San Mateo 8:9 - Bible in Tzeltal de Oxchuc y Tenejapa

⁹ Melel te jo'one, ja' nax ayon ta xch'uunel mandal ta stojol te mach'a cajal cu'une. Soc ay ta jwenta spasel ta mandal te soldadoetic cu'une. Teme ya calbey te jtule: “Baan”, teme ya cute, ya xbajt'. “La'”, ya cut te yane, jich ya xtal. Teme ay bi ya cac'bey spasbon te abat cu'un, jich ya spas —xi'.

Nuevo Testamento Tzeltal de Amatenango

⁹ Jich te joꞌone, jaꞌ nax ayon ta xchꞌuunel mantal ta stojol te machꞌa tulan kuꞌune. Sok ay ta jkuenta te ya jpas ta mantal te soltaroetike. Teme ya kalbe te jtule: “Baan”, teme ya kute, ya xbajt. Teme ya kalbe te yane: “Laꞌ”, teme ya kute, ya xtal. Teme ay tut ya kaꞌbey spas te kaj-aꞌtele, jich ya spas —xchi te statal-soltaroe.

Bible in Tzeltal Bachajón

⁹ Como te ho'one pasbilon ta mandar, soc ay soldadohetic te ya jpas ta mandar, ya calbe te jtuhle: Bahan, hich ya xbaht, soc ya calbe te yane: La', hich ya xtal; soc ya calbe te ca'bat: Pasa ini, hich ya spas, xchi.

San Mateo 8:9 Referans Kwoze

Tito 2:9

Tac'uya te abatetique. Junuc me yo'tan ac'a xch'uunbeyic smandal te yajwalique. Jich me lec yo'tan yu'un te yajwalique. Ma me sujt'esic te bila ya x'albotique.

Colosenses 3:22

Abatetic, ch'uunbeyaic spisil smandal te awajwalic te ayex ta abatinel yu'un li'to ta balumilal. Soc awo'tan at'ejanic ta swenta te awajwalique. Ma ja'uc nax te c'alal ya yilex te lec ya x'at'ejex ta stojol. Junuc nax me awo'tanic ta stojolic. Ja' me x'axi'ic te Diose.

San Lucas 7:8

Melel te jo'one, ja' nax ayon ta xch'uunel mandal ta stojol te mach'a cajal yat'el cu'une. Soc ay ta jwenta spasel ta mandal te soldadoetic cu'une. Teme jich ya calbey te jtule: ‘Baan’, ya cut, jich ya xbajt'. ‘La'’, ya cut te yane, jich ya xtal. Ja' nanix jich teme ay bi ya cac'bey spas te abat cu'une, jich ya spasbon.” Jich la sticunotic tel ta yalel ta atojol —xiic.

San Lucas 4:39

Te Jesús la stinan sba yil, la scombey te sc'aale. Ora nax a lamaj te xchamele. Tejc'aj jajch'el ta ora, och ta mac'linwanej.

Salmos 148:8

te chawuc soc te bat, te toib soc te tocale, te chawuquil ic'al ja'al te ya xch'uunbey te mandaletic yu'une.

Salmos 119:91

Tulan ayic spisil te bitic la apase, jich te bit'il awaloje, melel spisil ayic ta abatinel awu'un.

San Mateo 8:8

Te centurión jich la yal: —Cajwal, ma spas te ya x'ochat ta jnae. Tic' a teme ya awal mandale. Jich me ya xcol te abat cu'une.

San Mateo 8:10

C'alal la yaiy stojol te Jesuse, bayal la yaan yo'tan yu'un. Jich la yalbey te mach'atic sts'aclinejic tele: —Jamal ya calbeyex, ma'yuc jtuluc jtaoj ta Israel te jich ay xch'uunjel yo'tan jich bit'il in winic to.

San Marcos 1:27

Spisilic jchajp nax la yilic a, soc caj sjojc'obey sbaic: —¿Bila a in to? ¿Bila yach'il nopjibal in to? Tulan yat'el yich'oj soc yu'el ta spasel ta mandal te pucujetique, soc ya xch'uunbot sc'op yu'unic —xiic.

San Lucas 9:1

Te Jesús la stsob tel ta stojol te lajchaytul jnopojeletic yu'une. La yac'bey yich' yu'elic soc tulan yat'elic ta sloq'uesel spisil ta jchajp pucujetic soc ta slamantesel jchameletic.