San Mateo 9:6 - Bible in Tzeltal de Oxchuc y Tenejapa

⁶ Swenta yu'un ya me ana'ic te Nich'anil yich'oj tulan yat'el ta balumilal ta spasel perdón yu'un mulil —xi' te Jesuse. Soc jich la yalbey te winic te chamen xchial yoc-sc'abe: —Ya calbat te ja'ate, jajch'an. Q'uecha bael te acajcante'e. Baan ta ana —la yut.

Nuevo Testamento Tzeltal de Amatenango

⁶ Jaꞌ tsꞌin to ya me kaꞌbeyex awilik te tutꞌil ay tulan yaꞌtel yichꞌoj ta xchꞌayel mulil ta balmilal te Nichꞌanile —xchi te Jesuse. Sok jich a yalbe te machꞌa kꞌolbil xchial yok-skꞌabe: —Jajchan choya bael te akꞌabal-teꞌe, baan ta ana —xyut.

Bible in Tzeltal Bachajón

⁶ Scuenta yu'un hich yac ana'ic a te ha yich'oj ya'tel ta sch'ayel mulil ta bahlumilal te Nich'anil ay ta scuenta winic, hich la yalbe te mach'a chamen schihal yoc sc'ab: Hahchan, q'uecha bahel te achahchamte'el, bahan ta ana, xchi.

San Mateo 9:6 Referans Kwoze

San Mateo 9:5

¿Bila wocol ta alel? ¿Ja' bal wocol te “Pasbilatix perdón yu'un amul”, te la cute? ¿O ja' bal wocol ya awaiy te “Jajch'an, beenan”, teme ya cute?

Isaías 43:25

“Ja'uc me to, ta scaj te Dioson awu'unic ya jtup'beyex te mulil awu'unic, soc ma ba ya jna'beyex xan.

2 Corintios 2:10

Teme ay mach'a ya apasbeyic perdón yu'un te bila amen la spase, jich ya jpasbey perdón yu'un uuc te jo'one. Yu'un te mach'a ya jpasbey perdone, teme ay nix bila ya sc'an ya jpasbey perdón yu'une, ja' ya jpasbey perdón ta awentaic ta stojol te Cristoe.

Colosenses 3:13

Talel c'axel ts'icbeya abaic, soc pasbeya abaic perdón teme ay ma lecuc te bila ya apasbey abaique. Jich nix te bit'il la spasbeyex perdón te Cristoe, ja' nanix me jich ya sc'an te ya apasbey abaic perdón uuc te ja'exe.

Efesios 4:32

Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

Hechos 9:34

Te Pedro la yalbey: —Eneas, ya scoltayat te Jesucristoe. Jajch'an, chajbana jilel te awayibe —la yut. Ora tejc'aj jajch'el te Enease.

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

San Juan 17:2

Melel la awac'beyix yich' tulan yat'el ta stojol spisil ants-winiquetic swenta yu'un jich me ya yac' xcuxinuc sbajt'el q'uinal spisil te mach'a jayeb awac'ojbey ta sc'abe.

San Juan 10:28

Jo'on ya cac'bey xcuxlejal sbajt'el q'uinal, soc xujt' ma xch'ayic sbajt'el q'uinal. Ma'yuc mach'a ya spojbon loq'uel ta jc'ab.

San Lucas 5:21

Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

San Marcos 2:10

Ja'uc me to, ya me cac'beyex awilic te bit'il tulan yat'el yich'oj ta spasel perdón yu'un mulil ta balumilal te Nich'anile —xi' te Jesuse. Soc jich la yalbey te winic te chamen xchial yoc sc'abe:

San Marcos 2:7

¿“Bistuc te jich ya yal in winic to? Ya stoybac'optay te Diose. ¿Ay bal mach'a ya xju' yu'un spasel perdón yu'un mulil? Ja' nax stuquel te Diose”, xiic.

San Mateo 8:20

Jich la yalbey te Jesuse: —Te waxetique ay xch'enic, soc te ja'mal mutetique ay spechech stuquelic. Yan te Nich'anile, ma xwejt' te banti ya smejts'an sba ta wayel —xi' te Jesuse.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Mateo 9:2

Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

San Mateo 9:7

Te winic te chamen xchial yoc-sc'abe jajch' bael. Bajt' ta sna.

San Juan 5:8

Jesús la yalbey: —Jajch'an tel. Bala te awaibe. Beenan bael —la yut.

San Juan 5:27

Soc ac'bot yich' yat'el ta chajbanwanej te Nich'anile.