San Mateo 5:7 - Bible in Tzeltal de Oxchuc y Tenejapa

⁷ “Bin nax me yutsil te mach'atic ya yaiyic c'uxtaywaneje, te melel ya me staic c'uxtayel yu'un uuc te Diose.

Nuevo Testamento Tzeltal de Amatenango

⁷ “Ben me tsaꞌam slekilik te machꞌatik ya xkꞌuxutaywane, ya me skꞌuxutayot yuꞌun euk te Diose.

Bible in Tzeltal Bachajón

⁷ Bayel me yutsilic te mach'atic ya ya'iyic c'uxultaywanej, como ya me yich'ic c'uxultayel.

San Mateo 5:7 Referans Kwoze

Efesios 4:32

Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

2 Samuel 22:26

“Ja'at Cajwal, jun awo'tan ta stojol te mach'a jun yo'tan ta atojole; toj awo'tan ta stojol te mach'a toj yo'tane.

Salmos 18:25

Ja'at Cajwal, jun awo'tan ta stojol te mach'a jun yo'tan ta atojole; toj awo'tan ta stojol te mach'a toj yo'tane.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

Santiago 3:17

Yan te p'ijil-o'tanil te talem ta toyole, ma'yuc bila capal stuquel a: yich'oj lamal-o'tanil, soc lequil-o'tanil, soc yutsil-o'tanil, nojel ta c'uxul-o'tanil, soc lec te sit ya yaq'ue. Ma'yuc chebal-o'tanil soc cha'lam-o'tanil.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

Daniel 4:27

Ja' yu'un, muc' ajwalil, ja' me xat'un jiche te tojtesel cu'un in to: Mero stojil me xapasix te awat'ele, ma me xaleix amul. Jc'axel x'alajinbey sc'oplal te bila amene, soc at'elina scoltayel te me'baetique. Teme repente jich spisil ora lamal q'uinal ta atojol, soc ya me x'esmaj xan bael biluc awu'un’, xi' ta jtojol te Beltsasar”, xi' sc'op te Nabucodonosore.

Hebreos 4:16

Jich yu'un jun co'tantic ac'a noptsajucotic bael ta smuc'ul nactijib te Diose, te bayal yutsil yo'tan cu'untic stuquele, swenta yu'un jich me ya jtatic c'uxtayel yu'un. Melel ta swenta nax yutsil yo'tan ya scoltayotic teme ay bila ay jwocoltic yu'une.

Proverbios 11:17

Te mach'a ya xc'uxtaywan, mero lec bila ya spasbey sba; yan te mach'a amen yo'tane, ja' nix ya sjajch'es te bila ma lecuc ya xc'ot ta stojole.

1 Pedro 2:10

Te ja'exe ma ba lumex yu'un Dios ta neelal to. Yan ta ora to, lum c'oemexix yu'un te Diose. Ta neelal to ma la ataic c'uxtayel. Yan ta ora to, la ataiquix c'uxtayel yu'un te Diose.

San Marcos 11:25

Te c'alal yacalex ta sc'oponel te Diose, pasbeya perdón neeluc teme ay mach'a ay falta yu'un ta atojole. Jich me ya spasbeyex perdón yu'un amulic uuc te Jtatic te ay ta ch'ulchane. [

Proverbios 14:21

Te mach'a ya yilay spat-xujc', ya sta smul ta stojol; ja'uc me to, bin nax yutsil te mach'a ya sna'bey yo'bolil sba te me'bae.

Oseas 2:1

Ja' yorail te jich me ya awalbeyic te awermanotac winiquetique: —Lumotic yu'un Dios —xaex me. Soc ya me awalbeyic te awermanatac antsetique: —Na'bil yo'bolil abaic —xi' me sc'oplal awu'unic.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Salmos 112:4

Jich me te bit'il luz ta yolil ijc' q'uinal, te ya xojobaj ta stojol mach'atic te lec yo'tanique. Ya sna' yo'bolil jbatic, t'ujbil yutsil yo'tan soc toj te yo'tan.

Salmos 37:26

Ta spisil ora ya sna'bey yo'bolil sba yantic, soc ay bi ya yaq'uic ta majanel. Swenta bendición c'oem te snich'nabe.

1 Timoteo 1:13

manchuc teme sna'oj te la jtoybac'optay ta neelal, soc la cuts'in, soc te la quixtac'optaye. Ja'uc me to, la xc'uxtayon te Diose ta scaj te ma la jna' te bila la jpase soc te ma to jch'uunejuc a te Jesuse.

1 Corintios 7:25

Ta ora to, ya jpas ta mandal te jtec'tojom ach'ixetique. Ma'yuc bay caiyoj stojol teme ay mandal la yal te Cajwaltique. Ja'uc me to, ya cal te bila jnopoj ta co'tan jtuquel te ya xju' ya yich' ch'uunel awu'unic te bit'il quich'oj c'uxtayel yu'un te Cajwaltique.

1 Timoteo 1:16

Ja'uc me to, la xc'uxtayon te Diose, swenta yu'un jich me ya yac' ta ilel ta jwenta te bit'il bayal perdón ay ta yo'tan te Jesucristoe. Ja' ejemplo ya yilic a te mach'atic patil ya xch'uunic te Jesucristoe, swenta yu'un jich me ya staic xcuxlejalic sbajt'el q'uinal yu'un.

Oseas 2:23

Jich me ya jts'un ta q'uinal c'oem te lum cu'un, te ja' nax mero cu'un jtuquele; ya me jna'bey yo'bolil sba te Lo-ruhama, te Lo-ami ya calbey: “Ja'at lumat cu'un”, ya cut, soc jich me ya yalbon: “Ja'at Diosat cu'un”, xi' me —xi' te Cajwaltique.

Oseas 1:6

Te Gomer te yinam Oseas, la yic' xan yal, ayin jtul alal ach'ix. Te Cajwaltic la yalbey te Oseas: —Lo-ruhama xawac'bey sbiilin te alale, melel ma ba ya jcha'na'bey xan yo'bolil sba te yajwal Israel, ma ba ya jpasbey perdón.

Isaías 57:1

Te winiquetic te lec yo'tanic, ya xlajic soc ma'yuc mach'a ya xc'opoj yu'un; te lequil winiquetic ya xch'ayic ta jc'axel. Ma'yuc mach'a c'oem ta yo'tan te ya xjilic ta libre yu'un uts'inel te mach'atic ya xway sbaq'uetalic,

2 Corintios 4:1

Ja' swentail te ma xpejc'aj co'tantic, te melel Dios la yac'botiquix cat'eltic ta swenta bit'il la quich'tic c'uxtayel yu'un.

Romanos 11:30

Ta neelal to te ja'exe, jc'axintayej-mandalex ta stojol Dios. Yan ta ora to, la xc'uxtayexix Dios ta scaj te la xc'axintaybeyic smandal Dios te jlumale.

2 Samuel 17:28

La yich'beyic bael wayibaletic, vasijaetic, pac'bil oxometic, soc trigo, cebada, harina, soc ch'ilbil trigo, habas, lentejas,

Proverbios 11:25

Te mach'a ma p'isbiluc nax ya yaq'ue, ya me x'esmantesbot xan te sbiluque; melel te mach'a ya yaq'ue, jich nix ya yich' xan.