San Mateo 5:44 - Bible in Tzeltal de Oxchuc y Tenejapa

⁴⁴ Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

Nuevo Testamento Tzeltal de Amatenango

⁴⁴ Pero joꞌon ya kalbeyex: Kꞌuxuk me ta awoꞌtanik te machꞌatik ya skontrainexe. Lekuk me skꞌoplal ya awalbeyik te machꞌatik ma lekuk akꞌoplalik ya yalbeyexe. Pasbeyaik te tut lek te machꞌatik ya spꞌajexe. Kꞌoponbeyaik Dios ta stojol te machꞌatik ya yixtakꞌoptayexe sok te ya yilbajinexe.

Bible in Tzeltal Bachajón

⁴⁴ Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Mateo 5:44 Referans Kwoze

Romanos 12:14

C'anbeyaic bendición ta stojolic te mach'atic ya yuts'inexe; ma me xabolc'optayic.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

San Lucas 23:34

Te c'alal jipilix ta cruz yu'unic te Jesuse, jich la yal: —Jtat, pasbeya perdón, melel ma sna'ic stojol te bila ya spasique —xi'.] Te soldadoetic la spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse.

1 Pedro 2:23

Te c'alal laj ta ixtac'optayele, ma la sujt'esbey te yixta-c'opique. Te c'alal c'ax swocole, ma ba loc' utaw ta ye. Ja' nax la yac' sba ta sc'ab te Diose, te toj ya xchajbanwan stuquele.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

2 Reyes 6:22

Pero la sjac' te Eliseo: —Ma'uc, ma xamil. ¿Yu'un bal jich c'aemat te ya amil te mach'atic ya atsac ta guerra ta swenta apuñal soc ta swenta at'imalte'? Ac'beya swe'el-yuch'elic, patil ticuna sujt'el ta stojol yajwalic —xi'.

Salmos 7:4

¿Yu'un bal jpasoj te bila amen ta stojol te mach'a lec bila spasojbone? ¿Yu'un bal yacon ta sleel yuts'inel te jcontroe?

1 Samuel 24:17

jich la yal: —Buen lec te bi la apas te ja'ate, melel buen lec sujt'ib la awac'bon te bitic amen yacon ta spasel ta atojole.

Proverbios 19:11

Te mach'a ay sp'ijile, ya scom sba ta ilimba; soc ya x'ich'ot ta muc' teme ma'yuc sc'oplal ta yo'tan te ixtac'optayele.

San Juan 13:34

Ta ora to ya calbeyex yach'il mandalil: C'ux me x'awaiy abaic ta awo'tanic, jich te bit'il c'ux la caiyex ta co'tane.

1 Tesalonicenses 5:15

Tsajtaya me abaic, ma me ayuc jtuluquex te ya awich'beyic spacol teme ay mach'a amen te bila ya spasbate. Ja' me xapasbey abaic spisil ora te bila leque, soc jich me xapasbey ta spisilic uuc te yantique.

Hechos 16:28

Ja'uc me to, te Pablo jich la yal: —Ma me xamil aba. Jpisiltic li' ayotic to —xi' ta yawtayel.