San Mateo 5:48 - Bible in Tzeltal de Oxchuc y Tenejapa

⁴⁸ Jich yu'un te ja'exe ya sc'an te tojuc awo'tanic jich te bit'il toj yo'tan stuquel te Jtatic te ay ta ch'ulchane.

Nuevo Testamento Tzeltal de Amatenango

⁴⁸ Jich te jaꞌexe ya skꞌan te jichuk ay slekil awoꞌtanik te tutꞌil ay slekil yoꞌtan stukel te jTatik te ay ta chꞌulchane.

Bible in Tzeltal Bachajón

⁴⁸ Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

San Mateo 5:48 Referans Kwoze

Santiago 1:4

C'axem to xan ac'a me yich' yip te awo'tanique, swenta yu'un jich me ts'acal ya ach'uunic te Diose. Jich ma'yuquix bi yan ya sc'an awu'unic a.

Levítico 19:2

—Albeya ta spisil te israeletic te bila ya calbate: “Ch'ultesa me abaic, melel te jo'on te Ajwalilon soc te Dioson awu'unique, ch'ul Dioson jtuquel.

San Lucas 6:36

Jich yu'un te ja'exe aiyaic me c'uxtaywanej uuc jich bit'il ya yaiy c'uxtaywanej te Atatique.

Deuteronomio 18:13

Ya me sc'an te mero toj awo'tanic ya x'ainex ta stojol te Diose.

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

San Lucas 6:40

Soc ni jtuluc jnopojel te cajal ay yu'un te yajmaestroe. Ja' to pajal ya xc'ot soc teme ju' yu'un snopel ta lec te p'ijubtesele.

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Levítico 11:44

melel jo'on te Ajwalilon soc te Dioson awu'unique. Te ja'exe ya me sc'an te mero ya alecubtes ac'oplalic, soc te ch'ultesbil ya x'ainexe, melel ch'ul Dioson te jo'one, ma me xawac' te ma lecuc ac'oplal ya xc'oat ta swenta te chambalametic ya stas sbaic ta beel ta lumq'uinale.

Levítico 20:26

Te ja'ex ya me sc'an te ch'ultesbilex ta jtojole, melel jo'on Ajwalilon ch'ul Dioson, yan me awilelic cu'un te bit'il yantic lumetique, swenta yu'un jo'on cu'unex.

San Mateo 5:45

Jich me yal-snich'an ya xc'oex te Jtatic te ay ta ch'ulchane, melel pajal ya yac' tiluc c'aal ta stojol te mach'atic ma tojuque soc te mach'atic tojique. Soc pajal ya yac' taluc ja'al ta stojol mach'atic tojic soc te mach'atic ma tojuque.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

2 Corintios 13:9

Ya xbujts'naj co'tantic yu'un te bit'il ma'yuc quiptique, teme ay awipic atuquelic te ja'exe. Soc ja' ya jc'anbeytic Dios te jc'axel lec ya xc'oexe.

Salmos 37:37

Ja' me x'awil te mach'a lec sc'oplal soc te lec yat'el, melel te bila ya xc'ot ta swenta, ja' te lamal q'uinale.

2 Corintios 13:11

Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele.

Efesios 3:1

Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

2 Samuel 22:31

“Jelawen yutsil te be yu'un te Diose; ya smuc'ulin co'tantic te bila ya yal te Cajwaltique. Dios ya scanantay te mach'atic ja' smuc'ulinej yo'tanique.

San Mateo 5:47

Teme ja' nax ya apatbeyic yo'tan te awermanotaque, ¿banti lec xan a te bila ya apasique? ¿Yu'un bal ma jichuc ya spasic uuc te jyanlumetique?

Deuteronomio 27:10

Jich yu'un, ch'uunbeyaic me sc'op, ya me apasbeyic bael spisil ta jchajp te mandaliletic yu'une te yacon ta yalel ta atojolic ta ora in to —xi'.