San Mateo 9:5 - Bible in Tzeltal de Oxchuc y Tenejapa

⁵ ¿Bila wocol ta alel? ¿Ja' bal wocol te “Pasbilatix perdón yu'un amul”, te la cute? ¿O ja' bal wocol ya awaiy te “Jajch'an, beenan”, teme ya cute?

Nuevo Testamento Tzeltal de Amatenango

⁵ ¿Tut a te lek ta alel ya awaꞌiyik ta stojol te jchamele? ¿Me jaꞌ wan wokol te “Chꞌaybilix amul” te ya kute? ¿O jaꞌ wokol ya awaꞌiyik te “Jajchan, beenan” teme ya kute?

Bible in Tzeltal Bachajón

⁵ ¿Banti ma ba wocol ta halel yac awa'iyic: Ha bal te ch'aybilix amul, o: Hahchan, behenan, teme xchihe?

San Mateo 9:5 Referans Kwoze

Hechos 3:16

Ja' ta swenta Jesús te ayix yip yacan in winic to te awilojic soc te ana'ojbey sbae. Ta swenta xch'uunjel co'tantic ta stojol te Jesuse, jc'axel colemix in winic to, jich te bit'il yacalex ta yilele.

Hechos 9:34

Te Pedro la yalbey: —Eneas, ya scoltayat te Jesucristoe. Jajch'an, chajbana jilel te awayibe —la yut. Ora tejc'aj jajch'el te Enease.

San Mateo 9:2

Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

San Mateo 9:6

Swenta yu'un ya me ana'ic te Nich'anil yich'oj tulan yat'el ta balumilal ta spasel perdón yu'un mulil —xi' te Jesuse. Soc jich la yalbey te winic te chamen xchial yoc-sc'abe: —Ya calbat te ja'ate, jajch'an. Q'uecha bael te acajcante'e. Baan ta ana —la yut.

San Marcos 2:5

C'alal la yil Jesús te bit'il ay xch'uunjel yo'tanique, jich la yalbey te chamele: —Jnich'an, pasbilatix perdón yu'un te amule —xi'.

San Lucas 5:20

C'alal la yil te Jesús te bit'il ay xch'uunjel yo'tanique, jich la yalbey te jchamele: —Tatic, pasbilatix perdón yu'un te amule —xi'.

San Lucas 7:48

Jich te Jesús la yalbey te antse: —Pasbilatix perdón yu'un te amule —xi'.