San Mateo 9:15 - Bible in Tzeltal de Oxchuc y Tenejapa

¹⁵ La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

Nuevo Testamento Tzeltal de Amatenango

¹⁵ La yal te Jesuse: —¿Me ya wan spas te ben triste ay te machꞌatik majanlanbil ta nupunele teme sjoyinej to sba sok te machꞌa ya xnujpune? Pero ya me sta yorail te ya xꞌikꞌot lokꞌel ta yolilik te machꞌa nujpunixe. Jaꞌ to me ya xlijk skom sweꞌelik a te jꞌil-nujpuneletike.

Bible in Tzeltal Bachajón

¹⁵ Halbotic yu'un te Jesús: ¿Ya bal smel yo'tanic te mach'atic yacalic ta pas-q'uin scuenta nuhpunel teme sjoquic to te jnuhpunele? Pero ya me sta yorahil te ya xloq'uesbot te jnuhpunel, ha to me ya xhahch scom swe'elic a.

San Mateo 9:15 Referans Kwoze

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.

San Juan 3:29

Jich bit'il te nujbinele. Te mach'a ya xnujbin soc te ach'ixe, ja'ix te smamlale. Yan te mach'a sjoy nax sba soque, ja' nax ya xbujts'naj yo'tan yu'un te ya yaiybey te sc'ope. Jich c'oemon ta stojol te Jesuse. Bayal ya xbujts'naj co'tan ta swenta.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Hechos 14:23

Soc la sleic jilel te mach'atic la yac'beyic yat'el ta ancianoil ta bay juju-jtsojp jch'uunjeletique, soc la spasic ayuno ta sc'oponel Dios. Jich te Pablo soc te Bernabé la yaq'uic jilel ta sc'ab te Cajwaltic te xch'uunejiquixe.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

San Juan 16:6

Ja' nax baem ta awo'tanic te mel-o'tane, scaj te bit'il la calbeyexix awaiyic spisil in to.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

2 Corintios 11:27

C'axix jwocol ta lubel ta at'el ta jc'ab. Ay ma wayon xujt'uc. Ay c'ax jwocol ta wi'nal soc ta taquinti'il. Bayal buelta la jcom jwe'el. Soc ay c'ax jwocol ta sic yu'un ma ba wejt' lec te jc'u'-jpaq'ue.

San Mateo 9:14

Talic ta stojol Jesús te jnopojeletic yu'un te Juan J'ac'-ich'ja'e. Jich tal sjojc'oyic: —Bayal buelta ya jpastic ayuno, jich bit'il ya spasic uuc te fariseoetique. Yan te jnopojeletic awu'une, ¿bi yu'un te ma spasic ayuno stuquelic? —xiic.

San Mateo 9:16

“Ma'yuc mach'a ya spac'antay ta ach' pac' te pocol c'u'ile, melel te ach' paq'ue ya x'ojts'. Jich ya xch'i' yu'un te pocol c'u'ile. Jich c'ax muc' ya xc'ot xan a te xch'i'benale.

San Marcos 2:19

La yal te Jesuse: —¿Ya bal xju' ya spasic ayuno te j'il-nujbineletique, teme sjoinej to sba soc a te winic ya xnujbine? Melel teme ay to ta yolilique, ma xju' te ya spasic ayuno.

San Marcos 2:20

Ja'uc me to, ya me sta yorail te ya x'ic'ot loq'uel ta yolilic te winic te nujbine. Ja' to me ya xjajch' spasulayic ayuno abi.

San Lucas 5:34

Te Jesús jich la yalbey yaiyic: —¿Ya bal xju' ya awac'bey spasic ayuno te mach'a ic'bil ta il-nujbinele, teme sjoinej to sba soc te winic ya xnujbine?

San Lucas 5:35

Ja'uc me to, ya nax sta yorail ya x'ic'ot loq'uel ta yolilic te winic te nujbinixe. Ja' to me ya xjajch' spasulayic ayuno abi —xi'.

San Lucas 17:22

Soc la yalbey te jnopojeletic yu'une: —Ya me sta yorail te awo'tanuc yacuc awilic te Nich'anile manchuc teme ja' nax jun c'aale, ja'uc me to, ma ba ya awilic.