Miqueas 1:3 - Bible in Tzeltal de Oxchuc y Tenejapa

³ Te Cajwaltic ya xloc' tel ta awilal ta bay naineme, soc yac ta beel ya xtal ta sba te witstiquile.

Bible in Tzeltal Bachajón

³ Como te Jehová ya xloc' tal ta banti nahinem, ya xco tal, ya xbehen ta toyol awilaletic ta q'uinal.

Miqueas 1:3 Referans Kwoze

Amós 4:13

Te Cajwaltic ja' te la spas te witstiquil soc te iq'ue, ja' te ya yac'bey sna' stojol ants-winiquetic te bila chapbil yu'une, ja' te ya sc'atp'un ta ijc' q'uinal te saquil q'uinale, ja' te ya yoclin ta bay mero toyol q'uinal te balumilale, ja' me Ajwalil, te Dios Spisil ya xju' yu'une, ja' me sbiil abi.

Isaías 26:21

Melel te Cajwaltic ya xloc' tel ta bay palacio yu'un, ta swenta yac'beyel castigo yu'un smulic te mach'atic nainemic ta balumilale. Te lumq'uinal ma xju' ya smuc xan te ch'ich' malbile; ja'uc me to, ya me xchicnaj ta lec te mach'atic la yaiyic milawe.

Deuteronomio 32:13

La yic' ta beel ta tsalaw, la yic' moel ta stoyolil te lumq'uinale. La yac'bey swe'elinic te bitic sitin ta q'uinal; la yac'bey yuch'ic chab te loq'uesbil ta tontiquil. Soc la yac'bey aceite loq'uem ta tulanil ton,

Habacuc 3:19

Melel te Cajwale ya yac'bon quip; ya yac'bon yip te cacane, jich bit'il ya x'animaj chij. Jich ya yic'on bael ta toyol q'uinal ta bay ya xcolone —xi' te Habacuc.

Salmos 115:3

Te Dios cu'untic ay ta ch'ulchan; ja' la spas spisil stuquel te bitic la sc'an yo'tane.

Ezequiel 3:12

Te yip yu'el te Diose la sjachon jajch'el. Ta jpat la caiy ay chicnaj buen tulan c'op te jich la yal: —¡Albeya yutsilal te Cajwaltic te ay ta ch'ulchane! —xi'.

Isaías 25:10

Ta sc'ab Cajwaltic ya scanantay te wits Sión; yan te Moab ya me spech' ta teq'uel stuquel, jich te bit'il ya yich' pech'el ta teq'uel ac ta yawil te bila amene.

Job 40:12

Pasa me jiche, ac'a yalicuc ta swenta nax yu'el asit, tenbil ac'a jiluquic tey ta banti ayic te mach'atic ma lecuc yo'tanetique.

Deuteronomio 33:29

Bayal me awutsil, ja'at Israel, ¿mach'a pajalat soc? Melel ja' nix te Cajwaltic te scoltayejate, ya scanantayat, ja' ya scoltayat stuquel. Ja' puñal awu'un c'oem soc ja' tsalaw awu'un stuquel. Te acontrotac ya me yac' sbaic ta ac'ab, te ja'ate ya me alajinbey te stoybailique —xi' te Moisese.

Zacarías 14:4

Te c'alal ya sta sc'aalelal te Cajwaltic ya me stec' ta yacan te wits yu'un Olivoiltic, snujp'usitayej sba soc Jerusalén ta stojol sloq'uib c'aale. Ya me sjep ta olil te wits yu'un Olivoiltic, jun muc'ul suclej te ya xbajt' ta stojol sloq'uib c'aal soc ta stojol smalib c'aal, cheb me witsetic ya xc'otix a. Te olil wits ya me xbajt' ta stojol norte, te yan olil xane ya me xbajt' ta stojol sur.

Amós 9:5

Te Cajwaltic te Spisil ya xju' yu'une, ya stij te lumq'uinal, jich ya x'ulub. Ya me x'oc' yu'un spisil te yajwale. Te lumq'uinal ya me syuq'uilay sba jich bit'il ya xmo soc ya xco ya'lel te Nilo.