San Mateo 7:26 - Bible in Tzeltal de Oxchuc y Tenejapa

²⁶ Yan te mach'a ya yaiybon stojol te jc'ope, soc teme ma jichuc ya spas te bit'il caloje, ja' ya jpaj soc te jtul winic te ma'yuc sp'ijil te la spas sna ta bay puro ji'leltic te lume.

Nuevo Testamento Tzeltal de Amatenango

²⁶ Yan te machꞌa ya yaꞌiybon sluwaril te jkꞌope sok teme ma jichuk ya spas te tut kaloje, jich kꞌoem te tutꞌil jtul winik te ma pꞌijuke la spas sna ta jiꞌileltike.

Bible in Tzeltal Bachajón

²⁶ Yan te mach'a ya ya'iy te c'op ini pero ma ba ya spas te bin ya yal, ha ya jpaj soc jtuhl winic te mayuc sp'ijil, te la spas sna ta hi'ileltic.

San Mateo 7:26 Referans Kwoze

San Lucas 6:49

Yan te mach'a ya yaiybon stojol te jc'ope, teme ma ba ya spas te bila ya cale, jich c'oem te bit'il jtul winic te sba lum nax la snajc'an te snae, te ma la yac'bey yiptajibe. C'alal tal snojel te ja'e, mal c'axel tey a ta bay loq'uem te snae. Bot'q'uej yu'un. Jc'axel jin te snae —xi' te Jesuse.

Jeremías 8:9

Ja'uc me to, te p'ijic ta sc'opique, peq'uel me ya xjilic. Ya me xnijc' yo'tanic, jichuc chambalametic te ya x'ochic ta pejts'e. ¿Banti ay te sp'ijilic, te bit'il ma la sc'anbonic te jc'ope?

Santiago 2:20

P'ijanic me soc na'aic me te xujt' ma'yuc swentail te xch'uunjel awo'tan teme ma chicanuc ta swenta te awat'ele.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Proverbios 14:1

Te ants te ay sp'ijile, t'ujbil ya xchajban sna; yan te ants ma sna' q'uinale, ya sjin sna stuquel.

Job 22:16

Ora lajic stuquelic, jich lajic te bit'il mach'atic ya xlajic ta snojel ja'e.

San Mateo 7:24

“Jich yu'un te mach'a ya yaiybon stojol te jc'ope soc teme ya spas te bila caloje, jich c'oem te bit'il jtul winic te ay sp'ijil yo'tane. Te c'alal la spas sna, la sle p'ijom ton te banti la sjaches ta pasel te snae.

San Mateo 7:25

Tal bayal ja'al ta patil. Mal c'axel snojel ja' ta banti loq'uem te snae, soc tal bayal ic'. Ja'uc me to, ma ba bot'q'uej te snae yu'un ipajem ta p'ijom ton.

San Mateo 7:27

Te c'alal tal bayal te ja'ale, mal c'axel snojel ja' ta banti loq'uem te snae, soc tal bayal ic'. Jc'axel jin jilel te snae —xi' te Jesuse.