San Mateo 6:4 - Bible in Tzeltal de Oxchuc y Tenejapa

⁴ Ja' lec te muquen ya awaq'uique. Jich me ya x'ac'botex amajt'anic ta comonsitil yu'un a te Jtatic te ya yil te bila muquen ya apasique.

Nuevo Testamento Tzeltal de Amatenango

⁴ Mukul nax me xꞌawakꞌik. Y te jTatik ya yil te tutꞌil mukul nax ya apasike, ya me yaꞌbeyex amajtanik.

Bible in Tzeltal Bachajón

⁴ scuenta yu'un muquen ay te bin yac aq'uebene. Te Atat te ya yil te bin muquen yac apas, ya ya'bat amahtan ta comonsitil.

San Mateo 6:4 Referans Kwoze

San Mateo 6:18

Jich ma ba ya sna'ic stojol ants-winiquetic te bit'il apasojic ayuno. Ja' nax ya sna' stuquel te Tatil te bila muquen ya apasique soc ya me yac'beyex amajt'anic ta comonsitil.

San Mateo 6:6

Yan te c'alal ya ac'oponic Dios te ja'exe, ochanic ta yutil anaic. Maca te ti'naile. Tey me xac'oponic a te Jtatique te sjoinejat ta muquene. Jich me ya x'ac'botex amajt'anic ta comonsitil yu'un te bila muquen ya apasique.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

San Lucas 14:14

Jich me bin nax awutsil yu'un, melel ma xju' yu'un te ya yac'bey spacol te ya yic'at ta we'ele. Ja'uc me to, ya me awich'bey stojol te c'alal ya xcha'cuxat soc spisil te mach'atic toj awo'tan soc ta stojol te Diose —xi' te Jesuse.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

Jeremías 23:24

¿Mach'a ya xju' ya snac' sba ta jsit? Melel te jo'one ayon ta ch'ulchan soc ta balumilal. Jo'on Ajwalilon, jich ya cal.

San Lucas 8:17

Ja' nix jich ma'yuc bila ya xju' ta naq'uel te ma xyich' chicnantesele. Soc ma'yuc muquen-c'op te ma xyich' aiyel stojole, soc te ma xchicnaj ta saquil q'uinale.

1 Samuel 2:30

Te bit'il jich yaloj te Cajwaltic, te Dios cu'untic te israelotic, te ya apasbey yat'el spisil ora ja'at soc te mach'atic ay awu'une, yo'tic ya yal ta jamal: “Ma'yuc bi ora jich ya xc'otix ta pasel. Te mach'a ya yich'on ta muq'ue, ya me quich' ta wenta; te mach'a ma'yuc jc'oplal ta yo'tan, jc'axel ma'yuc swentail ya xc'ot cu'un. Jo'on Ajwalilon jich caloj.

Judas 1:24

Te jip jtul Dios te bayal sp'ijile, te Jcoltaywanej cu'untic, ay yu'el ta scanantaybelex te manchuc ya xyalex ta mulile, swenta yu'un ma me ayuc amulic te ya atejc'an abaic ta stojol ta bay te yutsilale. Jich me bayal ya xbujts'naj awo'tanic yu'un. Ay yutsilal stuquel, soc ay ta ich'el ta muc', soc ay yu'el, soc ya xmandalaj spisil ora ta swenta te Cajwaltic Jesucristo, ja' to ta xjajch'ibal, soc ta ora to, soc ta sbajt'el q'uinal. Jichuc.

Hebreos 4:13

Melel te Diose, ma'yuc bila pasbil yu'un te ma chicanuc ta ilel ya yile. Spisil jamal ta ilel ya yil. Xujt' ma'yuc bila macal ta sit te Mach'a ya yich'botic ta wenta te cat'eltique.

San Mateo 10:42

Soc te mach'a ya yac'bey yuch' junuc tasa siquil ja' te mach'atic peq'uel sc'oplalic ta scaj te jnopojel cu'une, jamal ya calbeyex, ma xch'ay te smajt'an ya yich'e —xi' te Jesuse.

Salmos 139:12

te yijc'al q'uinal, ma xju' ya snac'on ta asit, melel te ajc'ubale, buen sac q'uinal ya awil, pajal nix soc saquil q'uinal ta atojol. Te yijc'al q'uinal soc te saquil q'uinal, pajal nix ta atojol atuquel.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Salmos 17:3

Te ja'at ana'oj ta lec te bitic ya jnop ta co'tane; ta ajc'ubal ya xtal awilon spisil ora; melel apasojonix ta prueba ta c'ajc', ma'yuc ataojbon te bila amen ta jtojole. Ma'yuc caloj te bitic ma lecuc ta alel

Proverbios 25:22

Jich ya awac' tsajubuc yelaw yu'un te q'uexlale; soc ja' ya stojbat stuquel te Cajwaltique.

San Mateo 6:3

Yan te ja'exe, teme ay bila ya aq'uebanique, ma me xawac' ta na'el te c'alal ya awaq'uique.