San Mateo 6:6 - Bible in Tzeltal de Oxchuc y Tenejapa

⁶ Yan te c'alal ya ac'oponic Dios te ja'exe, ochanic ta yutil anaic. Maca te ti'naile. Tey me xac'oponic a te Jtatique te sjoinejat ta muquene. Jich me ya x'ac'botex amajt'anic ta comonsitil yu'un te bila muquen ya apasique.

Nuevo Testamento Tzeltal de Amatenango

⁶ Yan te kꞌalal ya akꞌoponik te Dios te jaꞌexe, ochan ta yut na, tsꞌusa te puertae. Teꞌ xꞌakꞌoponik a te jTatike te soyinejex stukele. Jich te jTatike ya yil te tutꞌil mukul nax ya apasike ya me yaꞌbeyex amajtanik.

Bible in Tzeltal Bachajón

⁶ Yan te ha'ate, c'alal yac ac'opon Dios, ochan ta yutil ana, maca te ti'nahil soc c'opona te Atat te ma chicanuc ta ilele. Te Atat te ya yil te bin muquen yac apas, ya ya'bat amahtan ta comonsitil.

San Mateo 6:6 Referans Kwoze

2 Reyes 4:33

Jich och bael, la smac te sti' nae, och sc'opon te Cajwaltique. Ja' nax xchebal soc te ch'in querem te lajeme.

San Mateo 14:23

Te c'alal lajix yo'tan ta sc'oponel a te ants-winiquetique, stuquel mo bael ta wits ta sc'oponel Dios. C'alal och te ajc'ubale, stuquel ay ta wits te Jesuse.

Isaías 65:24

Ma to bay ya yawtayonic a, te ya jac'bey te sc'opique; ma to bay ya xlaj yo'tanic ta c'op a, te ya caiybeyix stojol sc'opique.

Hechos 9:40

Te Pedro la sticun loq'uel ta spisilic. Jich la squejan sba ta sc'oponel Dios, soc la sujt'es sba ta yilel te animae. Jich la yalbey: —Tabita, jajch'an —xi'. Jich wijc' sit te antse. La yil te tey ay a te Pedroe. Jich la snajc'an sba.

Isaías 26:20

Lum cu'un, baan, ochan ta ana, soc maca te ti'nailetic ta apate. Nac'a aba ajc'uc, ja' to c'alal ya xc'ax yilimba te Cajwaltique.

Salmos 34:15

Te Cajwaltic ya scanantay te mach'atic toj yo'tanique, soc ya yaiybey stojol sc'opic te c'alal ya yawtayique.

San Mateo 6:18

Jich ma ba ya sna'ic stojol ants-winiquetic te bit'il apasojic ayuno. Ja' nax ya sna' stuquel te Tatil te bila muquen ya apasique soc ya me yac'beyex amajt'anic ta comonsitil.

Hechos 10:9

Ta yan c'aalil te bit'il ayiquix ta beele, nopol xc'otiquix ta lum Jope. Jich ora te mo bael ta sba yamac'ul na ta sc'oponel Dios te Pedroe. Olilix c'aal a.

San Mateo 6:4

Ja' lec te muquen ya awaq'uique. Jich me ya x'ac'botex amajt'anic ta comonsitil yu'un a te Jtatic te ya yil te bila muquen ya apasique.

Efesios 3:14

Ja' swentail te ya jquejan jba ta stojol te Stat te Cajwaltic Jesucristoe,

Romanos 8:5

Melel te mach'a wentainbil yu'un te sbaq'uetale, ja' nax ya xbajt' ta yo'tan sna'el te bila ya sc'an te sbaq'uetale. Yan te mach'a wentainbil yu'un te Espiritue, ja' ya xbajt' ta yo'tan sna'el te bila ya sc'an te Espiritue.

Hechos 10:30

Jich jajch' yal te Cornelioe: —Ayix ta xchanebal c'aal, jich ora bit'il to, jpasoj ayuno soc yacon ta sc'oponel Dios li' ta bay jna to, jich bit'il te ay ta pasel ta swenta oxeb ora xmalel te c'aale. Te c'alal yacon ta sc'oponel Dios a, chicnaj ta jtojol jtul winic te xlemet nax xojobil te sc'u'-spaq'ue

San Juan 1:48

La yal te Natanaele: —¿Bit'il la ana'bon jba? —xi'. La yal te Jesuse: —Quilojatix a te ma to bay yic'ojat tel a te Felipee. Ja' la quilat ta bay yanil te higo-te'e —xi'.

San Juan 20:17

La yal te Jesuse: —Ma me xapicon yu'un ma to moemucon bael ta bay te Jtate. Baan albeya te yantic quermanotaque ya me xmoon bael ta bay te Jtate te Atatic uuc te ja'exe, te Dios cu'une soc te Dios awu'unic uuc te ja'exe —xi'.

Proverbios 25:22

Jich ya awac' tsajubuc yelaw yu'un te q'uexlale; soc ja' ya stojbat stuquel te Cajwaltique.