San Mateo 7:7 - Bible in Tzeltal de Oxchuc y Tenejapa

⁷ “C'anbeya te Diose, jich me ya yac'bat. Lea te bila ya ac'ane, jich me ya ata ta leel. C'opojan ta ti'nail, jich me ya sjambat te Diose.

Nuevo Testamento Tzeltal de Amatenango

⁷ “Kꞌanbeya te Diose jich me ya yaꞌbeyat. Lea te tut ya akꞌane, jich me ya ata ta leel. Kꞌopojan ta tiꞌpuerta, jich me ya sjeꞌbeyat te Diose.

Bible in Tzeltal Bachajón

⁷ C'anahic, hich me ya x'a'botex. Lehahic, hich me yac atahic ta lehel. C'opojanic, hich me ya xjambotex.

San Mateo 7:7 Referans Kwoze

San Mateo 21:22

Spisil te bila ya ac'anic ta sc'oponel te Diose, ya x'ac'botex teme jich ach'uunejique —xi' te Jesuse.

1 Juan 3:22

Spisil te bila ya ac'anbeyique, ya me yac'beyex, yu'un cat'elinejtic xch'uunel te smandale, soc cat'elinejtic spasel te bila lec yo'tan yu'un stuquele.

San Juan 15:7

“Teme jc'axel ya x'ainex ta jtojole, soc teme jc'axel ya awac' ta awo'tanic te jc'ope, c'anaic te bila ya sc'an awo'tanique, ya me x'ac'botex.

San Marcos 11:24

Ja' swentail te ya calbeyexe, te bila ya ac'anic ta sc'oponel Dios, ac'a xch'uunjel awo'tanic te ya yac'beyexe. Jich me ya awich' te bila ya ac'anique.

Jeremías 33:3

Awtayawon, ya jac'bat. Soc jich ya calbat bitic muc' sc'oplal soc te bitic ma xju' ta na'el awu'une.

San Mateo 6:33

Ja' me xaleic neeluc te bit'il ay ta ajwalinel te Diose soc te bila toj ta pasel yu'une. Jich me ya yesmantesbeyex spisil te bila ya xtuun awu'unique.

San Mateo 7:8

Melel te mach'a ay bila ya sc'anbey te Diose, jich ya x'ac'bot yu'un; soc te mach'a ya sle te bila ya sc'ane, jich me ya sta ta leel; soc te mach'a ya xc'opoj ta ti'naile, jich me ya xjambot.

San Juan 15:16

Te ja'exe ma ja'uc la atsaonic, jo'on la jtsaex jtuquel. Ja' la jtsaex yu'un te ya xbeenexe soc te ya sitinexe. Te asit ya awaq'uique ma xlaj sbajt'el q'uinal. Swenta yu'un spisil te bila ya ac'anbeyic te Jtat ta jwentae, ya me yac'beyex.

Hebreos 11:6

Ma xju' te lec yo'tan Dios cu'untic, ja' to teme ay xch'uunjel co'tantique. Melel ja' to ya xju' ya xnoptsajotic ta stojol Dios a teme jch'uunejtic te ay te Diose soc teme jch'uunejtic te ya yac'bey smajt'an te mach'atic ya xleot yu'unique.

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Salmos 10:17

Cajwal, ya awaiybey stojol sc'op te ya sc'oponat te mach'atic peq'uelique, ja'at ya awac'bey yip yo'tan, soc ya awentain.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

San Mateo 18:19

“Soc ya calbeyex xan, teme ay chebuquex li'to ta balumilal te ya achap ac'opic te bila ya ac'anbey te Diose, ya me x'ac'botex yu'un te Jtat te ay ta ch'ulchane.

Amós 5:4

Jich ya yal te Ajwalil yu'un te israeletique: —La'ic ta jtojol, jich me ya xcuxinex.

Santiago 5:15

Teme ay xch'uunjel yo'tanic te c'alal ya sc'oponic te Diose, jich me ya xcol te jchamele. Ya me xjajch'esot yu'un te Cajwaltique, soc teme ay staoj smule ya me spasbot perdón yu'un.

Salmos 27:8

Jich ya yalbon te co'tane: “Lea te Cajwaltique”, xi'. Jich yu'un, Cajwal, ya me jleat.

San Lucas 18:1

Te Jesús la yalbey yaiyic yan seña-c'op, swenta yu'un jich me ya snopic te ma ba ya yijq'uitayic sc'oponel Dios spisil ora soc te ma xchebaj yo'tanic ta stojole.

San Mateo 7:11

Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Cantares 3:2

Jich ora jajch'on, la coclin ta spamal te lume, ja' yacon ta sleel te mach'a jmulaneje. La jle ta calleetic soc ta plazaetic; la jle, pero ma ba la jta.

Romanos 2:7

Ya me yac'bey xcuxlejal sbajt'el q'uinal ta stojol te mach'a ya yat'elin spasel spisil ora te bila lec ta pasele, soc te ya sle yutsilal te ma xlaje.

Salmos 119:12

Cajwal, bin nax awutsil te ja'ate; p'ijubtesawon a te mandaliletic awu'une.

Salmos 86:5

Melel ja'at Cajwal, buen lec awo'tan soc jpas-perdonat atuquel; mero jc'uxtaywanejat yu'unic te mach'atic ya yalbat wocole.

Salmos 70:4

Pero spisil te mach'atic ya sleate, ac'a nojuc ta yo'tanic yutsil q'uinal yaiyic; te mach'atic ya sc'anic coltayel awu'un, ac'a yalic spisil ora te muc' te Diose.

Salmos 69:32

C'alal jich ya xc'ot ta pasel, bin nax me yo'tanic yu'un te mach'atic ayic ta mel-o'tan; soc ya me xtal xan yip yo'tanic te mach'atic ya sleic te Diose.

1 Reyes 3:5

Ay jun ajc'ubal ta Gabaón, te Salomón ta swaich chicnaj ta sit te Cajwaltique. Jich albot yu'un: —C'anbon te bi ya ac'ane, ya me cac'bat —xi' sc'oplal.

Salmos 10:4

Ya nax yixlan sni' ta ixta c'op, soc jich ya yal: “Ma'yuc Dios; ma'yuc ich'el ta c'op”, xi'. Jich ya snop ta yo'tan.

Romanos 3:11

Jtul ma'yuc mach'a c'oem ta yo'tan. Jtul ma'yuc mach'a ya sle te Diose.

San Lucas 13:25

Melel teme la smaquix ti'nail a te yajwal nae, jich ya xjajch' atijic te ti'naile te bit'il ayex ta amaq'ue. Jich ya xjajch' awalic: “Cajwal, Cajwal, jambotic te ti'naile”, ya me awutic. Ja'uc me to, ya yalbeyex te yajwal nae: “Ma jna' te banti talemex te ja'exe”, ya me yutex.

Salmos 34:4

La jle te Cajwale, la stsacbon jc'op, jich jilon ta libre yu'un spisil te xiwele.

Salmos 37:4

C'uxuc me ta awo'tan te Cajwaltique, ja' me ya yac'bat te bila ya sc'an awo'tane.

Isaías 30:19

Lum Sión te nainemex ta Jerusalén, ma ba ya x'oc'atix. Te Cajwaltic ya sna'bat yo'bolil aba c'alal ya yaiybat awaw ta sc'anel coltayel yu'une, ora nax ya sjac'bat teme c'ot ta stojole.

Génesis 26:32

Nax to nax bajt'ic a te tal te abatetic yu'un te Isaac, jul yalbeyic bit'il c'ot te pozo yacalic ta sjoq'uel: —La jtatiquix ja' —xiic julel.