San Mateo 5:5 - Bible in Tzeltal de Oxchuc y Tenejapa

⁵ “Bin nax me yutsil te mach'atic peq'uel ya yac' sbaique, te melel ya me x'ac'bot sq'uinalinic te balumilale.

Nuevo Testamento Tzeltal de Amatenango

⁵ “Ben me tsaꞌam slekilik te machꞌatik pekꞌ ay sok te yoꞌtane, jich me ya xꞌaꞌbot yuꞌuninik te lum yaloj te Diose.

Bible in Tzeltal Bachajón

⁵ Bayel me yutsilic te mach'atic manso yo'tanic, como ya x'a'bot yu'untayic te bahlumilale.

San Mateo 5:5 Referans Kwoze

Salmos 37:11

Yan te mach'atic peq'uel ya yac' sbaic, ya me sq'uinalinic te q'uinale, buen lamal me q'uinal ya yaiybeyic yutsilal stuquelic.

Isaías 29:19

Te mach'atic peq'uelic ya me xcha'bujts'naj bael yo'tanic ta stojol te Cajwaltique; te mach'atic me'baetic ya me xbujts'naj yo'tanic ta swenta te Ch'ul Dios yu'un Israel.

Santiago 3:13

Teme ay ja'ex te ay sp'ijil awo'tanic soc teme ay bila ana'ojic stojole, ac'a me ta ilel ta swenta te bila lec ya apasique. Te bit'il ay sp'ijil awo'tanique peq'uel me xawac' abaic yu'un.

Salmos 149:4

Melel te Cajwaltic ya smulan te lum yu'un; te mach'atic peq'uelic ya x'ac'otic ta ich'el ta muc' ta swenta tsalaw.

Gálatas 5:23

manso-o'tanil, nujul-o'tanil. Ja'ic in to, ma'yuc bi ora ya yich' controinel yu'un te mandalile.

Santiago 1:21

Jich yu'un ijq'uitayaic te bila ilaybile soc spisil ta jchajp te bila amen ta pasele. Peq'ueluc me xawac' abaic ta yaiyel stojol te sc'op Dios te ya yich' ts'unel ta awo'tanic soc te ya xcol ach'ulelic yu'une.

Salmos 25:9

soc ya stojtes ta be te mach'atic peq'uelique, ya yac'bey snop te bitic toj ta pasele.

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

Efesios 4:2

Peq'uel me xawac' abaic, soc ayuc me yutsil awo'tanic. Ac'a cujch'uc awu'unic teme ay bila ma lecuc ya awaiy ta awo'tanique. Jech ts'icbeya abaic ta swenta te xc'uxul awo'tanique.

1 Pedro 3:15

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex.

Sofonías 2:3

Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Tito 3:2

Ma me ayuc mach'a ya sboltesbeyic sc'oplal jtuluc. Ma me smulanic xjajch'esel c'op. Ayuc me yutsil yo'tanic ta stojol te ants-winiquetic te peq'uel yac'oj sbaique.

Salmos 37:22

Te mach'atic ya x'ac'botic bendición yu'un Cajwaltic, ya me x'ac'bot sq'uinalinic te q'uinale; pero te mach'atic ma lecuc sc'oplalic yu'un, ya me xlajic stuquelic.

Salmos 37:9

Melel te mach'atic amenic ya me yich'ic loq'uesel ta sq'uinalic, yan te mach'atic ja' ya smuc'ulin yo'tanic te Cajwaltique, ya me yu'uninic te q'uinal stuquelique.

1 Pedro 3:4

Ja' me xach'al abaic a te yutsil awo'tanique soc te lamal awo'tanique. Ja' me ach'alilic te ma sna' xlaje te bayal yutsil yo'tan Dios yu'une.

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

Salmos 25:13

ya me xbusanbot lequilal ta stojol, te sts'umbale ya me yac'bey yu'unin te lumq'uinale.

1 Timoteo 6:11

Ja'uc me to, te ja'at te swinicat te Diose, xi'a me spisil te bila la calixe. Ja' me xbajt' ta awo'tan te toj ya x'ainate soc te jun awo'tan ta stojol te Diose, soc te ayuc lec xch'uunjel awo'tan soc xc'uxul awo'tan soc yip awo'tan, soc te peq'ueluc ya awac' aba spisil ora.

Salmos 69:32

C'alal jich ya xc'ot ta pasel, bin nax me yo'tanic yu'un te mach'atic ayic ta mel-o'tan; soc ya me xtal xan yip yo'tanic te mach'atic ya sleic te Diose.

Salmos 37:29

Te mach'atic lec yo'tanic ya me sq'uinalinic te q'uinale, sbajt'el me q'uinal ya xnainic tey a.

Salmos 37:34

Te ja'at ja' me ac'a smuc'ulin awo'tan te Cajwaltique, ch'uunbeya smandal; melel ya me yac' toyuc ac'oplal, soc ya me yac'bat awu'unin te q'uinale. Ya me yil asit te ya yich' lajinel te mach'atic amen yo'tanique.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

Romanos 4:13

Ma ta swentauc xch'uunel te mandalil te albot yu'un Dios te Abraham te ya x'ac'bot yu'unin soc sts'umbal te balumilale. Toj ilot yu'un Dios ta swenta nax te xch'uunjel yo'tane.

Salmos 147:6

Te Cajwaltic ya sjach jajch'el te mach'atic peq'uelique; yan te mach'atic amen yo'tanic ya yac' pejc'ajuc ta jc'axel.

San Mateo 21:5

“Albeya te lum yu'un Sión: ‘Ilawilic, talix te muc' ajwalil awu'unique. Peq'uel yac'oj sba. Scajtibinej tel te yal me' burra soc te alal burro te yal te cuch-ijc'atsil’, xaat me”, te xie.

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Salmos 22:26

We'anic, ja'ex te tenbilex ta uts'inele, ja' to me c'alal ya xnoj ta lec te ach'ujt'ique; albeyaic yutsil sc'oplal Cajwaltic ja'ex te ya aleique, cuxinanic bayal ja'wil.