San Mateo 8:2 - Bible in Tzeltal de Oxchuc y Tenejapa

² Soc noptsaj tel ta stojol jtul winic te yich'oj c'a'el-chamele. La squejan sba ta stojol te Jesuse. Jich la yal: —Cajwal, te yacuc ac'ane, ya xju' awu'un te ya alecubtesone —xi'.

Nuevo Testamento Tzeltal de Amatenango

² Sok tijilaj tal ta stojol jtul winik te yichꞌoj kꞌaꞌel-chamele. La skejan sba ta sit te Jesuse. Jich a yal: —Kajwal, te jichuk ya skꞌan awoꞌtan te ya akoltayone —xchi.

Bible in Tzeltal Bachajón

² Ay tal jtuhl winic te yich'oj c'a'elchamel, hul squejan sba ta stojol te Jesús, hich la yal: Cajwal, teme yac ac'an ya xhu' yac alecubteson, xchi.

San Mateo 8:2 Referans Kwoze

San Mateo 18:26

“Jich yu'un te abate, la squejan sba ta yalel wocol ta stojol te yajwale: “Cajwal, wocoluc, maliybon xan. Ya jtojbat spisil ta c'unc'un”, xi' ta stojol.

San Mateo 15:25

Ja'uc me to, te antse tal squejan sba ta stojol. Jich la yal: —Cajwal, coltayawon —xi'.

1 Corintios 14:25

Jich ya xchicnantesbot te bila muquen ay ta yo'tanique, soc jich me ya squejan sbaic ta yalel wocol ta stojol te Diose. Ya me yalic ta jamal te melel ja' Dios te ay ta awolilique.

Hechos 10:25

Te c'alal och ta sna Cornelio te Pedroe, tal ta tael ochel yu'un soc la stinan sba coel c'alal ta lum ta yich'el ta muc'.

San Juan 9:38

La yal te winique: —Ya jch'uunat, Cajwal —xi', soc la squejan sba ta stojol.

San Mateo 28:17

Te c'alal la yilic tey a te Jesuse, la squejan sbaic ta stojol ta yich'el ta muc', ja'uc me to, ay cha'oxtulic te ma spisiluc yo'tanic te la xch'uunic te ja' te Jesuse.

San Lucas 4:27

Ja' nanix jich te c'alal ay ta j'alwanej te Eliseoe. Tsobol mach'atic ayic ta c'a'el-chamel ta sq'uinal Israel. Ja'uc me to, jtul ma'yuc mach'a la yich' lecubtesel, ja' nax te Naamán te talem ta sq'uinal Siria —xi' te Jesuse.

San Mateo 26:6

Ay ta Betania te Jesús ta sna Simón jc'a'el-chamele.

San Mateo 20:20

Tal ta stojol Jesús te sme' te snich'nab Zebedeoe. Sjoinej tel te cheb yalataque. Te antse la squejan sba ta stojol Jesús, yu'un ay bi ya sc'anbey.

San Mateo 14:33

Jich te mach'atic ayic ta barcoe la squejan sbaic ta stojol te Jesuse. Jich la yalic: —Melel nix a te ja'at Snich'anat te Diose —xiic.

San Mateo 13:58

Ma bayaluc jchajp at'eliletic la spas tey a te Jesuse, ta scaj te cheb yo'tanic ta stojole.

San Mateo 9:18

Te c'alal jich yac ta yalel a te Jesuse, tal jtul judio-winic te yich'oj yat'el ta jwolwanej yu'unique. La squejan sba ta stojol soc la yalbey wocol: —Te cantsil-nich'ane lajel to, ja'uc me to, teme ya xtal acajanbey ac'ab ta sjole, jich me ya xcha'cux xan —xi'.

2 Reyes 15:5

Te Cajwaltic la yac'bey castigo te muc' ajwalile, tsacot ta c'a'el-chamel, asta jich ay a te laje. Ja' yu'un te muc' ajwalil stuquel nain ta jun cuarto ta sna, la squejch'an yat'el ta mandalteswanej. Te Jotam, ja' te snich'ane, ja' c'ot ta swenta te at'ele, ja' la swentain te nacione.

2 Reyes 5:27

Ja' yu'un yo'tic te sc'a'el-xchamel te Naamán, ja'at me ya xc'ot ta anujc'ulel, soc te patil alnich'anetic awu'un ta sbajt'el ora —xi' sc'oplal. Te c'alal te Giezi loc' bael ta stojol Eliseo, mero scojt'ol ayix a te c'a'el-chamel ta snujc'ulele, scojt'ol sacubenix jichuc toib a.

Números 12:10

Te c'alal nax la sq'uej sba bael te tocal ta bay te Nailpac', te María tsacot jilel ta c'a'el-chamel, mero sac a bajt' te snujc'ulele. C'alal la sujt'es sba Aarón ta yilel te María, la yil te tsacbil ta c'a'el-chamel te snujc'ulele.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

San Mateo 28:9

Ja'uc me to, Jesús la sta sba soc ta be, soc c'oponotic yu'un: —Talon —xi'. Jich noptsajic tel ta stojol Jesús te antsetique. La squejan sbaic ta yich'el ta muc' soc la spetbeyic te yacane.

San Mateo 10:8

Soc ya me alamantesic jchameletic, soc jc'a'el-chameletic, soc ya me acuxesic animaetic, soc ya me aloq'uesic pucujetic. Ta majt'anil la cac'beyex; ac'aic ta majt'anil uuc.

San Mateo 4:9

Soc la yalbey: —Teme ya aquejan aba ta jtojol soc teme ya awich'on ta muq'ue, ya me cac'bat spisil in to —xi' te pucuje.

San Mateo 2:11

Jich ochic ta na ta banti ay te alale. La yilic soc te sme'e, ja' te Mariae. La squejan sbaic ta stojol, soc la sjam te yawil sbiluquique. Jich la yac'beyic smajt'anin oro, perfume soc mirra.

2 Reyes 5:1

Ay jtul winic Naamán sbiil. Te Naamán ja' capitán yu'un te soldadoetic yu'un te muc' ajwalil ta Siria. Buen c'uxtaybil, buen ich'bil ta wenta yu'un te muc' ajwalil yu'une, melel te Cajwaltic la yac' yaiy tsalaw te siriaetic ta swenta Naamán. Pero te Naamán yich'oj c'a'el-chamel.

2 Samuel 3:39

Ja' yu'un te jo'one, manchuc me jo'on te muc' ajwalilon te tsabilon yu'un te Diose, pero ma'yuc quip ya caiy yu'un te bi la sjowil spasic te yalatac Sarvia. Ja' ac'a ac'botuc yu'un te Cajwaltic te bi yilel stojol ya sc'an te mach'a la spas te bi amen ta pasele —xi' te David.

San Mateo 8:1

C'alal coj tel ta wits te Jesús, tsobol ants-winiquetic ts'aclinot yu'un.

San Mateo 8:25

Te jnopojeletique la stijic jajch'el. Jich la yalbeyic: —¡Cajwal, coltayawotic! ¡Ya xlajotic ta ja'! —la yutic.

Hechos 10:14

La yal te Pedroe: —Ju'u, Cajwal. Ma'yuc bay jti'oj xujt'uc te bila ma lecuc sc'oplale soc te bila ilaybile —xi'.