue. Samaria sbiil c'ot yu'un te lume, scaj te Semer sbiil te winic la xchon te witse.

Jeremías 23:13

“Jo'on quiloj te j'alwanejetic yu'un Samaria, ya spasic te bitic ma smulan co'tan; melel j'alwanejetic yu'un Baal, jich la sjowtesbonic te lum Israel cu'une.

Jeremías 23:14

Quiloj te j'alwanejetic ta Jerusalén, ya spasic bitic ilaybil: ya spasic mulwej soc lo'laywanej, ya sjajch'bey xan yo'tanic mach'atic amenic te ma'yuc mach'a ya yijq'uitay sba yu'un te bila amen ya spase. Ja'ic soc te mach'atic yajwal te lume jich c'oemic ta co'tan te bit'il Sodoma soc Gomorra.

Ezequiel 16:46

Ta stojol norte ay a te awixe, ja' te lum Samaria soc te ch'in lumetic yu'une. Ta stojol sur ay te awijts'ine, ja' te lum Sodoma, ja' nix soc te ch'in lumetic yu'une.