San Mateo 5:6 - Bible in Tzeltal de Oxchuc y Tenejapa

⁶ “Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

Nuevo Testamento Tzeltal de Amatenango

⁶ “Ben me tsaꞌam slekilik te machꞌatik jun yoꞌtanik ta spasel te tut ya skꞌan te Diose, jich me ya xkoltayot yuꞌun.

Bible in Tzeltal Bachajón

⁶ Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

San Mateo 5:6 Referans Kwoze

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

Salmos 107:9

Melel ja' ya yajts'esbey yo'tanic te mach'atic taquin yo'tanic, soc ya yac'bey bayal swe'elic te mach'atic ay swi'nalique.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Salmos 145:19

Te mach'atic ya yich'ic ta muc' te Cajwaltic, ya me x'ac'botic yu'un te bila ya sc'anique; c'alal ya sc'anbeyic coltayel, ya me x'aiybot sc'opic, ya me yich'ic coltayel.

San Juan 7:37

Ja' bayal sc'oplal yu'unic te slajibal c'aal yu'un te q'uine. Jich ora te tejc'aj jajch'el te Jesuse. Tulan la yal: —Te mach'a ay ta taquinti'ile, ac'a taluc ta jtojol, ac'a yuch' te ja'e.

Apocalipsis 7:16

Ma ba ya xc'axix swocolic ta wi'nal soc ta taquinti'il. Soc ma ba ya yaiybeyiquix xc'uxul te c'aale, soc ma ba ya xwoclajiquix yu'un te xq'uixnale.

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

San Lucas 1:53

Te mach'atic ayic ta wi'nale, la snojesbeyix xch'ujt'ic ta lequil we'elil; yan te jc'ulejetique, jochol sc'abic la sticunix bael.

Isaías 65:13

Jich yu'un te Cajwaltic ya yal: —Te abatetic cu'un ay me swe'elic, yan te ja'ex ya xwoclajex ta wi'nal; te abatetic cu'un ay me ja' ya yuch'ic, yan te ja'ex ya xwoclajex ta taquinti'il; te abatetic cu'un bin nax me yo'tanic, yan te ja'ex ya xjilex ta q'uexlal;

Salmos 65:4

Bin nax me yutsil te ants-winic te ya atsa soc te ya awic' bael ta nainel ta ats'eel tey ta banti templo awu'une. Nojesa co'tantic a te bila bayal yutsil ta ana, ja' te ch'ul templo awu'une.

Isaías 25:6

Ta wits Sión te Cajwaltic te Spisil ya xju' yu'un ya me xchajbanbey spisil te nacionetic, te buen muc' we'elil soc vinoetic te ayix c'aal pasbile, te buen bujts'anic te we'elile, soc te mero tsabilic te lequil vinoetique.

Salmos 84:2

Ta mero spisil co'tan soc yutsil co'tan ya jc'an te spisil ora ya xtalon ta yutil te templo awu'une. Ta spisil co'tan buen bayal yutsil q'uinal ya caiy te ya jc'ajintay te cuxul Diose.

San Lucas 6:25

“¡Ya me awil awocolic ja'ex te nojel ach'ujt'ic ta ora to, melel ya me awaiyic wi'nal! ¡Ya me awil awocolic ja'ex te ya stse'en awo'tanic ta ora to, melel ya me x'oq'uex yu'un te mel-o'tane!

Isaías 41:17

“Te ants-winiquetic te ma'yuc bi ay yu'unique, ya sle ja' yuch'ic; ja'uc me to, ma ba ya staic. C'ax taquinajem yeic yu'un te taquinti'ile; ja'uc me to, jo'on te Ajwalilon ya me cat'elin yaq'uel, te jo'on te Dioson yu'un Israel, ma ba ya jpijt'es.

Salmos 63:5

Mero bayal me yutsil co'tan ya xjilon, jich bit'il mach'a la yaiybey sbujts' we'elil ta tsoblej te buen bujts'ane. Bayal me yutsil q'uinal ya caiy a, ya calbat yutsil ac'oplal yu'un.

Salmos 17:15

Yan te jo'one jamal ya cal ta melel: tic' a te bit'il ya quilbey jba jsitic, te ya quilat te c'alal ya xwijc' te jsite.

Cantares 5:1

Ochonix tel ta nichimaltic cu'un, ja'at jch'ielat, te quinamate. La quich'ix te mirra cu'un soc te perfumeetic cu'une, la jpasix prueba te chab cu'une, la cuch'ix te vino soc te leche cu'une. Ja'ex te jun co'tantique, we'anic soc uch'aic, uch'aic spisil te bi ya ac'anique.

Isaías 66:11

Melel te Jerusalén, jich c'oem te bit'il jun me'il, te ya smac'lin te mach'atic c'uxtabilic yu'un ja' to c'alal ya xnoj te xch'ujt'ique.

Proverbios 10:24

Te mach'a amen yo'tane, ya me xc'ot ta swenta te bila ya xi'e; yan te mach'a toj yo'tane, ja' ya x'ac'bot te bila ya sc'an yo'tane.

Proverbios 21:21

Te mach'a ya sle te toj-o'tanil, soc te jun yo'tan sba soc yantic, ya me sta cuxinel, soc ya me sta ich'el ta muc' yu'un.

Jeremías 31:25

Ya me cac'bey bayal swe'el yuch'elic te mach'atic lubenic soc te ma'yuquix yipique —xi'.