San Mateo 6:1 - Bible in Tzeltal de Oxchuc y Tenejapa

¹ “Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

Nuevo Testamento Tzeltal de Amatenango

¹ “Ila me abaik te kꞌalal yipalex ta spasel te tut lek yoꞌtan yuꞌun te Diose, ma me xꞌawal ta awoꞌtanik te ya skꞌupinex ta sit te genteetike. Teme jich ay ta awoꞌtanik, ma me ayuk amajtanik yuꞌun te jTatik te ay ta chꞌulchane.

Bible in Tzeltal Bachajón

¹ Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

San Mateo 6:1 Referans Kwoze

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

San Juan 12:43

Melel ja' bayal sc'oplal la yaiy ta yo'tanic te lec ya x'ilotic yu'un te ants-winiquetique, ma ja'uc ay sc'oplal ta yo'tanic teme lec ya x'ilotic yu'un te Diose.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

Gálatas 6:12

Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.

San Juan 5:44

¿Bit'il c'an ach'uunonic? Melel ja' nax ay sc'oplal ta awo'tanic te ich'el ta muc' yu'un te yantique. Ma ja'uc ya aleic te bit'il ya x'ac'otat ta ich'el ta muc' yu'un te Diose.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

2 Juan 1:8

Tsajtaya me abaic jiche, swenta yu'un ma tojoluc ya xch'ay te sit awat'el apasojique. Jich me ts'acal ya awich' amajt'anic yu'un.

San Marcos 8:15

Te Jesús la spas ta mandal: —Na'aic me q'uinal ta lec, tsajtaya me abaic ta swenta te levadura yu'un te fariseoetic soc uuc te levadura yu'un te Herodese —la yut.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Mateo 16:6

Te Jesús jich la yal: —Na'aic me q'uinal ta lec, tsajtaya me abaic ta swenta te levadura yu'un te fariseoetic soc te saduceoetique —xi'.

San Lucas 12:15

Jich la yalbey yaiyic: —Tsajtaya me abaic. Ma me xawac' bic'tajuc awo'tanic yu'un te c'ulejalile, melel ma ja'uc ya xcuxinat yu'un teme ay bayal te bila ay awu'une —xi' te Jesuse.

San Mateo 5:48

Jich yu'un te ja'exe ya sc'an te tojuc awo'tanic jich te bit'il toj yo'tan stuquel te Jtatic te ay ta ch'ulchane.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

San Lucas 11:35

Tsajtaya me abaic ta lec teme ma ijc' q'uinaluc te ayex ta swentae, te acuyojic ta saquil q'uinale.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

San Lucas 12:1

Jich ora la stsob sbaic tel ta stojol Jesús bayal ta jmil ants-winiquetic, stenten nax sbaic ta stojol. Jich te Jesuse, neel la yalbey te jnopojeletic yu'une: —Tsajtaya me abaic ta swenta te levadura yu'un te fariseoetique, ja' bi, ja' te bit'il cha'lam te yo'tanique.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

San Mateo 5:46

Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

Zacarías 7:5

—Albeya spisil te winiquetic ta spamal te lumq'uinal, soc nix te sacerdoteetique: “Te ja'exe ya acom awe'elic swenta seña mel-o'tan ta yo'ebal u soc ta sjuquebal u, te ayix ta lajuneb xchanwinic (70) ja'wile. Pero ma ba ya apasic ta swenta quich'el ta muc' jo'on;

San Mateo 23:13

¡Ya me awil awocolic jts'ibojometic, fariseoetic te cha'lam awo'tanique! Melel amacojiquix ta llave c'oem te sti'il ta banti ay ta ajwalinel te Dios te ay ta ch'ulchane. Ma ba ya x'ochex tey a te ja'exe, soc ma xawaq'uic ochel te mach'atic ya sc'an ya x'ochic tey a. [

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

Deuteronomio 24:13

ya me sc'an ya asutbey c'alal ya xmal te c'aale, swenta yu'un jich me ya xju' ya xtuun yu'un a te sc'u' te c'alal ya xbajt' ta wayele. Jich me lec ac'oplalic yu'un a, soc jich me ya apasic te bila lec ta stojol te Cajwaltic te Dios cu'untique.

Hebreos 2:1

Jich yu'un ya sc'an te c'axem to xan ya quich'tic ta muc' te bila caiyojtiquix stojole. Ma me xquijq'uitaytic jilel te bee.

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

2 Reyes 10:31

Manchuc me jich albot te Jehú, pero ma ba la yac' puersa ta xch'uunel te smandal Cajwaltic te Dios yu'un Israel, melel ma ba la yijq'uitay te muliletic la spas Jeroboam te la yac'bey sta smulic te israeletique.

2 Reyes 10:16

Jich la yalbey: —Joinawon, ya me awilon bit'il quich'oj ta muc' te Cajwaltique —xi'. Jich la yic' bael ta scarreta.

Zacarías 13:4

“Te c'alal ya sta sc'aalelal ya me xq'uexawic te j'alwanejetic te ay bi la yil ta sc'opique. Ma me ayuc mach'a ya slo'lay teme ya slapic te c'u'il nujc'ul yu'un j'alwanejetic,

Hechos 3:12

C'alal jich la yil te Pedroe, jajch' sc'opon te lume: —Israeletic, ¿bi yu'un te yan sba ya awilic in to? ¿Bistuc te ya ana'liyotique? ¿Acuyojic bal te jo'otic la jcoltaytic in winic to? ¿Yu'un bal ya acuyic te jo'otic cu'eltic soc te bit'il lec jch'uunejtic Dios te la cac'tic beenuque?