San Mateo 7:23 - Bible in Tzeltal de Oxchuc y Tenejapa

²³ Jich me ya calbey ta jamal: “Xujt' ma jna'beyex abaic. Q'ueja abaic ta jtojol, ja'ex te la apasic te bila ma lecuque”, ya me cut.

Nuevo Testamento Tzeltal de Amatenango

²³ Jich me ya kalbey ta jamal: “Ni maꞌ jnaꞌbeyex abaik. Kꞌeja abaik ta jtojol jaꞌex te ma tsaꞌamuk te tut la apasike”, ya me kut.

Bible in Tzeltal Bachajón

²³ Pero jamal ya calbeyic: Mayuc bin ora la jna'beyex abahic. Loc'anic ta jtojol, ha'ex te chopol awa'telique, ya me cutic.

San Mateo 7:23 Referans Kwoze

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Salmos 6:8

¡Q'ueja abaic ta jtojol, ja'ex te amen awat'elique! Te Cajwal la yaiybonix te coq'uele.

San Lucas 13:27

Jich me ya yalbeyex: “Ma jna' te banti talemexe. Q'ueja abaic ta jtojol ja'ex te yacalex ta spasel te bila ma lecuque”, ya me yutex.

San Lucas 13:25

Melel teme la smaquix ti'nail a te yajwal nae, jich ya xjajch' atijic te ti'naile te bit'il ayex ta amaq'ue. Jich ya xjajch' awalic: “Cajwal, Cajwal, jambotic te ti'naile”, ya me awutic. Ja'uc me to, ya yalbeyex te yajwal nae: “Ma jna' te banti talemex te ja'exe”, ya me yutex.

San Mateo 25:12

Ja'uc me to, albotic yu'un: “Jamal ya calbeyex, ma jna'beyex abaic”, xi'.

San Juan 10:14

“Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Salmos 5:5

Ma'yuc banti ay yawilic ta atojol te mach'atic toybaetique; ma lecuc awo'tan yu'un te mach'atic amen yat'elique.

Salmos 119:115

Q'ueja abaic ta jtojol te amenexe, te jo'on ya jc'an ya jch'uunbey te mandaliletic yu'un te Dios cu'une.