San Mateo 8:29 - Bible in Tzeltal de Oxchuc y Tenejapa

²⁹ Tulan jajch'ic ta aw te winiquetique. Jich la yalic: —Jesús ¿bistuc tal awochintayotic, ja'at te Snich'anat te Diose? ¿Yu'un bal tal awuts'inotic te ma to sta yoraile? —xiic ta aw.

Nuevo Testamento Tzeltal de Amatenango

²⁹ Lijk awunikuk te winketike, jicha yalik: —Jesus, ¿tuꞌun te tal awochintayotike?, jaꞌat te Xnichꞌanat Diose. ¿Me yuꞌun tal awilbajinotik te ma to sta skꞌaalele? —xchiik ta aw.

Bible in Tzeltal Bachajón

²⁹ Hich la yawtayic te Jesús: ¿Bin awochelotcotic a, Jesús Snich'anat Dios? ¿Tal bal awac'otcotic ta wocol te ma to ba stahoj yorahil? xchihic ta aw.

San Mateo 8:29 Referans Kwoze

San Marcos 1:24

Jich la yal: —Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

San Lucas 4:34

—Jesús te Nazarete, ¿bi awentaotic? ¿Yu'un bal tal ajinotic? Ya jna'bat aba te ja'at te Xch'ul-nich'anat te Diose —xi' ta aw.

Santiago 2:19

Te ja'ate ach'uunej te jun nax Dios aye. Lec nax te bit'il jich ach'uuneje. Ja'uc me to, jich xch'uunejic uuc te pucujetique, soc ya xnijc' yo'tanic yu'un xi'el.

San Marcos 5:7

Jich la yal ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol ta stojol Dios: Ma me xawuts'inon —xi' ta aw.

San Lucas 8:28

Te c'alal la yil te Jesuse, te winic la squejan sba ta stojol. Caj ta aw: —Jesús, ¿bistuc tal awochintayon ja'at te Snich'anat te Ch'ul Dios te ay ta ch'ulchane? Ya calbat wocol te ma me x'awuts'inone —xi' ta aw.

2 Pedro 2:4

Melel te Diose ma la spasbey perdón te ch'ul abatetic te la sta smulic ta stojole. La xch'oj coel ta bay infierno. Tey la yac' ta chuquel ta cadena ta bay te ijc' q'uinale, q'uejbilic tey a, ja' to teme la sta sc'aalelal te ich'el ta c'ope.

San Mateo 4:3

Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

San Juan 2:4

La yal te Jesuse: —Me'tic, ¿bistuc ya awalbon jich? Melel ma to sta yorail cu'un —la yut.

San Lucas 4:41

Soc loc' pucujetic ta yo'tanic tsobol ta jtul te mach'atic ayic ta chamele. Awun te pucujetique: —Ja'at Snich'anat te Diose —xiic ta aw. Te Jesús la scom ta c'op te pucujetique, yu'un sna'ojic te ja'ix te Cristoe.

2 Samuel 16:10

Pero la sjac' te muc' ajwalil: —Ma awentauc ja'ex, yalatac Sarvia. Teme ya yixtac'optayone, yu'un ja' nix te Cajwaltic te ticunbil yu'une. Teme jiche, ¿mach'a ya xju' ya sjojc'obey bi yu'un jich ya spas? —xi' te David.

Judas 1:6

Soc te ch'ul abatetic te ma la yich' ta muc' te yat'elique, la yijq'uitayic te banti ayique. Ayic ta chuquel ta ijc' q'uinal ta ora to, swenta yu'un ya me yich' ich'el ta c'op te c'alal ya sta sc'aalelale.

Hechos 16:17

Te ach'ixe jajch' sts'aclinotic soc te Pablo. Jich yac ta yalel ta aw: —Ja' in winiquetic to, ja' abatetic yu'un Dios te toyol ay ta ch'ulchane. Ja' ya yalbeyex awaiyic te sbelal te colele —xi' ta aw.

San Marcos 3:11

Te pucujetic te ochem ta yo'tan te ants-winiquetique, ora la squejan sbaic ta stojol te c'alal la yilic te Jesuse. Cajic ta aw: —Ja'at Snich'anat te Diose —xiic.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

2 Samuel 19:22

La sjac' te David: —Ma awentauc, yalatac Sarvia. ¿Bi yu'un ya atoy abaic ta jtojol? Yo'tic ya jna' ta lec te jo'on te muc' ajwalilon yu'un te Israele. Ja' yu'un ma'yuc mach'a ya xju' ya xlaj ta Israel ja' in c'aal to —xi'.

Joel 3:4

“¿Bi ya ac'anic ta jtojol, Tiro, Sidón, soc Filistea? ¿Ya bal asujt'esbonic spacol? ¿Ay bal bila ya ac'anbonic stojol? Nopol ya cac'beyex te bila ja'ex nix lebil awu'unique.

Jueces 11:12

Ta patil la sticun bael c'op ta stojol te ajwalil yu'un te amonetic ta sjojc'oyel te sc'ope: “¿Bi swentailuc ta awo'tan te ya xtal awac'botic guerra soc te jlumale?” xi' bael sc'op.

2 Reyes 3:13

Pero te Eliseo jich la yalbey te muc' ajwalil yu'un Israel: —¿Bi jwentaat a te ja'ate? Baan, jojc'obeya te j'alwanejetic yu'un lotil diosetic yu'un te ame'-atate —la yut. Pero te muc' ajwalil yu'un Israel la yac' puersa ta c'op: —Ma'uc, melel ja' te Cajwaltic la yic'otic tel te oxeb muc' ajwalilotic, swenta yu'un ya x'ochotic ta sc'ab te moabetique —xi'.

2 Crónicas 35:21

Ja'uc me to, te Necao la sticun bael abatetic yu'un, jich la yal bael: “Jun me awo'tan ya awijq'uitayon jilel, ja'at te muc' ajwalilat yu'un Judá. Ta ora to, ma ja'uc tal cac'bat guerra te ja'ate, ja' talon ta stojol yan nación te yacon ta guerra soque. Dios me yalojbon te ya cac' puersa, jich yu'un ta swenta alequilal te ja'ate, ma me xjelawat ta stojol Dios, te bit'il ya scoltayon te jo'one, yu'un ma me ja'uc ya smilat”, xi' tel sc'op te Necao.

San Mateo 8:30

Ay jtsojp chitametic te stsoboj sbaic ta we'el te chican ta ilel tey a te banti ayique.