San Mateo 6:7 - Bible in Tzeltal de Oxchuc y Tenejapa

⁷ “Te c'alal ya ac'oponic Dios te ja'exe, ma me jp'aluc nax c'op te bayal buelta ya awalulayic te ma'yuc sc'oplale. Melel jich ya spasic te jyanlumetique. Yu'un scuyojic te jich ya stsacbot sc'opic teme bayal buelta ya yalulayique.

Nuevo Testamento Tzeltal de Amatenango

⁷ “Te kꞌalal ya akꞌoponik te Diose ma me jkajuk nax xꞌawalulanbeyik, jich tutꞌil ya spasulanik te machꞌa ma snaꞌbeyik sba te Diose. Yuꞌun ya skuyik te jich ya stsakbot skꞌopik te bayal buelta ya yalulanike.

Bible in Tzeltal Bachajón

⁷ Te c'alal yac ac'oponic Dios, ma me xawalulan c'opetic te mayuc sc'oblal, hich te bin ut'il ya spasic te jyanlumetic, te scuyojic te ya x'a'iybot sc'opic ta scuenta bayel ya xc'opojic.

San Mateo 6:7 Referans Kwoze

Eclesiastés 5:7

Ja' yu'un te ja'ate, ta yolil te tojol ipal ch'inch'in c'opetic te pajal soc waichile, ya sc'an ya awac' ta ilel te awich'oj ta muc' te Diose.

San Mateo 26:44

Jich la yijq'uitay xan jilel. Ba sc'opon xan Dios ta yoxebal buelta. Jich nix la yal te bit'il la yal ta sbabiale.

San Mateo 6:32

Melel te mach'atic ma sna'beyic sba te Diose, ja' nax baem ta yo'tanic sleel stuquel. Yan te ja'exe ay Atatic ta ch'ulchan te sna'oj spisil te bila ya xtuun awu'unique.

Hechos 19:34

C'alal c'ot ta yo'tanic te ja' judio-winic te Alejandroe, jajch'ic ta aw ta spisilic. Ay niwan chebuc ora te jich la yalic ta awe: —Ac'a ich'ot ta muc' te Diana yu'un te efesioetique —xiic ta aw.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Mateo 26:39

Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

San Mateo 18:17

Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.