San Mateo 7:22 - Bible in Tzeltal de Oxchuc y Tenejapa

²² Ta slajibal c'aal ay me tsobol ya yalbonic: “Cajwal, Cajwal, ¿yu'un bal ma ba la caiytic j'alwanej ta swenta abiil? Soc ta swenta abiil la jloq'uestic pucujetic, soc ta swenta abiil, la jpastic bayal jchajp at'eliletic”, xiic me ta jtojol.

Nuevo Testamento Tzeltal de Amatenango

²² Ta slajibal kꞌaal ay me bayal ya yalbikon: “Kajwal, Kajwal, ¿me yuꞌun wan maꞌyuk a kaltik akꞌop te joꞌotike? Sok la jlokꞌestik pukujetik ta akuenta. Sok ta akuenta la jpastik bayal ta kaj milagroetik”, xchiik me ta jtojol.

Bible in Tzeltal Bachajón

²² Ta hich ora ay me tsobol mach'atic hich ya yalbonic: Cajwal, Cajwal, ¿yu'un bal ma ba la jpucbatcotic ta halel ac'op ta scuenta abihil, soc ta scuenta abihil la jloq'ueslancotic pucujetic, soc ta scuenta abihil la jpasticlancotic jchahp a'teliletic? xchihic me ta jtojol.

San Mateo 7:22 Referans Kwoze

2 Timoteo 1:12

Ja' swentail te ay jwocol yu'un ta ora to. Ja'uc me to, ma ba ya xq'uexawon yu'un, melel ya jna' te mach'a jch'uuneje, soc xch'uunej co'tan te bit'il ay yu'el ta scanantayel te bila cac'ojix jilele ja' to te c'alal ya sta sc'aalelal te ya xcha'tal xane.

2 Timoteo 4:8

Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.

San Juan 11:51

Te bit'il jich la yal te Caifase, ma stuquel-o'tanuc nax. Dios te jich ac'bot yal yu'un ta scaj te ochem ta muc' sacerdoteil a te ja'wile. Jich la yalbey sc'oplal te puersa me ya sjelolin Jesús ta lajel te nacione.

Números 24:4

te yac ta yaiyel te bila ya x'albot yu'un Dios. Yalemix ta lum pero mero chican ta lec ya yil, jich ay bila ya xchicnaj ta sit ya yaiy yu'un te Dios te Spisil ya xju' yu'une.

1 Tesalonicenses 5:4

Yan te ja'ex quermanotac, ma'yuquex ta ijc' q'uinal te yu'un ch'ayem atsaic a te ya sta sc'aalelal te Cajwaltique, jich bit'il c'alal ya xtal te j'eleq'ue.

San Lucas 10:12

Ya calbeyex te c'alal ya sta yorail ya yich' castigo in lum to, c'ax jich castigo ya yich' a te bit'il lum Sodoma.

San Mateo 25:11

“Ta patil talic uuc te yantic tec'tojom ach'ixetique. Jich la yalic: “Cajwal, cajwal, jambotic te ti'naile”, xiic.

San Mateo 24:36

“Ja'uc me to, ma'yuc mach'a ya sna' stojol te bi ora soc te bi c'aalil ya xc'ot ta pasele. Ma sna' uuc te ch'ul abatetic te ayic ta ch'ulchane. Ja' nax ya sna' stuquel te Jtate.

San Mateo 7:21

“Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

Isaías 2:17

Te mach'atic muc' yac'oj sbaic soc te toyol yac'oj sbaique, jc'axel me ya yich'ic pejc'anel ta jyalel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule;

Isaías 2:11

Te jtoybaetic ya me stinan sbaic ta stojol; te jtoyba-o'tanetic ya me yich'ic pejc'anel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule.

2 Timoteo 1:18

Ac'a me yich' c'uxtayel yu'un Cajwaltic te bi ora ya sta sc'aalelal te ya xcha'tal xane. Te ja'ate ana'oj ta lec te bit'il bayal la yac' sba ta abatinel cu'untic ta lum Efeso.

2 Tesalonicenses 1:10

Te c'alal ya xtale, ya me x'ich'ot ta muc' ta yolil te mach'atic ch'ul lum yu'un te Diose, soc jelawen yutsilal sc'oplal ya xbajt' yu'un ta spisilic te jch'uunjeletic yu'une. Jich te ja'exe, tey me ayex uuc a, te melel la ach'uunbotic te c'op te tal caltic awaiyique.

San Mateo 10:15

Jamal ya calbeyex, ya me sta yorail yu'un Dios te ya yilbey te yat'elique. C'ax jich castigo ya x'ac'bot yich' stuquelic a te bit'il castigo la yich' te lum Sodoma soc te lum Gomorrae.,

Números 31:8

La smilic te Evi, Requem, Zur, Hur soc te Reba, ja' te jo'tul muc' ajwaliletic yu'un te madianetique, soc nix te Balaam te snich'an Beor.