Miqueas 1:13 - Bible in Tzeltal de Oxchuc y Tenejapa

¹³ Ja'ex yajwal Laquis, te la atoy abaic jich bit'il Israel, te ja' la ajajch'esic mulil ta Sión, chajbana caballoetic, ac'a snitic bael te carretaetic awu'unique.

Bible in Tzeltal Bachajón

¹³ Chucahic ta carreta te cawuhetic, ha'ex te nahinemex ta Laquis. Tey hahch a te smul te yantsil-nich'an Sión, como chicnaj ta atojolic te toybahiletic yu'un Israel.

Miqueas 1:13 Referans Kwoze

2 Reyes 18:17

Patil te muc' ajwalil yu'un Asiria la sticunbey ta stojol muc' ajwalil Ezequías jtul sjoy ta at'el te yich'oj tulan yat'el, yan abat yu'un te jun yo'tan sba soque, soc yan abat yu'un te yac'ojbey tulan yat'ele. Yic'ojic tel bayal soldadoetic te bayal yipique, jajch'ic bael ta lum Laquis, bajt'ic ta yaq'uel guerra te Jerusalén. C'alal c'otic ta Jerusalén, la xchajban scampamentoic ta banti ay scanalil ja' yu'un yawil ja' ta toyol, ta be te baem ta aquiltic ta banti ya yich' saq'uel ach' paq'uetic.

2 Crónicas 32:9

Ta patil te muc' ajwalil Senaquerib yu'un Asiria, te yac ta yac'beyel guerra te lum Laquis soc spisil te soldadoetic yu'une, la sticun bael ta Jerusalén cha'oxtul swinictac ta swenta sticunel bael aiyej te Ezequías, te muc' ajwalil yu'un Judá, soc spisil te yajwal Jerusalén, jich la yal bael:

Josué 10:3

Ja' swentail te Adonisedec la sticunbey c'op te ajwaliletic, ja' te Hohan yu'un lum Hebrón, Piream yu'un lum Jarmut, Jafía yu'un lum Laquis, soc Debir yu'un lum Eglón. Jich la yalbey:

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Miqueas 1:5

Ta spisil ya xc'ot ta pasel ta scaj stoybail te sts'umbal Jacob, ta scaj smul te israeletic. ¿Banti ay te stoybail te sts'umbal Jacob? ¡Ta lum Samaria! ¿Banti ay te toyol ch'uunjibaletic ta Judá? Ja' ta bay Jerusalén.

Ezequiel 23:11

“Te Aholiba, ja' te ijts'inale, la yil. Pero c'ax jich la yac' sba ta c'abal a te bit'il te xwixe. Och ta mulanwanej, soc och ta jmulwej.

Jeremías 4:29

Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Jeremías 3:8

Soc la yil te la quijq'uitay jba jilel soc te toyba Israel, och ta jun te la quijq'uitay jba soque, ja' yu'un te mulwej la spase. Ja'uc me to, te Judá te yijts'in Israel, ma junuc yo'tan, ma ba xiw yo'tan yu'un. Ja' nix jich bajt', ba yat'elin spasel te mulweje.

Isaías 37:8

Te asiria-winic te tulan yat'ele, la yaiy stojol te la yijq'uitayix te lum Laquis te muc' ajwalil yu'un Asiria. Jich yu'un la yijq'uitay uuc te Jerusalén, ba sta te muc' ajwalil yu'un Asiria te yaquix ta yac'beyel guerra te lum Libná.

Isaías 10:31

Te lum Madmena ya xloq'uic ta anel, te mach'atic yajwal te lum Gebim ya snac' sbaic.

2 Crónicas 11:9

Adoraim, Laquis, Azeca,

2 Reyes 8:18

Pero ja' nix la st'unbey sbe te muc' ajwaliletic ta Israel soc te patil alnich'anetic yu'un Acab, melel te yiname sts'umbal Acab. Ja' yu'un te yat'ele amen ta sit te Cajwaltique.

1 Reyes 16:31

Melel ma'yuc sc'oplal ta yo'tan te la spas te muliletic la spas te Jeroboam snich'an Nabat. C'axem to xan jich a te bi la spas te Acabe c'alal nujbin soc Jezabel yantsil-nich'an Et-baal, muc' ajwalil ta Sidón. Jich jajch' xch'uun soc jajch' yalbey wocol te Baal.

1 Reyes 14:16

Te Cajwaltic ya me yac' ta c'abal te Israel ta scaj te mulil la spas te Jeroboam soc te la yac'bey spasic te lum Israel —xi' te Ahías.

Josué 15:39

Laquis, Boscat, Eglón,

Éxodo 32:21

Te Moisés la yalbey te Aarón: —¿Bi la apas soc te lume? Mero muc' mulil la apas soc —la yut.

Génesis 19:17

C'alal loq'uix bael yu'unic a, la yalbey mandal: —Anan me bael, ma me xasujt'es aba ta yilel, soc ma me xjalajat ta spamlej. Anan bael ta witstiquil, teme ma x'ac'an ya xlajate —xiic.

1 Reyes 4:28

Te jujun u ya xc'ot ta swentaique, ya sticunic sit cebada soc te staquin acul te ya swe' te caballoetic soc te yantic caballoetic te ya snitic carretaetic, chican te banti ya x'albotique.

2 Reyes 14:19

Ta Jerusalén la xchap sbaic ta scontroinel te Amasías. Jich loc' ta anel, bajt' ta lum Laquis. Pero la snutsic bael, tey c'o smilic a.

Isaías 36:2

C'alal ta lum Laquis la sticun bael jtul capitán-soldado soc bayal soldadoetic te tulanique, ba yilic te muc' ajwalil Ezequías ta Jerusalén. Tey la yac' sbaic ta nopol beja' yu'un estanqueil te ay ta cajale, ta be ya xbajt' ta sq'uinal te Sac'jibal Ach' Paq'uetique.

Job 39:10

¿Ya bal xju' ya achucbey yugo ta snuc' te ya awac' puersa yu'un ya awac'bey sjoc' te alum-aq'uinale; o ya bal sts'aclinat ta apat ta swuyel te lum ta aq'uinale?

Jeremías 34:7

Ja' yorail te yac ta stenel ta guerra a te Jerusalén, te Laquis soc Azeca te soldadoetic yu'un te muc' ajwalil yu'un Babilonia. Ja'ic nax te oxpam lum te jilemic to xane, te tulan to sts'ajc'ulic ta sq'uinal Judá.