San Mateo 5:30 - Bible in Tzeltal de Oxchuc y Tenejapa

³⁰ Soc teme ja' ya syalesat ta mulil te swa'el ac'abe, boja loq'uel, ch'oja bael. Ja' lec ya xc'oat a te ya xch'ay jch'ixuc te ac'abe. Ja' wocol teme scojt'ol abaq'uetal ya xch'ojotat ochel ta yawil c'ajc' ta bay ma xtup' sbajt'el q'uinal.

Nuevo Testamento Tzeltal de Amatenango

³⁰ Sok teme jaꞌ ya syalesat ta mulil te sbatsꞌil akꞌabe, boja lokꞌel, chꞌoja bael. Jaꞌ lek te ya xchꞌay jchꞌixuk te akꞌabe. Jaꞌ ma lekuk teme skꞌojtol atiꞌbalul ya xchꞌojot ochel ta kꞌakꞌ te ma xtupꞌ sbajtel kꞌinale.

Bible in Tzeltal Bachajón

³⁰ Teme ha ya ya'bat ale amul te awa'el-c'ab, boja loq'uel, ch'oja bahel, ha lec xan teme ya xch'ay junuc ac'ab te bin ut'il spisil abaq'uetal ya yich' ch'ojel ochel ta infierno.

San Mateo 5:30 Referans Kwoze

San Marcos 9:43

Teme ja' ya syalesat ta mulil te ac'abe, boja loq'uel. Ja' lec te jch'ixuc nax ac'ab ya x'ochat ta cuxinel soc. Ja' wocol teme xchebal ac'ab ya xch'ojotat ochel ta infierno ta c'ajc' te ma xtup' sbajt'el q'uinale [

San Mateo 5:29

“Jich yu'un teme ja' ya syalesat ta mulil te swa'el asite, loq'uesa, ch'oja bael. Ja' lec ya xc'oat a te ya xch'ay jp'ijuc te asite. Ja' wocol teme scojt'ol abaq'uetal ya xch'ojotat ochel ta yawil c'ajc' ta bay ma xtup' sbajt'el q'uinal.

1 Pedro 2:8

Soc ja' sc'oplalic xan te bit'il ts'ibubil jilele: “Ja' te ton swenta c'ojch'injibal soc te ton ya syaleswane”, te xie. Melel ya syalesotic ta scaj te ma xyich'beyic ta muc' te sc'ope. Yu'un nanix namey jich albil sc'oplalic yu'un Dios a.

1 Corintios 8:13

Jich yu'un teme ya cac' yaluc jtuluc quermano ta swenta te jwe'ele, ja' lec te ma me jti' te milbil majt'anile, swenta yu'un ma ba ya jyales a te quermanoe.

San Lucas 17:2

Melel te mach'a ya yac' yaluc ta mulil jtuluc te mach'atic peq'uel ayique, ja' lec te yacuc yich' chuquel cha' ta snuc' soc te lajuc yich' ch'ojel ochel ta mare.

San Mateo 13:21

Ja'uc me to, ma ismajemuc ta yo'tan te bila la yaiy stojole. Teme tal woclajel soc uts'inel ta stojol ta scaj te Sc'op Diose, ya xchebaj yo'tan ta ora yu'un.

San Lucas 12:5

Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

Gálatas 5:11

Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

Romanos 9:33

Jich bit'il ts'ibubil ta Sjun te Diose: “Jo'on ya cac' ta bay wits Sión te ton swenta c'ojch'injibale, soc te ton te ya xyaleswane. Te mach'a jayeb ya xch'uunique, ma'yuc bi ora ya staic q'uexlal yu'un”, te xie.

San Mateo 26:31

Jesús la yalbey yaiyic: —Ta apisilic ya me xpejc'aj awo'tanic ta jtojol in ajc'ubal to, melel jich ts'ibubil jilel ta Sjun te Diose: “Ya jmil te jcanan-chije. Jich me ya xpujq'uic bael ta anel te chijetique”, te xie.

San Mateo 22:13

“Te muc' ajwalile la yalbey te abatetique: “Chucbeya sc'ab yacan. Ch'oja bael ta q'uejel ta ijc' q'uinal ta banti ya xc'o yoq'uetay sba soc tey ya xc'o sjets'ulay ye a”, la yut.

San Mateo 25:20

Tal te mach'a ac'bot te jo'eb talento-taq'uine. La yich' tel soc te jo'eb talento te jolon yu'une. Jich la yal: “Cajwal, la awac'bon jo'eb talento-taq'uin. Ilawil te yan jo'eb talento jolon cu'une”, xi'.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

San Mateo 11:6

Bin nax me yutsil te mach'a ma xchebaj yo'tan cu'un —la yut bael te Jesuse.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

San Mateo 17:27

Ja'uc me to, swenta yu'un ma me mach'a amen yo'tan ya xc'ot yu'un, baan ta ti'mar. Ch'oja ochel te anzuelo. Nita loq'uel te chay te neel ya stsacbate. Jachbeya ye. Tey me ya ata a te jun estatero-taq'uin te ya awac'bon te cu'une soc uuc te awu'une. Ich'a bael. Baan, ac'a jilel —xi' te Jesuse.

San Mateo 18:8

“Jich yu'un teme ja' ya syalesat ta mulil te ac'abe, o ja' te awacane, boja loq'uel. Ch'oja bael, yu'un ja' lec te yacuc x'ochat ta cuxinel, manchuc me coxoat soc c'ojc'ol-c'abat. Ja' wocol teme xchebal ac'ab soc xchebal awacan te ya xch'ojotat ochel ta c'ajc' te ma xtup' sbajt'el q'uinale.