San Mateo 9:32 - Bible in Tzeltal de Oxchuc y Tenejapa

³² Te c'alal loq'uic bael te cheb winiquetique, ay la yiq'uic tel ta stojol Jesús jtul uma' te ay pucuj ta yo'tane.

Nuevo Testamento Tzeltal de Amatenango

³² Ay machꞌatik la yikꞌik tal ta stojol Jesus jtul winik te ay pukuj ta yoꞌtan te ma xlokꞌ skꞌop yuꞌune.

Bible in Tzeltal Bachajón

³² Loq'uelic to bahel a, hul ta iq'uel jtuhl uma' te ay pucuj ta yo'tan.

San Mateo 9:32 Referans Kwoze

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

San Lucas 11:14

Te Jesús la sloq'uesbey pucuj ta yo'tan jtul winic te pasbil ta uma' yu'une. Te c'alal loc' te pucuje, jam te sti'e. Jchajp nax la yilic a te ants-winiquetique.

Isaías 35:6

Te mach'atic sicuben yacan ya me xcajic ta wilawetel, jichuc ja'mal chijetic; soc te mach'atic uma'etic ya me x'awunic. Te jochol taquin q'uinal ya me xt'om loq'uel tel ja', te tulan ya x'oquin.