San Mateo 8:26 - Bible in Tzeltal de Oxchuc y Tenejapa

²⁶ La yal te Jesuse: —¿Bi yu'un te ya xiwexe? Ma'yuc xch'uunjel awo'tanic ya quil —xi'. Jich la stejc'an sba jajch'el. La scom te iq'ue soc te mare. Lamal nax q'uinal c'ot ta spisil.

Nuevo Testamento Tzeltal de Amatenango

²⁶ La yal te Jesuse: —¿Tut yuꞌun te ben xiꞌexe? Maꞌyuk tut xchꞌuunej awoꞌtanik ya kil —xchi. Jich a stejkꞌan sba jajchel, la skom te ikꞌe sok te jaꞌe, y ben tsaꞌam a jil.

Bible in Tzeltal Bachajón

²⁶ Halbotic yu'un: ¿Bin yu'un ya xiwex, winiquetic te mayuc lec sch'uhunel awo'tanic? xchi sc'oblalic. Hich la stehc'an sba te Jesús, tulan la scom te ic' soc te mar, mero lamal hil te q'uinale.

San Mateo 8:26 Referans Kwoze

Salmos 65:7

Ja'at ya acom te c'alal ya xjajch' niletel yip te ja'e, soc te c'alal ya xjajch' ch'inlajanel yajwal te lumetique.

Salmos 89:9

Ja'at ya apas ta mandal te mar jajch'em sc'ajc'al yo'tan; soc ya alamantesbey yip teme jajch' ta bule.

San Mateo 6:30

Melel teme Dios la yac' te jich ay yutsilal te ja'mal nichimetique, te jun nax c'aal cuxule soc te pajel ya yich' chiq'uel ta yawil c'ajq'ue, ¿yu'un bal ma c'axemuc to xan jich ya sc'u'ultesex te ja'exe? ¿Bi yu'un te ma'yuc xch'uunjel awo'tanique?

Romanos 4:20

Ma ba pejc'aj yo'tan yu'un. C'axem to xan la yich' yip xch'uunjel yo'tan yu'un te bila albot yu'un te Diose. Bin nax yo'tan la yalbey yutsilal Dios yu'un.

San Mateo 16:8

Te Jesús la sna' stojol te bila la yalbey sbaique. Jich caj yalbey: —¿Bistuc ya awalbey abaic te ma'yuc waj awich'ojique? Ma'yuc xch'uunjel awo'tanic.

Apocalipsis 10:2

Sjamoj ta sc'ab ch'in balbil jun te slechoje. Jich la stec' ta swa'el yacan te mare soc la stec' ta xq'uexen yacan te lum q'uinale.

Habacuc 3:8

¿Ilinemat bal, Cajwal, ta stojol te muc'ja'etique? ¿Tilem bal sc'ajc'al awo'tan ta stojol te maretique? ¿Ja' bal ya xmoat ta acaballoetic yu'un, soc ja' bal jich moemat ta acarreta te ya stsalwane?

Nahúm 1:4

Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Isaías 63:12

Ja' te la yac'bey sjoin ta yutsil yu'el te Moisés, ja' te la yac'bey sq'uep sba te mar ta stojol te lum yu'une swenta yu'un ay ta na'el a ta sbajt'el q'uinal,

San Mateo 8:27

Bayal la yaan yo'tanic yu'un te jnopojeletique. Jich la yalic: —¿Mach'a winiquiluc a in to te ya xch'uunbot smandal yu'un te iq'ue soc te mare? —xiic.

San Mateo 17:20

La yal te Jesuse: —Yu'un ma'yuc xch'uunjel awo'tanic ta lec. Jamal ya calbeyex, te ayuc jich xch'uunjel awo'tanic jtebuc te bit'il sbac' mostaza te biq'uit naxe, ya me xju' ya awalbey in wits to: “Loc'an bael li'to, baan ta yan q'uinal”, teme ya awute, jich nix ya xc'ot ta pasel awu'unic. Ma'yuc bila ma xju' awu'unic spasel te jichuque. [

San Lucas 4:35

Jesús la scom ta c'op te pucuje: —¡Ma xc'opojat! ¡Loc'an tel ta yo'tan te winique! —la yut. Te winic jipot ta lum yu'un te pucuj ta bay yolilic. Jich a loc' ta yo'tan. Ma'yuc yejch'en jilel.