San Mateo 9:4 - Bible in Tzeltal de Oxchuc y Tenejapa

⁴ Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

Nuevo Testamento Tzeltal de Amatenango

⁴ Te Jesuse la snaꞌ te tut ya yal ta yoꞌtanike. Jich a yalbe: —¿Tut yuꞌun te ma tsaꞌamuk te tut ay ta awoꞌtanike?

Bible in Tzeltal Bachajón

⁴ Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

San Mateo 9:4 Referans Kwoze

San Lucas 6:8

Jich te Jesuse sna'oj stojol te bit'il jich ay te yo'tanique, jich yu'un la yalbey te winic te sicuben xchial sc'abe: —Jajch'an, tec'lan ta olilal —xi'. Jich jajch' te winique, tejc'aj tey a.

San Mateo 12:25

Jesús la sna' stojol te bila la yaan yo'tanique. Jich caj yalbey yaiyic: —Te mach'atic jtul nax muc' ajwalil ay yu'unique, teme ya xat sbaique soc teme ya xjajch' scontroin sbaique, tey ya sjin sbaic ta spisilic a. Ja' nanix jich uuc te mach'atic jun nax lum ayique, o te mach'atic jun nax na ayique, teme ya xat sbaique ma ba ya xjalajic ta q'uinal yu'un.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

San Juan 16:30

Ta ora to la jna'tiquix te spisil ay ta awo'tan. Jich ma puersauquix te ay mach'a ya sjojc'obat xane. C'otix ta co'tantic te talemat ta stojol te Diose —xiic.

San Lucas 11:17

Te Jesús sna'oj stojol te bila yac ta yaanel yo'tanique, jich yu'un la yalbey: —Te mach'atic jtul nax muc' ajwalil ay yu'unique, teme ya xjajch' scontroin sbaique, ya me sjin sbaic ta stuquelic a. Ja' nanix jich teme ya xat sbaic te mach'atic jun nax na ayique, jich me ya sjin sbaic a.

Salmos 139:2

ja'at ana'oj spisil te bitic ya jpase; manchuc me c'ubul ayon, pero ana'ojix a te bi ya yal te co'tane.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

Hechos 5:9

Te Pedro la yalbey: —¿Bistuc la achap ac'op ta achebalic te la awilbeyic yo'tan te Espíritu yu'un te Cajwaltique? Aiya awaiy stojol, ayix ta ti'nail te mach'atic c'o smucbat jilel te amamlale. Ja' nix ya yich'bat bael abaq'uetal te ya smucbate —xi'.

San Juan 16:19

Jesús la sna' stojol te ya sc'an yo'tanic te ya sjojc'obeyique. Jich caj yalbey yu'un: —La calbeyex te li' ta ajc' ma ba ya awilbonic te jsite; soc li' xan ta ajc' ya awilbonic xan te jsite. ¿Ja' bal yacalex ta yaanel?

San Juan 6:64

Ja'uc me to, ay cha'oxtulex ma x'ac'anic te ya ach'uunique —xi'. Yu'un ta xjajch'ibal to sna'oj te Jesuse te mach'atic ma xch'uunot yu'une soc te mach'a ya x'ac'ot ta c'abal yu'une.

San Juan 6:61

Te Jesús la sna' stojol te yacalic ta smuquen-ayanel te bila la yale. Jich la sjojc'obey yaiy: —¿Yu'un bal amen c'ot ta awo'tanic te bila la cale?

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

San Lucas 5:22

Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

San Marcos 12:15

Te Jesuse la sna' stojol te cha'lam te yo'tanique. Jich la yalbey yaiyic: —¿Bi yu'un ya awilbonic co'tan? Ich'bonic tel quil jsejpuc te denario-taq'uine —xi'.

San Marcos 2:8

Te Jesús la sna' stojol te jich yacalic ta yalel ta yo'tanique. Jich la yalbey: —¿Bi yu'un te jich ya awal ta awo'tanique?

San Lucas 7:40

Te Jesús la yalbey te fariseoe: —Simón, ay bila ya calbat awaiy —xi'. La yal te fariseoe: —Yacuc, Maestro —xi'.

Ezequiel 38:10

La yal xan te Cajwaltic ta stojol Gog: —Jo'on Ajwalilon te jich ya cale: Te c'aal in to, ya me xtal ta awo'tan bila amenic.