San Mateo 9:13 - Bible in Tzeltal de Oxchuc y Tenejapa

¹³ Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

Nuevo Testamento Tzeltal de Amatenango

¹³ Baan, nopaik te tut ya yal te Sjun Diose: “Jaꞌ ya jkꞌan te ya xkꞌuxutaywanexe. Ma jaꞌuk ya jkꞌan te milbil jmajtane”, te xchie. Ma jaꞌuk a tal kikꞌ te machꞌatik lek ta winikil ta skꞌopike. Jaꞌ a tal kikꞌ te jmulawiletike, jich me ya sujtes yoꞌtanik yuꞌun te smulike —xchi te Jesuse.

Bible in Tzeltal Bachajón

¹³ Bahanic, nopahic bin scuentahil te hich halbil: Ha ya jc'an te yac awa'iyic c'uxultaywanej, ma ha'uc ya jc'an milbil mahtanil, te xchihe. Como ma ha'uc tal quic'ticlan te mach'atic toj yo'tanic, ha tal quic' te jmulawiletique, xchi.

San Mateo 9:13 Referans Kwoze

San Marcos 2:17

Te c'alal la yaiy stojol te Jesuse, jich caj yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele. Melel ma ja'uc tal quic' te mach'atic tojique, ja' tal quic' te jmulawiletique —xi' te Jesuse.

San Lucas 19:10

Melel te Nich'anile tal sle soc tal scoltay te mach'atic ch'ayeme —xi' te Jesuse.

Oseas 6:6

Te bila ya jc'anbeyex te ja'exe, ja' te c'uxucon ta awo'tanique, te ma ja'uc ya apasbonic te milbil majt'anile. Ja' ya jc'an te ya ana'bonic jba jo'on te Diosone, ma ja'uc te ya awac'bonic chic'bil majt'anile.

San Lucas 5:32

Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi'.

San Mateo 12:7

Te ja'exe ma ba ana'ojbeyic swentail te bila ts'ibubil ta Sjun te Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Te yu'unuc ana'ojbeyic swentaile, ma ba la alebeyic smul te mach'atic ma'yuc smulic te jichuque.

Proverbios 21:3

At'elina spasel te bitic toj ta pasel soc te bitic swenta toj-o'tanile, melel te Diose ja' ya smulan, c'axem jich sc'oplal yu'un a te milbil smajt'ane.

2 Pedro 3:9

Ma yu'unuc jal c'aal xan ma xc'ot sc'op yaloj te Cajwaltique, jich bit'il ay mach'atic te jich scuyojique. Scaj nax yu'un te ya smaliyotique, melel ma sc'an teme ay mach'a ch'ayel ya xbajt'e. Ja' ya sc'an te yacuc sujt'es yo'tanic ta stojol te Diose.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

Hechos 5:31

Dios la yaq'uix ta ich'el ta muc' ta swa'el sc'ab yu'un la yaq'uix ta Ajwalil soc ta Coltaywanej, swenta yu'un ya me yac'bey sujt'es yo'tanic ta stojol Dios te israeletique. Jich me ya spasbey perdón yu'un te smulique.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Mateo 4:17

Jich yorail te Jesús jajch' yal ta bayuc ta stojol ants-winiquetic te lec yach'il c'op yu'un te jcoleltique. Jich la yal: —Sujt'esa awo'tanic ta stojol te Diose, yu'un nopol ya xjajch'ix ta ajwalinel te Dios ta ch'ulchane —xi' te Jesuse.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

San Mateo 3:8

Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

San Mateo 21:42

Te Jesús jich la yal: —¿Ma bal awilojuc te jich ya yal ta Sjun Dios: “Te ton te ma lecuc la yilic te jpas-naetique, ja' yiptajib chiquin-na c'otix stuquel. Ja' spasoj te Cajwaltique, jchajp nax q'uinal ya caiytic yu'un”, te xie?

San Mateo 12:3

La yal te Jesuse: —¿Ma bal awilojic ta Sjun Dios te bila la spas te David te c'alal ay ta wi'nal soc te sjo'taque?

San Marcos 12:26

Te bit'il ya xcha'cuxic tel te animaetique, ¿yu'un bal ma ba awilojic te bila ts'ibubil jilel yu'un Moisés ta bay c'oponot yu'un Dios ta bay jpejt' ch'ix te yac ta tilele? Jich la yal tey a te Diose: “Jo'on Dioson yu'un te Abrahame, te Isaaque, te Jacobe”, te xie.

San Juan 10:34

Te Jesús jich la yalbey yaiyic: —Ta bay te mandalil awu'unique ts'ibubil tey a te bit'il la yal te Diose te “ja'ex diosex”, te xie.

San Mateo 19:4

La yal te Jesuse: —¿Yu'un bal ma ba awilojic te bila ts'ibubil ta Sjun te Diose? Melel ta xjajch'ibal Dios la spas jtul winic soc jtul ants.

San Mateo 12:5

Soc ja' nanix jich, ¿ma bal awilojic ta mandalile te bit'il ma xyich'ic lewa yu'un yat'el ta templo ta sc'aalelal cux-o'tan te sacerdoteetique, soc ma yu'unuc ya sta smul a?

San Lucas 10:26

La yal te Jesuse: —¿Bila a te ts'ibubil ta mandalile? ¿Bi xi' awaiy te ya awile? —xi'.

San Marcos 12:33

Soc te bit'il c'ux me ya caiytic ta spisil co'tantic, soc spisil jp'ijiltic, soc spisil te quiptique; soc te bit'il c'ux me ya caiytic te jpat-jxujc'tique jich te bit'il c'ux ya caiy jbajtic jtuqueltique. Ja' c'ax muc' sc'oplal ta pasel stuquel a te bit'il ya cac'beytic smajt'an te Diose soc spisil smajt'an te ya yich' chiq'uel ta bay xchic'jibal te smajt'ane —xi' te winique.

San Lucas 5:31

Jesús la yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele.