San Mateo 8:22 - Bible in Tzeltal de Oxchuc y Tenejapa

²² Jich la yalbey te Jesuse: —Te ja'ate ts'aclinawon bael. Ja' ac'a smuquic te anima te mach'atic pajal anima soque —la yut.

Nuevo Testamento Tzeltal de Amatenango

²² Te Jesus la yalbe: —Tsꞌakliyaon bael. Jaꞌ me aꞌ smuk te machꞌa pajal chamenik soke —xyut.

Bible in Tzeltal Bachajón

²² Hich halbot yu'un te Jesús: T'unawon; ha nix ac'a smuc sbahic te mach'atic pajal chamen soque, xchi sc'oblal.

San Mateo 8:22 Referans Kwoze

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

Colosenses 2:13

Te ja'exe lajemex yu'un te mulile soc ma ba awich'ojic circuncisión te abaq'uetalique. Ja'uc me to, Dios la yac'beyexix acuxlejalic soc Cristo te bit'il la spasbeyex perdón yu'un spisil te amulique.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

1 Timoteo 5:6

Ja'uc me to, te me'ba ants te ja' nax baem ta yo'tan spisil te bila smulanej te sbaq'uetale, lajemix c'oem te bit'il cuxul to ta q'uinale.

San Juan 1:43

Ta yan xan c'aal la snop te Jesús te ya xbajt' ta sq'uinal Galilea. La sta sba soc te Felipe, jich la yalbey: —La', ts'aclinawon bael —la yut.

San Mateo 9:9

Loc' bael Jesús tey a ta bay te lume. Tey la yil jtul winic te Mateo sbiile, nacal ta banti ya yich' tojel spatanul te biluque. Te Jesús la sc'opon: —La', ts'aclinawon —la yut. Jich a jajch' te Mateoe. La sts'aclin bael.

1 Reyes 19:20

Te Eliseo ora la yijq'uitay te wacaxetic, bajt' ta animal ta spat Elías, jich c'o yalbey: —Ac'awon bael ta bujts'iyel swenta spatil yo'tan te jme'-jtat te ya xjile, patil ya me jt'unat —xi'. La sjac' te Elías: —Ya xju' ya xbaat, pero na'a me te bi la jpasbate —xi'.

San Mateo 8:21

Soc ay yan jnopojel yu'un te jich la yale: —Cajwal, ac'awon xan bael neeluc te ya xba jmuc jilel te jtate —xi'.

San Marcos 2:14

Te c'alal yac ta beel c'axel, la yil te Leví te snich'an Alfeo, nacal ta bay ya yich' tojel spatanul te biluque. Jich la yalbey: —La', ts'aclinawon —la yut. Jich te Leví la stejc'an sba. La sts'aclin bael te Jesuse.

San Lucas 9:59

Te Jesús la yalbey te yane: —La' t'unawon bael —la yut. Te winique la yal: —Cajwal, ac'awon xan bael neeluc te ya xba jmuc jilel te jtate —xi'.

San Lucas 9:60

Jesús la yalbey: —Ja' ac'a smuc te mach'a pajal anima soque. Yan te ja'ate, baan ta spuquel te bit'il ay ta ajwalinel te Diose —la yut.

San Lucas 15:24

Melel in jnich'an to, lajemix la caiy, ja'uc me to, cha'cuxemix”, xi' te state. Jich och spasic te q'uine.

San Juan 21:19

Te bit'il jich la yalbey te Jesuse, ja' la yac'bey sna' stojol a te bila lajel ya xc'ot ta swenta te Pedro te jich ya yac' ta ich'el ta muc' a te Diose. Te c'alal laj yo'tan ta yalbele, jich la yal xan: —La' me, joinawon bael —la yut.

San Juan 21:22

La yal te Jesuse: —Teme ya sc'an co'tan te cuxul to te c'alal ya xcha'talone, ma awentauc te ja'ate. La' me, joinawon —la yut.