San Mateo 6:22 - Bible in Tzeltal de Oxchuc y Tenejapa

²² “Te asitique jich c'oem te bit'il c'ajc' te ya yil q'uinal a te abaq'uetale. Jich yu'un teme lec ay te asite, scojt'ol abaq'uetal sacubenix q'uinal ta stojol.

Nuevo Testamento Tzeltal de Amatenango

²² “Te asitike jachik tut lus ya yil kꞌinal a te atiꞌbalulike. Jaꞌ yuꞌun teme lek ay te asitike, skojtol te atiꞌbalule sakuben kꞌinal yuꞌun.

Bible in Tzeltal Bachajón

²² Te asit ha ya yac' sacubuc q'uinal ta abaq'uetal. Ha yu'un teme lec te asite, ay ta sacal q'uinal scohtol abaq'uetal.

San Mateo 6:22 Referans Kwoze

2 Corintios 11:3

Ja'uc me to, ya xiw co'tan teme ay mach'a ya slo'layex, jich te bit'il laj ta lo'layel yu'un sp'ijil sc'op chan te Evae. Ya jxi' teme ay bit'il ya xyanaj awo'tanic, soc te jich ma junuquix awo'tanic ta stojol te Cristoe.

Colosenses 3:22

Abatetic, ch'uunbeyaic spisil smandal te awajwalic te ayex ta abatinel yu'un li'to ta balumilal. Soc awo'tan at'ejanic ta swenta te awajwalique. Ma ja'uc nax te c'alal ya yilex te lec ya x'at'ejex ta stojol. Junuc nax me awo'tanic ta stojolic. Ja' me x'axi'ic te Diose.

Efesios 6:5

Abatetic, ch'uunbeyaic smandal te awajwalic ta balumilale. Xi'aic, soc nijc'anic me ta stojol, soc peq'uel me xawac' abaic ta stojol jich bit'il ta stojol te Cristoe.

Hechos 2:46

Jujun c'aal jun nax yo'tan la stsob sbaic ta templo, soc la sjoin sbaic ta swe'el waj ta bay te snaique. Bayal sbujts' yo'tanic ta we'el, soc jun yo'tan sbaic.

Isaías 5:20

¡Ya me awil awocolic, ja'ex te lec c'oem awu'unic te bila ma lecuque, soc te ma lecuc c'oem awu'unic te bila leque. Ja' c'atp'ujem ta saquil q'uinal awu'unic te ijc' q'uinale, yan te ijc' q'uinale ja' saquil q'uinal c'oem awu'unic. Ya ac'atp'unic ta ch'a te bila chi'e, yan te bila ch'ae ja' chi' ta awo'tanic!

San Mateo 5:15

Soc teme ya atsum c'ajc' awilique, ma ba ya amac ta cajon. Ya atujch'anic ta yawil, swenta yu'un ya xchicnaj q'uinal yilic spisil a te mach'atic ayic ta nae.