San Mateo 7:13 - Bible in Tzeltal de Oxchuc y Tenejapa

¹³ “Ochanic ta bay tsail nax yochibal te ti'naile. Yan te sbelal ch'ayele, muc' sjamalul te yochibale soc muc' sjamlejal bael te sbelale. Tsobol mach'atic ya x'ochic bael tey a.

Nuevo Testamento Tzeltal de Amatenango

¹³ “Ochanik te ba puerta te yub naxe. Yan te puerta te sbeelel te ya xbajt ta chꞌayele jamal stukel y mukꞌ te sbelele. Bayal genteetik ya xꞌochik bael teꞌa.

Bible in Tzeltal Bachajón

¹³ Ochanic bahel ta tut puerta; como muc' te puerta soc jamal te be te ya xbaht ta ch'ayel, soc tsobol mach'atic ya x'ochic tey a.

San Mateo 7:13 Referans Kwoze

Proverbios 16:25

Ay beetic te toj ya yil te ants-winique; ja'uc me to, te slajibale ja' sbelal te lajele.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

San Juan 10:9

Jo'on ti'corralon. Te mach'a ya x'och bael ta jwenta, ya me xcol. Jun yo'tan ya x'och soc jun yo'tan ya xloc' ta corral, soc ya me sta swe'el tey a.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Proverbios 9:6

Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

Gálatas 5:24

Te mach'atic yu'unix te Cristoe, la yaq'uix ta lajel ta cruz te bila ya smulan spasel te sbaq'uetalique.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

San Mateo 3:8

Ac'a me chicnajuc ta ilel sit te awat'elic te bit'il sujt'emix awo'tanic ta mero melel yu'un te amulique.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

Hechos 3:19

Jich yu'un sujt'esa awo'tanic ta stojol te Diose, soc ch'uunaic. Jich me ya stup'beyex te amulique. Jich me ya sta yorail te ya yac'beyex xan yip awo'tanic te Diose

Apocalipsis 20:3

Soc la xch'oj ochel ta xaab, la smac jilel ta llave, soc la smac jilel ta sello, swenta yu'un ma ba ya slo'layix a te chajbalchajp nacionetique, ja' to teme loc' te jmil (1,000) ja'wile. Te c'alal loq'uix a te jmil (1,000) ja'wile, ya me yich' coltayel loq'uel jun chebuc c'aal.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

Génesis 6:12

melel bolobenix spisil te ants-winiquetique. Te bit'il la yil te Diose,

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Romanos 9:22

Ja' nanix jich uuc te Diose. La sc'an yo'tan te ya yac' ta ilel te ja' ya yac' castigo stuquel soc te ya xpujc' sc'oplal te yu'ele. Jich bayal ja'wil la sts'icbey sbolilic te mach'atic chapal sc'oplalic ta yich'el castigo te ya xbajt'ic ta ch'ayele.

San Lucas 14:33

Ja' nanix jich te ja'exe, teme ma xawijq'uitay ta awo'tanic spisil te bila ay awu'unique, ma xju' te jnopojel ya xc'oex cu'une.

Isaías 1:9

Te Cajwaltic te Spisil ya xju' yu'une, te manchuc lajuc scoltayotic, jich c'oemotic te bit'il te lum Sodoma soc Gomorra te jichuque.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

San Lucas 9:33

Te c'alal yacaliquix ta bael a te cheb winiquetique, te Pedro la yal: —Maestro bin nax yutsil te li' ayotic to. Ja' lec jpastic oxwol nailwamal. Jun awu'un te ja'ate, jun yu'un te Moisese, soc jun yu'un te Eliase —xi' te Pedroe. Yu'un ma la sna' te bila ya yal yu'une.

Proverbios 7:27

Teme la at'unbey te sbelal sna, ja' me at'unojbey sbelal a te lajele.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

San Mateo 7:14

Yan te sbelal cuxinele, tsail nax te sti'il yochibale soc biq'uit nax sjamlejal bael te sbelale. Ajtaybil nax te mach'atic ya staic c'oele.