San Mateo 5:25 - Bible in Tzeltal de Oxchuc y Tenejapa

²⁵ “Chajbana aba soc ta ora te acontroe, swenta yu'un ma ba ya yac'at ta sc'ab te juez. Melel te juez ya me yac'at ta sc'ab te comandante. Jich ya x'ochat ta chucjibal.

Nuevo Testamento Tzeltal de Amatenango

²⁵ “Teme ay machꞌa ya xba slebeyat amul ta stojol te jmeltsaanwanejetike, chapa aba sok ta ora antes ke ma to xkꞌot ta skuenta te alkale. Porke te maꞌuke, te alkale ya me yakꞌat ta skꞌab mayol, ya me yotsesat ta prexo.

Bible in Tzeltal Bachajón

²⁵ Ora me xachahpan te c'op awu'un soc te acontra te ayat to ta be soc, scuenta yu'un ma ba ya yac'at ta sc'ab te juez, soc te juez ya yac'at ta sc'ab te jcanan-cárcel, hich ya x'ochat ta cárcel yu'un.

San Mateo 5:25 Referans Kwoze

Proverbios 25:8

ma me xba awal ta ora ta stojol te mach'atic yich'oj yat'elique; repente ay yan testigo ya xju' ya stsalat ta c'op, jich ma x'ana' bi ya apas ta patil.

Hebreos 3:13

Te bit'il yo'tic to ya sc'an ya jch'uuntic te Diose, ja' ya sc'an te ya ajechtac'uy abaic jujun c'aal, swenta yu'un ma me ayuc jtuluquex te ya xlajex ta lo'layel yu'un mulil, te jich tulan awo'tanic ya xc'oex yu'une.

Hebreos 3:7

Ja' swentail te jich ya yal te Ch'ul Espíritu ta bay Sjun te Diose: “Yo'tic to, teme ya awaiybeyic stojol sc'op te Diose,

Hebreos 12:17

Ana'ojic te ma ba ac'bot bendición yu'un stat te c'alal la sc'an xan ta patile. Ma la staix te bi ya yut ya sujt'es xan te yo'tane, manchuc teme bayal la yoq'uetay sba yu'une.

Job 22:21

“Ja' yu'un te ja'at, ac'a lamajuc q'uinal awu'un soc te Diose, jich me ya xcha'ain xan abiluc a.

2 Corintios 6:2

Yu'un jich yaloj jilel ta Sjun: “Ja' mero yorail te la caiybat stojol te ac'ope. Ja' sc'aalel colel a te la jcoltayate”, te xie. Ta ora to, ja' yorailix te ay ta ch'uunele, soc ta ora to, ja' sc'aalelalix te colele.

Salmos 32:6

Jich yu'un te c'alal ay woclajel ya yaiyique, te mach'atic toj yo'tanic ya sc'oponat; manchuc me ya xtal bayal snojel ja'etic, ma xtaotic c'oel yu'un.

San Mateo 26:58

Jich te Pedroe nam ts'ajc' la yil bael ta sts'aclinel, ja' to c'alal ta bay yamac'ul sna te muc' sacerdotee. Tey och bael uuc a, soc la sjoin ta naclej te policiaetic yu'un te temploe, yu'un ya yil te bit'il ya xc'ot ta loq'uel te Jesuse.

San Lucas 18:3

Ta bay te lume ay jtul me'ba ants tey a. Tal sc'opon bayal buelta te juez, yu'un ya sc'anbey te yacuc chajbanotuc soc te scontroe.