San Mateo 7:6 - Bible in Tzeltal de Oxchuc y Tenejapa

⁶ “Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

Nuevo Testamento Tzeltal de Amatenango

⁶ “Ma me xꞌawaꞌbe yixlan genteetik te tutik ben tsaꞌam yuꞌun te Diose. Porke ay me pajal yoꞌtanik tut tsꞌiꞌetik te ya xeꞌtalan ta weꞌel te tut ya xꞌaꞌbote sok ya xjuꞌ somex ta tiꞌel euk. Jich te tutik yuꞌun te Diose pajal sok perlaetik te ben tsaꞌam ta ilele. Jaꞌ yuꞌun maꞌyuk machꞌa ya yakꞌ ta ixtalanel ta tekꞌulanel yuꞌun chitametik te perlaetike.

Bible in Tzeltal Bachajón

⁶ Ma me xawa'beyic yixtalan ts'i'etic te bin ch'ultesbil, soc ma me xach'ojic bahel perlahetic ta stojol chitametic, scuenta yu'un ma ba ya sts'o'ic ta teq'uel soc te ya suhtic tal sbutsticlanex hilel.

San Mateo 7:6 Referans Kwoze

Proverbios 23:9

Ma me xc'opojat ta stojol te mach'a ma sna' q'uinal, melel ya me slaban te p'ijil c'opetic awu'une.

Proverbios 26:11

Te ts'i' ya xcha'lo' xan xe; ja' nix jich te mach'a ma sna' q'uinale, ya spas xan te sbolile.

Filipenses 3:2

Tsajtaya me abaic yu'un te mach'atic ts'i'etique, tsajtaya me abaic yu'un te j'at'eletic te amenique, soc tsajtaya me abaic yu'un te mach'atic yat'elinejic sbojel te baq'uete.

San Mateo 15:26

Jesús la yalbey: —Ma lecuc teme ya jpojbeytic swaj te alnich'anetic te ya cac'beytic swe'ic te alal ts'i'etique —xi'.

Hebreos 10:29

¿Ma bal c'axemuc to xan jich castigo ya yich' awaiy te mach'a ya spech'an ta teq'uel te Snich'an Diose, soc te ma'yuc swentail ta yo'tan te ch'ich' yu'un te trato te la yich' ch'ultesel yu'un ae, soc te ya scontroc'optay te Espíritu yu'un Dios te c'uxtaybil yu'une?

2 Pedro 2:22

Ja'uc me to, jich c'otix ta pasel ta swentaic te bit'il ay ta alele: “Te ts'i'e, sujt' xan bael ta xcha'lo'el xan xe”, te xie. Soc xan: “Te me' chitam te yich'ojix poquele, sujt' xan bael la xcha'balan xan sba ta ajch'al”, te xie.

San Mateo 24:10

Ay me tsobol ta jtul ya xchebaj yo'tanic. Soc ya me xjajch' yilay sbaic soc ya me xjajch' yac' sbaic ta c'abal.

Proverbios 11:22

Ch'ocowil oro ay ta sni' chitam, jich c'oem te ants te ja' nax buen t'ujbil ta ilel te ma sna' q'uinale.

Hebreos 6:6

teme yoloj ya yijq'uitayic ta ch'uunel te Snich'an Diose, jich ma xju'ix te ya x'ac'bot sujt'es xan yo'tanique. Yu'un ja'ic ya yaq'uic xan ta jijp'anel ta cruz c'oem te Snich'an Diose, soc ya yaq'uic xan ta labanel ta comonsitil.

2 Corintios 11:26

Bayal buelta beenonix. C'axix bayal jwocol yu'un te bila xi'bantic sbae, jich bit'il: muc' ja'etic, j'eleq'uetic yu'un te jlumale soc uuc te jyanlumetic, ta lumlumtic, ta jochol q'uinaletic, ta maretic, soc ta bay jlotil-quermanotactique.

Proverbios 26:4

Ma xasujt'esbey sbol-c'op te mach'a ma sna' q'uinale, jich me ma pajaluc ya xc'oat soc.

San Mateo 7:5

Te ja'exe cha'lam awo'tanic. Loq'uesa neeluc te muc'ul ts'amte' te c'atal ta asite. Jich ya xju' awu'un sloq'uesel te ch'in ac te ochem ta sit te awermanoe.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.