San Mateo 5:46 - Bible in Tzeltal de Oxchuc y Tenejapa

⁴⁶ Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

Nuevo Testamento Tzeltal de Amatenango

⁴⁶ Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

Bible in Tzeltal Bachajón

⁴⁶ Como teme ha nax c'ux ta awo'tanic te mach'atic c'uxex ta yo'tanic, ¿bin amahtan yac ata a? ¿Ma bal hichuc nix ya spasic te jc'an-patanetique?

San Mateo 5:46 Referans Kwoze

San Mateo 11:19

Patil tal te Nich'anile te ya xwe'-x'uch'aj ta leque. Jich ya awalic te toyol ya xwe'-x'uch'aje soc te ya sjoin jmulawiletic soc te jc'an-patanetique. Ja'uc me to, te sp'ijil yo'tan te Diose, ja' me ya xchicnaj ta swenta te bila ya yac' c'otuc ta pasele —xi' te Jesuse.

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

San Lucas 15:1

La stsob sbaic tel spisil te jc'an-patanetique soc te yantic jmulawiletique, tal yaiybeyic stojol sc'op te Jesuse.

San Mateo 18:17

Teme ma la sc'an yaiybey stojol sc'opic uuc, albeya yaiyic stsojbol te jch'uunjeletique. Teme ma la sc'an yaiybey stojol sc'opic uuc te jch'uunjeletique, jich me ac'a c'otuc awu'unic te bit'il mach'a ma ba xch'uunej te Diose soc jich te bit'il jc'an-patane.

San Mateo 6:1

“Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

San Lucas 19:7

Te c'alal la yilic spisil te ants-winiquetic te tey och a te Jesuse, la smuquen-ayanic. Ja' amen la yaiyic te la sjoin te mach'a jmulawile.

San Lucas 19:2

Ay jtul winic tey a Zaqueo sbiil te ja' jwolwanej yu'un te jc'an-patanetique. Buen c'ulej te winique.

San Mateo 5:47

Teme ja' nax ya apatbeyic yo'tan te awermanotaque, ¿banti lec xan a te bila ya apasique? ¿Yu'un bal ma jichuc ya spasic uuc te jyanlumetique?

San Marcos 2:15

Ta patil bajt' ta sna Leví te Jesuse. Tey la sjoin ta we'el ta mesa tsobol jc'an-patanetic soc jmulawiletic. Soc tey ayic uuc a te jnopojeletic yu'un te Jesuse, melel tsobol te mach'atic la sts'aclinic ta beele.

San Marcos 2:16

Te jts'ibojometic soc te fariseoetique la yilic te sjoinej sba ta we'el soc jc'an-patanetic soc jmulawiletic te Jesuse. Jich la yalbeyic te jnopojeletic yu'une: —¿Bit'il ay te maestro awu'unic te ya sjoin sba ta we'el-uch'ajel soc jc'an-patanetic soc jmulawiletic? —xiic.

San Lucas 3:12

Ay tal yac' sbaic ta ich'ja' uuc te jc'an-patanetique. La sjojc'obeyic te Juane: —Maestro, ¿bila ya sc'an ya jpastic uuc te jo'otique? —xiic.

San Lucas 5:29

Patil te Leví la spas q'uin ta swenta Jesús. Jich la yic' tel ta we'el ta sna tsobol jc'an-patanetic soc yantic te pajal nacal ta mesa soc te Jesuse.

San Lucas 5:30

Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Lucas 7:29

Te c'alal la yaiyic stojol te ants-winiquetic soc te jc'an-patanetic te ac'bot yich'ic ja' yu'un te Juane, la yalic te bit'il lec yat'el stuquel te Diose.

San Lucas 7:34

Patil tal te Nich'anile te ya xwe'-x'uch'aj ta leque. Jich ya awalic te toyol ya xwe'-x'uch'aje, soc te ya sjoin jmulawiletic soc jc'an-patanetic.