San Mateo 8:16 - Bible in Tzeltal de Oxchuc y Tenejapa

¹⁶ Yaquix ta ijc'ubel q'uinal a te la yiq'uic tel ta stojol Jesús bayal ta jtul te mach'atic ay pucujetic ta yo'tanique. Juju-jp'al nax c'op la sloq'uesbey spisil te pucujetic te ayic ta yo'tanique, soc la slamantesbey xchamelic spisil te mach'atic ayic ta chamele.

Nuevo Testamento Tzeltal de Amatenango

¹⁶ Xꞌijkꞌubix a la yikꞌik tal ta stojol Jesus bayal ta jtul machꞌatik ay pukuj ta yoꞌtanike. Jujupꞌal nax skꞌop la slokꞌeslan te pukujetik te ay ta yoꞌtanike, y la slekutesbe xchamelik spisil te machꞌatik ayik ta chamele.

Bible in Tzeltal Bachajón

¹⁶ Ta yihc'ubel q'uinal la yiq'uic tal bayel mach'atic ay pucuj ta yo'tanic; ta sc'op nax la sloq'ueslan te pucujetic soc la slecubteslan spisil te jchameletique.

San Mateo 8:16 Referans Kwoze

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

San Lucas 4:40

Te c'alal ch'ayix bael c'aal a, spisil te mach'atic ay jchameletic yu'unique, chican te bila chameliluc te yich'ojique, la yiq'uic tel ta stojol te Jesuse. La scajanbey sc'ab ta sjol juju-jtul, jich lamaj xchamelic ta spisilic.

San Mateo 14:14

Te c'alal loc' ta barco te Jesuse, la yil te ayix tsobol ants-winiquetic tey a. La sna'bey yo'bolil sbaic. Jich la scoltay te jchameletic te ic'bilic tel yu'unique.

Hechos 5:15

Soc ay la sloq'uesic bael ta calleetic te jchameletic yu'unique, la xchawanic soc swayibic swenta yu'un te c'alal ya xc'ax tey a te Pedroe, ya me xtaotic yu'un cha'oxtuluc te squeawile.

San Marcos 5:8

Te bit'il jich la yale, yu'un jich albotix te pucuj yu'un te Jesús te ya xloc' tel ta yo'tan te winique.

San Mateo 12:22

Ay la yiq'uic tel ta stojol Jesús jtul winic uma' te ma'situben yu'un te pucuje. Te Jesús la scoltay. Jich c'opoj te winique, soc la yil q'uinal.

San Marcos 2:3

Tal chantul winiquetic te sq'uechojic tel jtul winic te chamen xchial te yoc sc'abe.

San Mateo 9:2

Ay jtul winic tey a te chamen xchial yoc-sc'ab te la sq'uechic tel ta cajcante' ta stojol te Jesuse. C'alal la yil Jesús te bit'il ay xch'uunjel yo'tanique, jich la yalbey te jchamele: —Jnich'an, ac'a bujts'najuc awo'tan. Pasbilatix perdón yu'un te amule —xi'.

San Marcos 9:25

C'alal la yil Jesús te sten sten nax sbaic tel te ants-winiquetique, la scom te pucuje: —Ja'at, pucuj, uma' soc cojc'at, ya calbat mandal: Loc'an ta yo'tan te quereme soc ma me xcha'ochat xan ta yo'tan —xi' te Jesuse.

San Mateo 8:33

Te jcanan-chitametique anic ochel ta lum. La spuquic ta alel ta spisil te bila pasbot te winiquetic te loq'uemix pucujetic ta yo'tanique.

San Mateo 8:15

La stsacbey sc'ab. Jich lamaj te sc'aale. Ora jajch', och ta mac'linwanej.

San Lucas 4:41

Soc loc' pucujetic ta yo'tanic tsobol ta jtul te mach'atic ayic ta chamele. Awun te pucujetique: —Ja'at Snich'anat te Diose —xiic ta aw. Te Jesús la scom ta c'op te pucujetique, yu'un sna'ojic te ja'ix te Cristoe.

San Lucas 13:12

Te Jesús la yil soc la yic' tel ta stojol. Jich la yalbey: —Me'tic, libre ayatix yu'un te achamele —xi'.