San Mateo 6:10 - Bible in Tzeltal de Oxchuc y Tenejapa

¹⁰ Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal, jich bit'il te yac ta pasel ta ch'ulchane.

Nuevo Testamento Tzeltal de Amatenango

¹⁰ Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

Bible in Tzeltal Bachajón

¹⁰ Ac'a taluc te cuentahinel awu'un; ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

San Mateo 6:10 Referans Kwoze

Hebreos 10:36

Pasaic me tulan. Ts'ijc'uc me awu'unic te awocolique. Pasbeyaic sc'anjel yo'tan te Diose, jich me ya awich'ic te bila yaloj te ya yac'beyex awu'uninique.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Mateo 12:50

Melel mach'auc a te ya spasbey sc'anjel yo'tan te Jtat te ay ta ch'ulchane, ja' quijts'inab soc ja' jme' c'oem —xi' te Jesuse.

1 Tesalonicenses 5:18

Albeyaic wocol Dios yu'un te bila ya xc'ot ta awentaique, melel ja' sc'anjel yo'tan Dios ta atojolic ta swenta te Cristo Jesuse.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

Colosenses 1:9

Ja' swentail te jajch' jc'oponbeyex Dios te bi c'aalil la caiytic stojole. Xujt' ma jcom jbatic ta sc'anel ta stojol Dios te yacuc yac'beyex ana'ic ta lec te sc'anjel yo'tane, soc te yacuc yac'beyex ana'ic stojol spisil ta jchajp te bila ya xju' ta na'el stojol awu'unique, soc te yacuc yac'beyex sp'ijil awo'tanic ta swenta te Espiritue.

Efesios 6:6

Ac'a abaic ta abatinel, ma yejt'aluc te ya yilexe, jich bit'il te mach'atic ya sc'anic te lec ya x'ilot yu'un te ants-winiquetique. Jichuc me ta awo'tanic te ja' yabatex te Cristoe, socuc me awo'tanic ya apasic te bila ya sc'an yo'tan te Diose.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

San Mateo 7:21

“Te mach'atic: “Cajwal, Cajwal”, ya yutonique, ma spisiluc ya x'ochic ta banti ay ta ajwalinel te Dios te ay ta ch'ulchane. Ja' nax ya x'ochic tey a te mach'atic ya spasbey sc'anjel yo'tan te Jtat te ay ta ch'ulchane.

1 Pedro 2:15

Melel ja' sc'anjel yo'tan Dios te ya apasic te bila leque, swenta yu'un jich me ya xmajc' yeic a te mach'atic amen yo'tanic te ma sna'ic bi ya yalique.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

San Mateo 3:2

Tey jajch' yalbey ta stojol spisil te ants-winiquetique: —Sujt'esa awo'tanic ta stojol te Diose, yu'un nopol ya xjajch'ix te bit'il ay ta ajwalinel te Diose —xi' te Juane.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

San Lucas 22:42

Jich la yal: —Jtat, teme ya sc'an awo'tane, ya xju' ya aq'uejbon bael in woclajel to, ja'uc me to, ma me ja'uc ya jpas te sc'anjel co'tane. Ja' me ya jpas te sc'anjel awo'tane —xi'. [

San Juan 7:17

Te mach'a yo'tan ya spas te bila ya sc'an yo'tan te Diose, tey me ya sna' stojol a teme ja' nopjibal yu'un Dios te ya cac' ta nopele, o teme jo'on nax jc'op jtuquele.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Apocalipsis 19:6

Soc la caiy stojol yan c'op te pajal yaiyel soc sc'op tsobol ants-winiquetic soc sc'op bayal snojel ja'etic soc sc'op tulan chawuc. Jich la yal: “¡Ay yutsilal! Melel jajch'ix ta mandal te Cajwaltique, te ja' Dios cu'untic te Spisil ya xju' yu'une.

1 Tesalonicenses 4:3

Melel ja' sc'anjel yo'tan Dios te utstesbil ya xc'ot te awo'tanique. Yu'un ma me ayuc mach'a ya xyal ta mulil.

Hechos 21:14

Te bit'il ma ju' cu'untic scomele, jich ma ba c'opojotic xan. —Jichuc. Ac'a pasuc sc'anjel yo'tan te Cajwaltique —xootic yu'un.

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Hechos 13:22

Ja'uc me to, Dios la sloq'ues ta muc' ajwalil te Saule, ja' la sjelolin ta muc' ajwalil te Davide, te jich la yalbey sc'oplale: “La jta te David te snich'an Isaí, ja' te winic te bin nax co'tan yu'une. Ja' me ya spas spisil te bila ya sc'an co'tane”, te xie.

San Mateo 4:17

Jich yorail te Jesús jajch' yal ta bayuc ta stojol ants-winiquetic te lec yach'il c'op yu'un te jcoleltique. Jich la yal: —Sujt'esa awo'tanic ta stojol te Diose, yu'un nopol ya xjajch'ix ta ajwalinel te Dios ta ch'ulchane —xi' te Jesuse.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

1 Pedro 4:2

Te jayeb xan c'aal cuxule, ja' ya xbajt'ix ta yo'tan spasel te sc'anjel yo'tan te Diose, ma ja'uc ya spasix te bila ya sc'an te sbaq'uetale.

Hebreos 10:7

Soc la cal: ‘Dios cu'un, ja' talemon yu'un te ya jpas te sc'anjel awo'tane, jich nix te bit'il ts'ibubil jilel jc'oplal ta bay balbil june’, xoon”, te xie.

San Lucas 19:38

—¡Bin nax yutsil te Muc' Ajwalil te talemix ta swenta te Cajwaltique! ¡Lamalix q'uinal ta ch'ulchan! ¡Jelawen yutsil te Mach'a ay ta ch'ulchane! —xiic ta aw.

San Marcos 3:35

Melel te mach'a ya spasbey sc'anjel yo'tan te Diose, ja' quijts'inab soc ja' jme' abi —xi' te Jesuse.

San Mateo 16:28

Jamal ya calbeyex, ay mach'atic li' ayic to te ma ba ya xlajique ja' to teme la yilic ya xtal ta ajwalinel te Nich'anile —xi' te Jesuse.

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Nehemías 9:6

Te Esdras jich la yal: —Ja'at te Ajwalilat cu'untique, ma'yuc mach'a yan. Ja'at la apas ch'ulchan soc te mero stoyolile, soc ta spisil te eq'uetique. Ja'at la apas te lumq'uinale, soc spisil te bitic ay tey ae. Ja'at ya awac'bey xcuxlejal ta spisil te bitic aye. Ja' yu'un ya squejan sbaic ta atojol c'oem te eq'uetic ta ch'ulchane.

San Marcos 11:10

¡Bin nax yutsil te Muc' Ajwalil te sts'umbal te namey q'uinal jtatic Davide! ¡Jelawen yutsil te Mach'a ay ta ch'ulchan! —xiic ta aw.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Salmos 2:6

“La caq'uix ta mandalteswanej te muc' ajwalil cu'une, ta bay ch'ul wits Sión cu'un”, xi' me.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Colosenses 1:13

Melel ta swenta yu'el Dios la scoltayotiquix loq'uel ta bay ainotic ta ijc' q'uinale, soc tey la yac'otiquix c'axel ta banti ay ta ajwalinel te Snich'an te bayal c'ux ta yo'tane.

San Lucas 19:11

Te ants-winiquetic yacalic ta yaiybel stojol sc'op tey a te Jesuse. Jich jajch' yalbey yaiyic seña-c'op, yu'un ya xc'otix ta Jerusalén, soc scuyojic te ants-winiquetic te ya xchicnajix ta ora nax te muc' ajwalil ya yac' te Diose.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Isaías 2:2

Ta slajibal c'aal tulan me ya xc'ot te wits te tey ay a te templo yu'un te Cajwaltique. Ja' me te wits te c'ax toyol xane, ja' c'ax toyol yu'un a te yantic witsetique. Spisil te nacionetic ya me xtalic ta stojol;

Hechos 22:14

Jich la yalbon xan: “Te Dios yu'un te me'il-tatiletic cu'untique, tsabilat yu'un ta neelal to, swenta yu'un ya me ana' stojol te bila sc'anjel yo'tane, soc swenta yu'un ya me awilbey sit te Mach'a Toje soc ya me awaiybey stojol sc'op ta ye.

Jeremías 23:5

Te Cajwaltic jich ya yal: —Ya me sta sc'aalelal te ya cac'bey tel jtul mero sts'umbal David, ja' me jtul muc' ajwalil te ya xmandalaj soc sp'ijil, soc toj me ya x'at'ej ta chajbanwanej ta stojol te lume.