San Mateo 9:11 - Bible in Tzeltal de Oxchuc y Tenejapa

¹¹ Te c'alal la yilic te fariseoetic te jich yac ta pasele, la sjojc'obeyic te jnopojeletic yu'une: —¿Bistuc te ya sjoin ta we'el jc'an-patanetic soc jmulawiletic te maestro awu'unique? —xiic.

Nuevo Testamento Tzeltal de Amatenango

¹¹ Te kꞌalal la yilik te fariseoetike te jich yipal ta spasele, la sjojkꞌobe te jnopojeletik yuꞌune: —¿Tuꞌun te ya sjoyin ta weꞌel te jkꞌan-tojemaletik sok te jmulawiletik te maestro awuꞌunike? —xchiik.

Bible in Tzeltal Bachajón

¹¹ C'alal hich la yilic te fariseohetic, la sjoc'obeyic te jnopojeletic: ¿Bin yu'un te ya sjoquin ta we'el jc'an-patanetic soc yantic jmulawiletic te Maestro awu'unique? la yutic.

San Mateo 9:11 Referans Kwoze

San Mateo 11:19

Patil tal te Nich'anile te ya xwe'-x'uch'aj ta leque. Jich ya awalic te toyol ya xwe'-x'uch'aje soc te ya sjoin jmulawiletic soc te jc'an-patanetique. Ja'uc me to, te sp'ijil yo'tan te Diose, ja' me ya xchicnaj ta swenta te bila ya yac' c'otuc ta pasele —xi' te Jesuse.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Marcos 2:16

Te jts'ibojometic soc te fariseoetique la yilic te sjoinej sba ta we'el soc jc'an-patanetic soc jmulawiletic te Jesuse. Jich la yalbeyic te jnopojeletic yu'une: —¿Bit'il ay te maestro awu'unic te ya sjoin sba ta we'el-uch'ajel soc jc'an-patanetic soc jmulawiletic? —xiic.

Hebreos 5:2

In te bit'il ma'yuc yip yo'tan uuc, jich ya sna' stojtesel te mach'atic ya xjowejic te ma sna'ic te bila ya spasique.

Gálatas 2:15

Te jo'otique, judiootic ta cayinabtic to, ma ba jmulawilotic jich bit'il te jyanlumetique.

San Lucas 19:7

Te c'alal la yilic spisil te ants-winiquetic te tey och a te Jesuse, la smuquen-ayanic. Ja' amen la yaiyic te la sjoin te mach'a jmulawile.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

2 Juan 1:10

Teme ay mach'a ya xtal ta banti ayexe, teme ma ja'uc yich'oj tel te nopjibal yu'un te Cristoe, ma me x'awic' ochel ta ana soc ma me jichuc ya awalbey: “¡Bin nax co'tan te talate!”, ma me xaucat ta stojol.

San Mateo 5:46

Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

San Mateo 9:10

Te c'alal yac ta we'el ta na soc te jnopojeletic yu'un te Jesuse, ay jc'an-patanetic soc jmulawiletic te tal sjoinic ta we'el te Jesuse.

Hechos 11:3

Jich la yalbeyic: —¿Bistuc ochat ta sna te mach'a ma ba yich'oj circuncisione, soc bistuc la ajoin ta we'el? —la yutic.