San Mateo 5:39 - Bible in Tzeltal de Oxchuc y Tenejapa

³⁹ Ja'uc me to, jo'on ya calbeyex: Teme ay mach'a amen te bila ya spasbate, ma me xasujt'esbey spacol. Teme la smajbat te swa'el achoe, ac'a smajbat xan te yan mejch'e.

Nuevo Testamento Tzeltal de Amatenango

³⁹ Ja tsꞌin to, joꞌon ya kalbeyex: “Teme ay machꞌa ma tsaꞌamuk tut ya spasbeyate, ma me xꞌapakbe. Teme ay machꞌa smajat ta achoe, akꞌa ta majel te jmejch xane.

Bible in Tzeltal Bachajón

³⁹ Pero ho'on ya calbeyex: Ma me xapac ac'abalic ta stojol te mach'a chopole. Teme ay mach'a ya smajbat awa'el-cho, ac'a smajbat te yane.

San Mateo 5:39 Referans Kwoze

1 Tesalonicenses 5:15

Tsajtaya me abaic, ma me ayuc jtuluquex te ya awich'beyic spacol teme ay mach'a amen te bila ya spasbate. Ja' me xapasbey abaic spisil ora te bila leque, soc jich me xapasbey ta spisilic uuc te yantique.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Proverbios 20:22

Ma me xawal te ya awac'bey spacole; ja' ac'a smuc'ulin awo'tan te Cajwaltique, ja' me ya yac'bat awaiy tsalaw stuquel.

Lamentaciones 3:30

Ya me sc'an te jun yo'tan ya yac' ta majel yelaw yu'un te mach'a ya x'ejch'entesot yu'une, soc te jun yo'tan ya sc'ases te bayal bolc'optayele.

Levítico 19:18

“Ma me xasujt'esbey spacol, soc ma me xaq'uej ta awo'tan, teme ay bila ya spasbotat yu'un te alumale. C'ux me x'awaiy ta awo'tan te alumale, jichuc me ta awo'tan te bit'il ja'ate. Jo'on Ajwalilon.

Proverbios 24:29

Ma me ayuc bi ora ya anop te ya asujt'esbey spacol te mach'a ay bila amen ya spasbate; ma me jichuc nix xapasbey te bit'il la spasbate.

Isaías 50:6

Jun co'tan la cac'bey smajbonic te jpate, soc jun co'tan la cac' te ya sbulbonic te quisime. Ma ba la jq'uej bael quelaw ta stojol te mach'atic la yixtac'optayonic soc te la stubtayonic.

1 Corintios 6:7

Te bit'il ya xjajch' c'op awu'unique, tey chican a te bit'il ay bayal to sc'an awu'unique. ¿Ma bal ja'uc lec te yacuc sts'ijc' awu'unic te c'ope? ¿Ma bal ja'uc lec te yacuc sts'ijc' awu'unic teme ay mach'a ay bila ya spojbate?

Santiago 5:6

La alebey smulic te mach'atic ma'yuc smulique soc la awaq'uix ta lajel, ja'uc me to, te mach'atic ma'yuc smulique ma ba la scoltay sbaic ta c'op stuquelic.

Job 16:10

Te winiquetic, ya stsob sbaic ta scontroinbelonic, jchajp sitic ya spasbonic quil a, ya yac'bonic majel ta quelaw swenta jpejc'anel yu'unic.

Hebreos 12:4

Melel ma to ayuc amaloj ach'ich'elic yu'un te bit'il contro ya awilic te mulile.

San Lucas 22:64

La smacbeyic sit ta pac'. La spac'beyic ta majel sit yelaw. Jich la sjojc'obeyic: —Ala caiytic te mach'a la smajate —la yutic.

1 Reyes 22:24

Te Sedequías snich'an Quenaaná noptsaj bael ta sts'eel te Micaías, c'o yac'bey majel, jich la yalbey: —¿Banti la yijq'uitayon te Espíritu yu'un Cajwaltic swenta yu'un ya sc'oponat te ja'ate? —xi'.

Miqueas 5:1

La yal te Cajwaltic: —Yan ta ora yo'tic, Jerusalén, chajbana me te ajoyob ts'ajc'ul, melel joytaybilatix yu'un te acontro, soc ya me yac'bey tulan castigo te jtsobwanej yu'un Israel.

San Mateo 5:40

Teme ay mach'a ya sleat ta c'op soc ya spojbat te ac'u'e, ijq'uitaybeya uuc te anajt'il c'u'e.

San Lucas 6:7

Jich yu'un te jts'ibojometic soc te fariseoetique la smaliy yilic teme ya yich' coltayel yu'un Jesús te winique, te bit'il sc'aalelal te cux-o'tan. Yu'un jich ya xju' ya stabeyic smul ta sc'opic a te Jesuse.

San Juan 18:23

La yal te Jesuse: —Teme amen te bila la cale, albon me caiy jiche teme ma lecuque. Yan teme lec te bila la cale, ¿bistuc te la amajone? —xi'.