San Mateo 7:21 - Bible in Tzeltal de Oxchuc y Tenejapa

²¹ “Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

Nuevo Testamento Tzeltal de Amatenango

²¹ “Te machꞌatik “Kajwal, Kajwal”, ya yutikone, ma spisiluk ya xꞌochik te ba ay ta mantal te jTatik Diose. Jaꞌ nax ya xꞌochik teꞌa te machꞌatik ya spasbey te tut ya skꞌan yoꞌtan te jTat te ay ta chꞌulchane.

Bible in Tzeltal Bachajón

²¹ Ma spisiluc te mach'atic ya yalbonic: Cajwal, Cajwal, xchihic, te ya x'ochic te banti ay te cuentahinel yu'un te ch'ulchan, ha nax te mach'atic ya spasbeyic te bin ya sc'an yo'tan te Jtat ay ta ch'ulchan.

San Mateo 7:21 Referans Kwoze

Romanos 2:13

Melel ma ja'uc toj ya x'ilotic yu'un Dios te mach'atic ja' nax ya yaiyic stojol te mandalile, ja' toj ya x'ilotic yu'un Dios te mach'atic ya spasic te bila ya yal te mandalile.

San Lucas 6:46

“¿Bi yu'un te “Cajwal, Cajwal”, ya awutonic, te melel ma xapasic te bila ya calbeyexe?

Santiago 1:22

Ja'uc me to, pasaic me te bila ya yal te sc'op Diose. Ma me ja'uc nax te ya awaiyic stojole. Ma me xalo'lay abaic atuquelic a.

San Lucas 11:28

La yal te Jesuse: —Ja' bin nax yutsil stuquelic te mach'atic ya yaiybeyic stojol sc'op te Diose soc te ya xch'uunic spasele —xi'.

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

Hebreos 4:6

Melel te mach'atic neel la yaiyic stojol sc'oplal te colele ma ba och stuquelic tey a, yu'un la xch'aybeyic smandal te Diose. Jich yu'un ay to sc'an te jayeb mach'atic ya x'ochic tey a ta bay te cux-o'tane.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.

1 Pedro 4:2

Te jayeb xan c'aal cuxule, ja' ya xbajt'ix ta yo'tan spasel te sc'anjel yo'tan te Diose, ma ja'uc ya spasix te bila ya sc'an te sbaq'uetale.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

San Mateo 12:50

Melel mach'auc a te ya spasbey sc'anjel yo'tan te Jtat te ay ta ch'ulchane, ja' quijts'inab soc ja' jme' c'oem —xi' te Jesuse.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

San Juan 3:5

Te Jesús jich la yal: —Jamal ya calbat, ja' te mach'a ma x'ayin ta swenta ja' soc ta swenta Espíritu, ma xju' ya x'och tey a ta banti ay ta ajwalinel te Diose.

San Mateo 18:3

—Jamal ya calbeyex, teme ma xyanaj te acuxlejale soc teme ma pajaluc awo'tanic ya xc'ot soc te alaletique, ma xju' awu'unic te ya awajwalinic te Dios te ay ta ch'ulchane.

San Juan 7:17

Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

San Marcos 3:35

Melel te mach'a ya spasbey sc'anjel yo'tan te Diose, ja' quijts'inab soc ja' jme' abi —xi' te Jesuse.

1 Tesalonicenses 5:18

Albeyaic wocol Dios yu'un te bila ya xc'ot ta awentaique, melel ja' sc'anjel yo'tan Dios ta atojolic ta swenta te Cristo Jesuse.

Efesios 6:6

Ac'a abaic ta abatinel, ma yejt'aluc te ya yilexe, jich bit'il te mach'atic ya sc'anic te lec ya x'ilot yu'un te ants-winiquetique. Jichuc me ta awo'tanic te ja' yabatex te Cristoe, socuc me awo'tanic ya apasic te bila ya sc'an yo'tan te Diose.

1 Pedro 2:15

Melel ja' sc'anjel yo'tan Dios te ya apasic te bila leque, swenta yu'un jich me ya xmajc' yeic a te mach'atic amen yo'tanic te ma sna'ic bi ya yalique.

San Mateo 25:21

“Te yajwale la yalbey: “Lec at'ejat, lequil abatat soc jun awo'tan ta jtojol. Te bit'il jun awo'tan la awentainbon te bila la cac'bat awentainbon jtebuque, ya me cac'bat awentainbon bayal. La' me, ochan, bujts'najuc awo'tan soc te awajwale”, xi'.

1 Tesalonicenses 4:3

Melel ja' sc'anjel yo'tan Dios te utstesbil ya xc'ot te awo'tanique. Yu'un ma me ayuc mach'a ya xyal ta mulil.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

San Lucas 13:25

Melel teme la smaquix ti'nail a te yajwal nae, jich ya xjajch' atijic te ti'naile te bit'il ayex ta amaq'ue. Jich ya xjajch' awalic: “Cajwal, Cajwal, jambotic te ti'naile”, ya me awutic. Ja'uc me to, ya yalbeyex te yajwal nae: “Ma jna' te banti talemex te ja'exe”, ya me yutex.

Hechos 14:22

Te banti c'axique, la yac'bey yip yo'tanic te jnopojeletique, soc la yalbey yaiyic te jc'axel ac'a yac' xch'uunjel yo'tanic. Soc la yalbeyic te puersa me ya xc'ax jwocoltic ta jpisiltic te ya x'ochotic ta banti ay ta ajwalinel te Diose.

San Lucas 18:25

Jich bit'il ma xju' ya xc'ax ta aguja te camelloe, c'axem to xan wocol ya x'ochic te jc'ulejetic ta banti ay ta ajwalinel te Diose —xi'.

San Marcos 9:47

Teme ja' ya syalesat ta mulil te jp'ij asite, loq'uesa. Ja' lec te jp'ij nax asit ya x'ochat ta cuxinel soc. Ja' wocol teme xchebal asit ya xch'ojotat ochel ta infierno ta c'ajc' te ma xtup' sbajt'el q'uinale

San Mateo 19:24

Soc ya calbeyex xan: Jich bit'il ma xju' ya xc'ax ta aguja te jcojt' camelloe, c'axem to xan wocol ya x'ochic te jc'ulejetic ta banti ay ta ajwalinel te Diose —xi'.

San Mateo 18:35

“Ja' nanix jich uuc te Jtat te ay ta ch'ulchane. Jich me ya spasbeyex teme ma ba ya apasbey abaic perdón juju-jtul soc te awermanoe —xi' te Jesuse.

San Juan 15:23

Te mach'a ya yilayone, ja' la yilayix uuc te Jtate.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

Apocalipsis 2:27

jich te bit'il yac'ojbon quich' cat'el te Jtate. Ya me xmandalajic soc sbastón-taq'uinic. Ya me swuyic c'oem te lumetique, jich bit'il ya yich' wuyel te oxome.

San Juan 14:7

Teme ana'ojbonic jbae, ja' ana'ojbeyic sba uuc te Jtate. Ta ora bael to ana'ojbeyiquix sba soc awilojiquix —xi' te Jesuse.

San Juan 5:17

Ja'uc me to, te Jesús la yal ta jamal: —Te Jtate yac ta at'el. Jich uuc te jo'one yacon ta at'el uuc —xi'.

San Mateo 26:39

Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

San Mateo 18:10

“Tsajtaya me abaic. Ma me ayuc jtuluc te ma'yuc sc'oplal ta awo'tanic te mach'atic peq'uel ayique. Ya calbeyex te spisil ora ayic ta canantayel yu'un ch'ul abatetic yu'un te Jtat te ay ta ch'ulchane. [

San Mateo 18:19

“Soc ya calbeyex xan, teme ay chebuquex li'to ta balumilal te ya achap ac'opic te bila ya ac'anbey te Diose, ya me x'ac'botex yu'un te Jtat te ay ta ch'ulchane.

San Mateo 25:10

“Te bit'il baemic ta smanel tel aceite a te jo'tul ach'ixetic te ma p'ijuc yo'tanique, tal ta ora te winic ya xnujbine. Te jo'tul ach'ixetic te chapalic soc sc'ajq'uique, la sjoinic ochel ta na ta bay q'uin swenta nujbinel, soc la yich' maquel te ti'naile.