San Mateo 6:19 - Bible in Tzeltal de Oxchuc y Tenejapa

¹⁹ “Ma me x'atsob ac'ulejalic ta balumilal te banti ya xlaj ta joch' soc ta tsa'ec', soc ta banti ya stob na j'eleq'uetic.

Nuevo Testamento Tzeltal de Amatenango

¹⁹ “Ma meꞌ xꞌatsob akꞌulejalik ta balmilal te ya xjochꞌube sok te ya stsaꞌube, sok te ba ya xꞌoch yelkꞌan te jꞌelekꞌetike.

Bible in Tzeltal Bachajón

¹⁹ Ma me xatsob ac'uhlejalic ta bahlumilal te banti ya xjoch'ob soc ya xchuxub, soc ta banti ya x'och j'eleq'uetic.

San Mateo 6:19 Referans Kwoze

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

San Lucas 12:21

Ya calbeyex te jich ya xc'ot te mach'a ja' nax ya xbajt' ta yo'tan stsobel te sc'ulejal ya xtuun yu'un stuquele, soc te ma'yuc sc'ulejal ya xc'ot ta stojol te Diose —xi' te Jesuse.

Proverbios 16:16

Ja' lec ta leel te p'ijil-o'tanil, ma'yuc sc'oplal te oro; ja' lec ta leel te p'ijil-jolole, ma ja'uc ay sc'oplal te plata.

Proverbios 11:4

Ma xtuunix c'ulejalil a ta yorail te castigoe; yan te toj-o'tanile ya x'ac'awan ta libre yu'un te lajele.

San Lucas 18:22

Te c'alal la yaiy stojol te Jesuse, la yalbey te winique: —Ay to jchajp xan te bila ya sc'an ya apase. Chona spisil bila ay awu'un, soc q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi'.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

San Lucas 12:33

Chonaic te bila ay awu'unique, soc q'uebanbeyaic te me'baetique. Leaic yawil ac'ulejalic te ma xbolobe. Q'uejaic ta ch'ulchan te ac'ulejalic te stalel ma xlaje, te bay ma x'och j'elec' soc te bay ma xlaj ta joch'e.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

San Lucas 18:24

Te Jesús la yil te bit'il ay ta mel-o'tan te winique. Jich yu'un la yal: —Te jc'ulejetique wocol ya yajwalinic te Diose.

Salmos 62:10

Ma me smuc'ulin awo'tanic te ac'ajc'alique; soc ma me xawac' yu'uninbeyex awo'tanic elec'. Teme ay bi ora c'ulejubexe, ma me ja'uc ya smuc'ulin awo'tanic te biluquetic awu'unique.

Salmos 39:6

Spisil ants-winiquetic ya xch'ay c'axel jichuc axinal. Tojol ya yac' swocolic ta stsobel sc'ulejalic, ma ba sna'ojic mach'a ya yich' jilel.

San Mateo 19:21

Te Jesús jich la yalbey: —Teme ya ac'an te jc'axel lec ya xc'oate, baan, chona spisil te bila ay awu'une. Q'uebanbeya te me'baetique. Jich me ay ac'ulejal ta ch'ulchan ya xc'oat. La' me, joinawon ts'iin —xi' te Jesuse.

Job 31:24

“Ma ja'uc smuc'ul co'tan la caiy te oro, soc ma'yuc bi ora te ja' yip co'tan la caiy.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Éxodo 22:2

“Teme ch'ayal yo'tan tsacot te j'elec' ta bay nae, teme ejch'enaj soc teme laje, te mach'a milawane, ma xju' ya smulin te bit'il laje.

Job 24:16

Te j'elec' ya yochintay naetic ta ajc'ubal. Spisilic ya smac sbaic ta na ta c'aaleltic; ja' mero scontroic te saquil q'uinale.

San Mateo 6:20

Ja' lec tsoba ac'ulejalic ta ch'ulchan ta banti ma xlaj ta joch' soc ta tsa'ec', soc ta banti ma stob na j'eleq'uetic.

San Lucas 12:39

Na'aic me stojol in to: Te yacuc sna' te yajwal na te bi ora ya xtal te j'eleq'ue, wiq'uil me sit ta smaliyel te jichuque, jich ma xyac' loq'uel ta elc'anel te bila ay yu'une.