San Mateo 6:25 - Bible in Tzeltal de Oxchuc y Tenejapa

²⁵ “Ja' swentail te ya calbeyex, ma me ja'uc ya xbajt' ta awo'tanic te bit'il ya xcuxinex ta balumilale, jich bit'il te ya xwe'exe soc te ya ata ac'u'-apaq'uique. Melel ma ja'uc bayal sc'oplal te awe'elique. Ja' cajal sc'oplal te acuxlejalique. Soc ma ja'uc bayal sc'oplal te ac'u'-apaq'uique. Ja' cajal sc'oplal te abaq'uetalique.

Nuevo Testamento Tzeltal de Amatenango

²⁵ “Jaꞌ yuꞌun ya kalbeyex, ma me xꞌawakꞌ yajtal awoꞌtanik yuꞌun te tut ya aweꞌ ya awuchꞌik te kuxulex ta balmilale, sok te ya ata akꞌuꞌ-apakꞌike. Maꞌ jaꞌuk tulan skꞌoplal te aweꞌelike. Jaꞌ tulan skꞌoplal te akuxlejalike. Sok ma jaꞌuk tulan skꞌoplal te akꞌuꞌ-apakꞌike. Jaꞌ tulan skꞌoplal te atiꞌbalulike.

Bible in Tzeltal Bachajón

²⁵ Ha yu'un ya calbeyex, ma me ha'uc xbaht ta awo'tanic sna'el bin ut'il ya xcuxajex, bin yac awe'ic soc bin yac awuch'ic; o bin ut'il ay abaq'uetalic, ha te bin yac alapique. ¿Ma bal c'axuc hich sc'oblal acuxlejalic a te bin ut'il te we'elil, soc ma bal c'axuc hich sc'oblal abaq'uetal a te bin ut'il te ac'u' apaq'uique?

San Mateo 6:25 Referans Kwoze

Filipenses 4:6

Ma me ayuc bila ya awac' woclajuc awo'tanic yu'un xujt'uc. Ja' ya sc'an ya ac'oponic Dios yu'un ta spisil. C'anbeyaic Dios te bila ya sc'an te awo'tanique, soc albeyaic me wocol yu'un.

1 Pedro 5:7

Ac'beya swentainbeyex spisil amel-o'tan te Diose, te melel ja' ya scanantayex spisil ora stuquel.

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

Salmos 55:22

Ac'beya ta swenta Cajwaltic te bila ay awocol yu'une, ja' me ya yac'bat awip stuquel; ma'yuc bi ora ya yac' yaluc stuquel te mach'a ya xch'uunbot smandal yu'une.

San Mateo 6:31

Jich yu'un ma me ja'uc ya xbajt' ta awo'tanic sna'el. “¿Bit'il ya jta ta leel jwe'el-cuch'el soc te jc'u'-jpaq'ue?”, ma me xauquex.

San Marcos 4:19

ja'uc me to, ja' ya xbajt' ta yo'tanic sna'el te bitic swenta te balumilale. Ya xlo'layotic yu'un te c'ulejalile. Biq'uit nax yo'tanic yu'un spisil bila ay ta q'uinal. Jich tenbil ya xc'ot te sc'op Dios te ay ta yo'tanique. Jich ma sitinic.

San Mateo 10:19

Ja'uc me to, te c'alal ya x'ac'otex ta c'abale, ma me xjajch' amel awo'tanic yu'un te bit'il ya sc'an ya xc'opojexe soc te bila ya xc'o awalique. Melel te bi ora ya xc'opojexe, Dios me ya yac'beyex awalic te bila ya sc'an te ya awalique.

1 Corintios 7:32

Ja' ya jc'an te manchuc ayuc bila ya yaan awo'tanique, melel te mach'a ma'yuc yiname, ja' ay ta yo'tan te bila swenta te Cajwaltique. Ja' nax ya xbajt' ta yo'tan spasel te bila lec yo'tan yu'un te Cajwaltique.

San Mateo 6:34

Ma me ja'uc xbajt' ta awo'tanic yu'un te bit'il ayex te pajele. Stuqueluc ac'a yil sba te pajele, melel stalel ay awocolic te jujun c'aale.

2 Timoteo 2:4

Melel te mach'a ochem ta soldadoil, ma snujp'in teme ja' ya xbajt' ta yo'tan te bila swenta nax yat'el stuquele. Ja' ya sc'an ya spas te bila lec yo'tan yu'un te mach'a wentainbil yu'une.

San Lucas 8:14

Te awalil te c'ot ta bay ch'ixtiquile, ja' sc'oplal te mach'atic ya yaiy stojol te sc'op Diose, ja'uc me to, ma xlaj sc'oplal yu'unic te bitic ya xbajt' ta yo'tanic spasel. Ya xtenotic yu'un te yat'elic ta balumilale, soc te sc'ulejalique, soc spisil te bitic ya smulanic spasele. Jich ma sitin ta yo'tanic c'oem te sc'op Diose.

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

San Lucas 12:11

“Te c'alal ya x'ic'otex bael ta sinagogaetic, soc teme ya xtec'anotex ta stojol jtuuneletic soc ta stojol te ajwaliletique, ma me xjajch' amel awo'tanic yu'un te bit'il ya sc'an ya asujt'esbeyic te sc'opique soc te bila lec ya xc'o awalique.

San Marcos 13:11

Te c'alal ya x'ac'otex ta c'abale, ma me xanopilay ta awo'tanic te bila ya xc'o awalique. Ma me xanop ta awo'tanic xujt'uc. Ja' me ya awalic te bila ya yalbeyex ta awo'tanic te Diose te c'alal ayatix tey a, melel ma ja'uquex te ya xc'opojexe. Ja' ya xc'opoj stuquel te Ch'ul Espiritue.

Jeremías 45:5

Teme ay bi yan yilel te ya ac'ane, ma me x'ac'anbon, melel ya jticun tel tulan woclajel ta stojol spisil mach'atic ch'ich'-baq'uet. Ja'uc me to, te ja'ate ya me cac' te ya acanantay aba soc acuxlejal bayuc ya xbaat. Jo'on Ajwalilon, jich ya cal”, xi' sc'op Cajwaltic ta atojol —xi' te Jeremiase.