San Mateo 7:24 - Bible in Tzeltal de Oxchuc y Tenejapa

²⁴ “Jich yu'un te mach'a ya yaiybon stojol te jc'ope soc teme ya spas te bila caloje, jich c'oem te bit'il jtul winic te ay sp'ijil yo'tane. Te c'alal la spas sna, la sle p'ijom ton te banti la sjaches ta pasel te snae.

Nuevo Testamento Tzeltal de Amatenango

²⁴ “Jaꞌ yuꞌun te machꞌa ya yaꞌiybon sluwaril te jkꞌope sok teme ya spas te tut kaloje, jachik tutꞌil jtul winik te ay spꞌijile. Te kꞌalal la spas sna, la sle pꞌej mukꞌul ton la slijkes a te snae.

Bible in Tzeltal Bachajón

²⁴ Mach'ayuc a te ya ya'iy te c'op ini soc te ya spas te bin ya yal, ha ya jpaj soc jtuhl p'ijil winic te la spas sna ta sba muc'ul ton.

San Mateo 7:24 Referans Kwoze

San Juan 13:17

Teme c'ot ta awo'tanique, bin nax me awutsil teme jich ya apasique.

San Lucas 11:28

La yal te Jesuse: —Ja' bin nax yutsil stuquelic te mach'atic ya yaiybeyic stojol sc'op te Diose soc te ya xch'uunic spasele —xi'.

1 Juan 2:3

Teme ya jch'uunbeytic smandal te Diose, tey ya jna'tic stojol a te jna'ojbeytic sbae.

Salmos 111:10

Ja' smuc'ul sp'ijil co'tantic Ja' te ya quich'tic ta muc' te Diose; te mach'atic ya yich'ic ta muc', ya x'ac'bot sp'ijil yo'tanic yu'un. Te Diose ay ta alel yutsil sc'oplal sbajt'el q'uinal.

Proverbios 10:8

Te mach'a ay sp'ijile, ya xch'uun mandal; yan te mach'a bol c'op ay ta ye, ya xjinot yu'un stuquel.

San Juan 14:15

“Soc teme c'uxon ta awo'tanique, ya me ach'uunbonic spisil te jmandale.

San Juan 15:14

Te jo'otique jun co'tan jbajtic teme ja' ya apasic te bila la calbeyex ta mandale.

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Mateo 12:50

Melel mach'auc a te ya spasbey sc'anjel yo'tan te Jtat te ay ta ch'ulchane, ja' quijts'inab soc ja' jme' c'oem —xi' te Jesuse.

Salmos 119:99

C'axem jich ya jna' a te bit'il ya sna'ic spisil te maestroetic cu'un, melel bayal ya jnop ta co'tan te mandaliletic awu'une.

Salmos 119:130

Ya awac' ta cholel te ac'op, jich ya sacub q'uinal yu'un; melel ya xp'ijub yu'un te ac'op te ants-winiquetic te peq'uelique.

Proverbios 14:8

Te mach'a ay sp'ijile, ya stsajtay te bila ya spase; yan te mach'a ma sna' q'uinale, ya xlo'layot yu'un te sbolile.

Proverbios 10:25

C'alal ya xc'ax tulan ic' ta stojol te mach'a amen yo'tan, ya xch'ay ta jc'axel; yan te mach'a toj yo'tane, stalel ya xjil stuquel.

Proverbios 12:7

Te mach'a amen yo'tan, ja' slajib ya xc'ot te ya xch'ay coele; yan te sna te mach'atic toj yo'tane, stalel ya xjil stuquel.

San Mateo 7:25

Tal bayal ja'al ta patil. Mal c'axel snojel ja' ta banti loq'uem te snae, soc tal bayal ic'. Ja'uc me to, ma ba bot'q'uej te snae yu'un ipajem ta p'ijom ton.

San Mateo 7:26

Yan te mach'a ya yaiybon stojol te jc'ope, soc teme ma jichuc ya spas te bit'il caloje, ja' ya jpaj soc te jtul winic te ma'yuc sp'ijil te la spas sna ta bay puro ji'leltic te lume.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

San Mateo 25:2

Ay jo'tul tey a te ma p'ijuc yo'tanique, soc ay jo'tul te p'ij yo'tanique.

San Mateo 25:4

Yan te mach'atic p'ij yo'tanique, la yich'ic bael te yawil sc'ajq'uique, soc la to yich'ic xan bael aceite ta juju-jtul.

San Mateo 25:9

Te ach'ixetic te p'ij yo'tanique, la yalic ta spisilic, “Ma niwan. Ma tic'uc a te ya xtuun cu'un jo'otic soc te ja'exe. Ja' lec baan manaic tel te banti ya xchonote”, la yutic.

Romanos 2:13

Melel ma ja'uc toj ya x'ilotic yu'un Dios te mach'atic ja' nax ya yaiyic stojol te mandalile, ja' toj ya x'ilotic yu'un Dios te mach'atic ya spasic te bila ya yal te mandalile.