San Mateo 9:2 - Bible in Tzeltal de Oxchuc y Tenejapa

² Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

Nuevo Testamento Tzeltal de Amatenango

² Ay jtul winik teꞌa te kꞌolbil xchial yok-skꞌabe xchoyojik tal ta kꞌabal-teꞌ ta stojol te Jesuse. Te kꞌalal la yil Jesus te tutꞌil xchꞌuunej yoꞌtanik te ya xlekuteswane, jich a yalbe te jchamele: —Junuk awoꞌtan, jnichꞌan. Chꞌaybilix te amule —xchi.

Bible in Tzeltal Bachajón

² Ay tal sq'uechbelic jtuhl winic te chamen schihal yoc sc'ab, metsel ta schahchamte'el. C'alal la yil te Jesús te ay sch'uhunel yo'tanic, hich la yalbe te mach'a chamen schihal yoc sc'ab: Ayuc me smuc'ul awo'tan, jnich'an. Ch'aybilix amul, xchi.

San Mateo 9:2 Referans Kwoze

San Mateo 9:22

Te Jesús la sujt'es sba, la yil te antse. Jich la yalbey: —Me'tic, ac'a bujts'najuc awo'tan. Colematix ta swenta xch'uunjel awo'tan —xi'. Quejch'aj ta ora te xchamele.

Santiago 2:18

Ay mach'a jich ya yal: “Te ja'ate ay xch'uunjel awo'tan, yan te jo'one jpasoj lequil at'elil”, xi'. ¿Bit'il ya awac'bon quil te xch'uunjel awo'tan teme ma ba chican ta awat'ele? Yan te jo'one ya me cac'bat awil te xch'uunjel co'tan ta swenta te cat'el jpasoje.

Hechos 19:12

Chican teme ja' te spañuelo, o teme ja' te smaquil xch'ujt' te lapbilix yu'une, la yich'beyic bael la yac'beyic ta sbaq'uetal te mach'a ay ta chamele, ora lamaj xchamelic yu'un, soc loc' pucujetic ta yo'tanic yu'un.

San Juan 21:5

Te Jesús jich la yal: —Winiquetic, ¿ay bal la atsaquic cojt'uc te chaye? —xi'. La yalic: —Ma'yuc —xiic.

San Mateo 8:10

C'alal la yaiy stojol te Jesuse, bayal la yaan yo'tan yu'un. Jich la yalbey te mach'atic sts'aclinejic tele: —Jamal ya calbeyex, ma'yuc jtuluc jtaoj ta Israel te jich ay xch'uunjel yo'tan jich bit'il in winic to.

San Mateo 4:24

Pujc' sc'oplal ta spamal sq'uinal Siria te Jesuse. La yiq'uic tel ta stojol Jesús spisil te mach'atic ayic ta chamele, chican bila chameliluc te yich'ojique soc chican te bila toyol xc'uxul ya yaiyic ta sbaq'uetalique. Ay mach'atic ay pucuj ta yo'tanic, soc ay mach'atic ayic ta tujp'ul ic', soc ay mach'atic lajem xchial te yoc sc'abique. Spisil lecub yu'un te Jesuse.

Romanos 5:11

Soc ma jipuc nax a. Ja' toyol co'tantic ta stojol Dios ta swenta te Cajwaltic Jesucristoe, te melel ja' ta swenta te junajix co'tan jbatic soc te Diose.

Hechos 14:9

Tey nacal ta yaiyel stojol te bila la yal te Pabloe. Te Pablo la yilbey sit, la yil te bit'il ay xch'uunjel yo'tan te ya xcole.

San Juan 16:33

La calbeyex spisil in to, swenta yu'un jich me lamal q'uinal ya awaiyic ta jwenta. Yan ta bay te balumilale ya me xc'ax awocolic, ja'uc me to, ayuc me smuc'ul awo'tanic ta jwenta, melel tsalbilix cu'un te balumilale —xi' te Jesuse.

San Mateo 9:6

Swenta yu'un ya me ana'ic te Nich'anil yich'oj tulan yat'el ta balumilal ta spasel perdón yu'un mulil —xi' te Jesuse. Soc jich la yalbey te winic te chamen xchial yoc-sc'abe: —Ya calbat te ja'ate, jajch'an. Q'uecha bael te acajcante'e. Baan ta ana —la yut.

San Mateo 8:16

Yaquix ta ijc'ubel q'uinal a te la yiq'uic tel ta stojol Jesús bayal ta jtul te mach'atic ay pucujetic ta yo'tanique. Juju-jp'al nax c'op la sloq'uesbey spisil te pucujetic te ayic ta yo'tanique, soc la slamantesbey xchamelic spisil te mach'atic ayic ta chamele.

Isaías 44:22

Jo'on la jch'aybatix ta jc'axel te faltaetic soc te muliletic awu'une, jich bit'il ya xch'ay ta jc'axel te tocale. Sujt'anic tel ta jtojol, melel cac'ojatix ta libre —xi'.

San Juan 2:25

Ma yejt'aluc te ay mach'a ya yalbey yaiy te bi yilel yo'tanique, melel ya sna' stuquel te bi yilel co'tantic juju-jtulotique.

San Marcos 5:34

Te Jesús la yalbey: —Me'tic, ta swenta xch'uunjel awo'tan, colematix. Jun awo'tan baan. Colematix yu'un te awocole —xi' te Jesuse.

San Marcos 1:32

Malix te c'aale, ochix ajc'ubal a. Jich te ants-winiquetique la yiq'uic tel ta stojol Jesús spisil te mach'atic ayic ta chamel soc spisil te mach'atic ay pucuj ta yo'tanique.

Eclesiastés 9:7

Ja' yu'un ya calbat, binuc nax me awo'tan ya xwe'at, soc binuc nax me awo'tan ya awuch' te vino awu'une, melel buen lec yo'tan Dios yu'un te awat'ele.

San Mateo 6:12

Pasbotic perdón yu'un te bila amen jpasojtique, jich te bit'il ya jpasbeytic perdón uuc te mach'atic amen bila spasojbotique.

San Mateo 9:5

¿Bila wocol ta alel? ¿Ja' bal wocol te “Pasbilatix perdón yu'un amul”, te la cute? ¿O ja' bal wocol ya awaiy te “Jajch'an, beenan”, teme ya cute?

San Mateo 14:27

Te Jesús la sc'opon ta ora: —Ac'a stulanil awo'tanic. Jo'on me. Ma me xiwex —xi'.

San Marcos 6:50

Spisilic la yilic. Bayal xiwic yu'un. Te Jesús la sc'opon ta ora: —Ac'a stulanil awo'tanic. Jo'on ya awil. Ma me xiwex —la yut.

San Marcos 10:49

Te Jesús la stejc'an sba: —Ic'aic tel —xi'. Jich la yiq'uic tel te ma'site soc la yalbeyic: —Ac'a smuc'ul awo'tan. Jajch'an. Ya yic'atix —xiic.

Hechos 23:11

Ta ajc'ubal te Cajwaltique la stejc'an sba ta stojol te Pabloe. Jich albot yu'un: —Pablo, ac'a stulanil awo'tan. Jich te bit'il la awalbonix jc'oplal li'to ta Jerusalén, ja' nanix jich ya xc'o awalbon jc'oplal ta lum Roma —utot yu'un.