San Mateo 8:25 - Bible in Tzeltal de Oxchuc y Tenejapa

²⁵ Te jnopojeletique la stijic jajch'el. Jich la yalbeyic: —¡Cajwal, coltayawotic! ¡Ya xlajotic ta ja'! —la yutic.

Nuevo Testamento Tzeltal de Amatenango

²⁵ Te jnopojeletik yuꞌune ba stijik jajchel. Jich a yalbeyik: —¡Kajwal, koltayaotik! ¡Ya skꞌan smulotik jaꞌ! —la yutik.

Bible in Tzeltal Bachajón

²⁵ Tal ta tijel yu'un te jnopojeletic, hich la yalic: ¡Cajwal, coltayawotic! ¡Ya me xlajotic! la yutic.

San Mateo 8:25 Referans Kwoze

Jonás 1:6

Pero bajt' ta ilel yu'un te mach'a swentainej te jtij-barcoe, jich albot: —¿Bistuc te jun awo'tan wayalate? Jajch'an ta ora, c'opona te Dios awu'une. Repente ya sna' yo'bolil jbajtic. Jich ma ba ya xlajotic —la yut.

San Lucas 8:24

Jich ba stijic jajch'el te Jesuse, soc la yalbeyic: —¡Maestro, Maestro! ¡Ya xlajotic ta ja'! —la yutic. Jajch' te Jesuse. La scom te iq'ue soc te yip sbul te mare. Jich quejch'aj soc lamal q'uinal c'ot ta lec.

2 Crónicas 20:12

Dios cu'untic, ¿ma bal yacuc awac'bey castigo? Melel te jo'otique ma me ayuc quiptic te ya cac'bey jbajtic guerra soc te bayal soldadoetic te ya xtal yac'botic guerra. Ma jna'tic bila ya jpastic yu'un. Jich yu'un ja' nax me cac'oj jsitic ta atojol te ja'ate —xi' ta sc'oponel Dios te Josafat.

2 Crónicas 14:11

Te Asa la sc'opon Dios, jich la yal: —Cajwal, pajal sc'oplal ta awo'tan atuquel, manchuc me tulanic o peq'uelic. Jich yu'un coltayawotic, Cajwal te Diosat cu'untic, ja' me smuc'ulat co'tantic atuquel, ja' me ya cac'bat ta awenta te ya jtsac jba soc te bayal winiquetique. Te ja'at Cajwal, ja' Diosat cu'untic. Ac'a ta ilel te bit'il ma'yuc mach'a cajal xan a te bit'ilate —xi' ta sc'oponel te Diose.

Salmos 10:1

Cajwal, ¿bi yu'un te q'uejel ya awac' abae? ¿Bi yu'un te ya anac' aba te c'alal yorail a te uts'inele?

San Mateo 8:2

Soc noptsaj tel ta stojol jtul winic te yich'oj c'a'el-chamele. La squejan sba ta stojol te Jesuse. Jich la yal: —Cajwal, te yacuc ac'ane, ya xju' awu'un te ya alecubtesone —xi'.

San Mateo 8:24

Ta banti mar tal tulan ic'. Jich mal ochel ta barco te yip sbul te mare. Yan te Jesuse wayal stuquel.

San Mateo 9:18

Te c'alal jich yac ta yalel a te Jesuse, tal jtul judio-winic te yich'oj yat'el ta jwolwanej yu'unique. La squejan sba ta stojol soc la yalbey wocol: —Te cantsil-nich'ane lajel to, ja'uc me to, teme ya xtal acajanbey ac'ab ta sjole, jich me ya xcha'cux xan —xi'.