San Mateo 6:2 - Bible in Tzeltal de Oxchuc y Tenejapa

² Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.

Nuevo Testamento Tzeltal de Amatenango

² “Jich teme ay tut ya akꞌebenbeyik te meꞌbaetike, ma me xꞌapukibe skꞌoplal ta bayuk. Jich tutꞌil ya spasik te machꞌatik chaꞌlam yoꞌtanike ya yalbeyik skꞌoplal ta sinagogaetik sok ta kayaetik yuꞌun ya skꞌanik kꞌupinel yuꞌun te genteetike. Jamal ya kalbeyex, jip me smajtan la staik abi.

Bible in Tzeltal Bachajón

² C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

San Mateo 6:2 Referans Kwoze

San Mateo 6:5

“Te c'alal ya ac'oponic te Diose, ma me jichuc xapasic te bit'il ya spasic te mach'atic cha'lam yo'tanique. Ya smulanic te ya stejc'an sbaic ta sc'oponel Dios ta sinagogaetic soc ta xchiquin calleetic, swenta yu'un jich ya x'ilotic yu'un te ants-winiquetique. Jamal ya calbeyex, la staix smajt'anic yu'un a.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Juan 5:41

“Ma ja'uc ay sc'oplal ta co'tan te ya quich' ich'el ta muc' yu'un ants-winiquetique.

Hebreos 13:16

Soc ma me xch'ay ta awo'tanic te bit'il ya sc'an ya awat'elinic spasel te bila leque soc te ya ac'uxtayic yantic a te bila ay awu'unique. Spisil in to ja' smajt'an cu'untic te bin nax yo'tan Dios yu'une.

San Lucas 20:46

—Tsajtaya abaic yu'un te bila ya spasic te jts'ibojometique. Melel toyol yo'tanic yu'un te ya slapic ta beel te snajt'il c'u'ique, soc toyol yo'tanic yu'un te ya xpatbot yo'tanic ta comonsitil ta bay yolil ch'iwich. Soc toyol yo'tanic yu'un te ya snajc'an sbaic tey a ta bay nactijibaletic swenta ich'el ta muc' ta bay te sinagogaetique. Soc ya smaquic ta ora te sbabial nactijibaletic ta bay ya stsob sbaic ta we'ele.

San Juan 7:18

Te mach'a sc'op nax stuquel te ya yac' ta nopele, ja' ya spas yu'un te yacuc x'ich'ot ta muc' yu'une. Yan teme ja' ya sc'an ya yac' ta ich'el ta muc' te mach'a ticunbil tel yu'une, ja' ya yac' ta nopel te bila melele soc ma'yuc lo'laywanej ta yo'tan.

1 Pedro 4:11

Te mach'a ya sna' lec aiyeje, ja' me ac'a xchol te bila yaloj te Diose. Te mach'a ya sna' abatinele, ac'a me yac' sba ta abatinel soc yip sbaq'uetal te ya x'ac'bot yu'un te Diose. Jich yu'un spisil te bila ya spasique, ja'uc me lec sc'oplal ya xc'ot yu'un te Diose ta swenta te Jesucristoe te sbajt'el q'uinal ay yutsilal soc yu'el ya xmandalaj stuquel. Jichuc.

Salmos 37:21

Te mach'a amen yo'tan ay bila ya smajan, pero ma sc'an ya sujt'es; yan te mach'a lec yo'tan ya sna'bey yo'bolil sba, ay bila ya yac'bey stuquel.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

Gálatas 2:10

Ja' nax la yalbotic wocol yu'un te ya me xjul ta co'tantic scoltayel te me'baetique. Ja' nix te toyol co'tan ta spasel spisil orae.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

Oseas 8:1

“Oq'uesina te oq'ues awu'une, jich bit'il te mach'a j'il-q'uinal te wijq'uil sit ta scanantayel te lum cu'un, jo'on te Ajwalilone. Melel la xch'aybonic te trato cu'une, soc la scontroinic te p'ijubtesel cu'une.

1 Timoteo 6:18

Albeya te ac'a yat'elinic spasel spisil te bila lec ta pasele. Ja'uc me sc'ulejalic ya xc'ot te lequil at'eliletic ya spasique. Toyoluc me yo'tanic ac'a yaiyic c'uxtaywanej soc majt'anteswanej.

Romanos 12:8

Te mach'a ac'ot ta jtac'uywaneje, ac'a me yat'elin tac'uywanej. Te mach'a ac'bil ta swenta sq'uebanel, junuc yo'tan ac'a me sq'ueban. Te mach'a ac'ot ta jwolwaneje, toyoluc me yo'tan ta spasel. Te mach'a ac'ot ta jc'uxtaywaneje, socuc me sbujts' yo'tan ac'a spas.

Hechos 24:17

“Te bit'il c'axemix che'oxeb ja'wil cu'un ta beel ta yantic lumlumtique, jich sujt'on tel ta bay te jlumale. La quich' tel taq'uin swenta scoltayel te jlumale, soc ba cac'bey smajt'an Dios ta templo.

Hechos 10:31

te jich la yalbone: “Cornelio, Dios la yaiybat stojol te bit'il ya ac'opone, soc la sna'atix te bit'il ya aq'ueban ataq'uine.

Hechos 10:2

Xi'oj te Diose soc jun yo'tan xch'uunej soc spisil te mach'a ay yu'un ta snae. Bayal ya sq'uebanlay staq'uin ta scoltayel te judioetique soc spisil ora ya sc'opon te Diose.

Hechos 9:36

Ta lum Jope ay jtul jnopojel tey a te Tabita sbiil te Dorcas sbiil ta griego-c'ope. Yat'elinej spasel lequil at'elil soc la sq'uebanbey me'baetic te sbiluque.

San Juan 13:29

Te bit'il ja' ay ta swenta te yawil taq'uin te Judase, jich la scuyic te yu'un ay bila la yac' xan ta manel Jesús te ya xtuun yu'unic ta spasel a te q'uine, o teme ay bila ya yac'beyic xan jtebuc te me'baetique.

San Juan 5:44

¿Bit'il c'an ach'uunonic? Melel ja' nax ay sc'oplal ta awo'tanic te ich'el ta muc' yu'un te yantique. Ma ja'uc ya aleic te bit'il ya x'ac'otat ta ich'el ta muc' yu'un te Diose.

San Lucas 6:42

¿Bit'il ya xju' awu'un te ya awalbey te awermanoe: “Quermano, ac'bon jloq'uesbat te ch'in ac te ochem ta asite”, teme xaate? Melel ay muc'ul ts'amte' te c'atal ta asit atuquele. Te ja'ate cha'lam awo'tan. Loq'uesa neeluc te muc'ul ts'amte' te c'atal ta asite. Jich ya xju' awu'un sloq'uesel te ch'in ac te ochem ta sit te awermanoe.

San Marcos 12:39

Soc toyol yo'tanic yu'un te ya snajc'an sbaic tey a ta bay sbabial nactijibaletic ta bay te sinagogaetique. Soc ya smaquic ta ora te sbabial nactijibaletic ta bay ya stsob sbaic ta we'ele.

Proverbios 20:6

Ay tsobolic ya yal sbaic te lec yo'tanic; ja'uc me to, wocol ta tael te mach'a ay smuc'ul co'tantic yu'une.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Filemón 1:7

Bayal sbujts' co'tantic yu'un te xc'uxul awo'tane soc muc'uben co'tan ya caiy yu'un, soc ja' nix ta awenta te ja'ate, quermano, te bujts'najemix yo'tanic te mach'atic ch'ul lum yu'un te Diose.

1 Tesalonicenses 2:6

Soc ma la jle ich'el ta muc' awu'unic, ni ja'uc ta stojol te yantique, manchuc teme quich'oj cat'el ta jpuc-c'op yu'un te Cristoe.

Hechos 11:29

Jich te jnopojeletic te ayic ta Antioquía, la snopic te ya sticunbeyic scoltayel te quermanotactic te ayic ta sq'uinal Judea, chican te bit'il ya xju' yu'unic juju-jtul te ya yaq'uique.

San Lucas 13:15

Te Cajwaltique jich la sujt'esbey: —Cha'lam awo'tanic te ja'exe. ¿Ma bal yacuc acoltay ta sc'aalelal cux-o'tan te awacaxe, te aburroe te ya xba awac'bey ja' yuch'e?

San Lucas 12:56

¡Cha'lam awo'tanic te ja'exe! Teme ya ana'ic stsajtayel bi yilel te q'uinale, ¿bit'il ay a te ya awalic te ma x'ana'ic stsajtayel te bila yaquix ta c'oel ta pasel ta ora to?

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

San Lucas 11:43

“Te ja'ex fariseoetic ¡ya me awil awocolic! Melel ya awantayic nactijibaletic ta swenta ich'el ta muc' ta bay sinagogaetic. Soc ja' bin nax awo'tanic yu'un te ya awich'ic ich'el ta muc' ta comonsitil ta bay ch'iwichetic.

San Lucas 11:41

Te ja'exe q'uebanbeya me'baetic te bila q'uejbil awu'unique. Jich me pocbil ya xc'ot ta spisil.

San Lucas 6:24

“Yan te ja'ex te jc'ulejexe ¡ya me awil awocolic, melel muc'ubenix q'uinal ya awaiyic atuquelic!

San Marcos 7:6

Te Jesús la yalbey yaiyic: —Cha'lam awo'tanic te ja'exe, jich te bit'il la yalbeyex ac'oplalic te namey q'uinal j'alwanej te Isaías. Melel jich la yal jilel: “Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

San Mateo 24:51

Ya me yac'bey stoj ta lajel. Tey me ya xbajt' a te banti ya xbajt' te mach'atic cha'lam yo'tanique. Tey me ya xc'o yoq'uetay sba a soc tey me ya xc'o sjets'ulay ye a —xi' te Jesuse.

San Mateo 23:6

Soc ya smaquic ta ora te sbabial nactijibaletic ta bay te we'ibaletique soc te sbabial nactijibaletic swenta ich'el ta muc' ta bay te sinagogaetique.

San Mateo 22:18

Te Jesús la sna' stojol te bit'il ma lecuc te bila ay ta yo'tanique. Jich la yalbey: —Cha'lam te awo'tanique. ¿Bi yu'un ya awilbonic co'tan?

San Mateo 16:3

Soc te c'alal sacubix a te q'uinale, jich ya awalic: “Yo'tic ya xtal ja'al, yu'un tsaj te ch'ulchan soc ay tocal”, xaex yu'un. ¡Cha'lam awo'tanic te ja'exe! Ya ana'ic stsajtayel te bi yilel te q'uinale, ja'uc me to, ya awalic te ma x'ana'ic stsajtayel te señaetic yac ta coel ta pasel ta ora to.]

San Mateo 15:7

Cha'lam awo'tanic te ja'exe. Jich nix la yalbeyex ac'oplalic te namey q'uinal j'alwanej yu'un Dios te Isaiase:

Isaías 58:7

ja' te ya awac'bey xejt'uc awe'el te mach'a ay ta wi'nale, soc teme ya awic' ta ana te mach'a me'ba te ma'yuc snae; ja' te ya ac'u'ultes te mach'a ma'yuc sc'u'e, soc te ma xawijq'uitay scoltayel te awermanoe.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Eclesiastés 11:2

Puca me te bay c'alal ya xju' awu'un te bitic ay awu'une; melel ma na'biluc awu'un te bi ma lecuc ya xtal ta stojol te lumq'uinale.

1 Samuel 15:30

La yal xan te Saúl: —La jta jmul. Wocoluc, ich'awon ta muc' jich nix te bit'il muc' ajwalilon a, jich me ya yilic te mamaletic yu'un Israel soc ta spisil te jlumaltique. Ja' yu'un, sujt'ucotic bael, swenta yu'un ya me xba jch'uuntic te Cajwaltic te Dios awu'une —xi'.

San Mateo 7:5

Te ja'exe cha'lam awo'tanic. Loq'uesa neeluc te muc'ul ts'amte' te c'atal ta asite. Jich ya xju' awu'un sloq'uesel te ch'in ac te ochem ta sit te awermanoe.

San Mateo 5:18

Jamal ya calbeyex, manchuc teme ya xlaj te ch'ulchan balumilale, xujt' ma xch'ay sc'oplal junuc jota ni junuc tilde te mandalile. Ya me xc'ot ta pasel spisil.

Isaías 10:6

Ya calbey mandal ta ac'beyel guerra te bol lume, te lum te ma tojuc yo'tan ta jtojol, ja' te nación te ya sjajch'esbon quilimba, swenta yu'un ya me spech'ic ta teq'uel jichuc ajch'al ta calle.

San Mateo 6:3

Yan te ja'exe, teme ay bila ya aq'uebanique, ma me xawac' ta na'el te c'alal ya awaq'uique.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

1 Corintios 13:3

Soc manchuc teme ya jq'uebanbey spisil jbiluc te me'baetique, soc teme jun co'tan ya cac' jba ta c'ajq'uel soc te jbaq'uetale, ja'uc me to, teme ma'yuc xc'uxul te co'tane, ma'yuc bi ya xloc' cu'un xujt'uc a.