Miqueas 1:12 - Bible in Tzeltal de Oxchuc y Tenejapa

¹² Mach'atic nainemic ta lum Marot ya sts'ot sbaic yu'un xc'uxul; yo'tanuc te lecuc q'uinal ya yaiyic. Melel te Cajwaltic la spas te ya xjul te bila amen ta bay sti'il sts'ajc'ul Jerusalén.

Bible in Tzeltal Bachajón

¹² Como te mach'atic nahinemic ta Marot wocol ya smahliyic te bin lec, como te Jehová la yac' te ya xc'oht te bin chopol ta yochibal te Jerusalén.

Miqueas 1:12 Referans Kwoze

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Miqueas 1:9

Melel te yejch'en Samaria ma xju' ta poxtayel; jich tabilix uuc te Judá, c'oemix c'alal ta Jerusalén, ja' te lum ta bay nainemic te jlumale.

Amós 3:6

Teme ya xc'opoj oq'ues ta yutil lum, te ants-winiquetic ya sjachic ch'inlajanel ta c'op yu'un. Teme ay bila amen ya xc'ot ta pasel ta lum, yu'un ja' la sticun tel te Cajwaltique.

Jeremías 8:15

Yacotic ta smaliyel te ya x'esmajotique; ja'uc me to, ma'yuc bila lec a jul ta jtojoltic. Yacotic smaliyel yutsil q'uinal caiytic ta jc'optic; ja'uc me to, ja' nax ay xiwel.

Isaías 45:7

Jo'on ya jchicnantes te saquil q'uinal soc te ijc' q'uinale; ya cac' utsubuc te q'uinale, ya cac' taluc te woclajele. Jo'on Ajwalilon ya jpas ta spisil.

Job 30:26

Te jo'one yacon ta smaliyel te bila t'ujbil ya xtal ta jtojol, pero ja' tal te bila ma t'ujbiluque; ja' yacon ta sna'el te saquil q'uinal, pero ja' tal ta jtojol te ijc' q'uinale.

1 Samuel 4:13

Te c'alal c'ot, nacal ta muc'ul silla ta nopol ti'nail te Elí, t'ojol sit ta be, melel ja' bayal sc'oplal ta yo'tan la yaiy te scajonil trato yu'un te Diose. Te winic och bael ta lum, c'o yal te bi c'otix ta pasele. Ora jajch'ic ta aw ta spisil te yajwal lume.

Rut 1:20

Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.