San Mateo 5:22 - Bible in Tzeltal de Oxchuc y Tenejapa

²² Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

Nuevo Testamento Tzeltal de Amatenango

²² Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

Bible in Tzeltal Bachajón

²² Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

San Mateo 5:22 Referans Kwoze

1 Juan 2:9

Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

Santiago 3:6

Te cac'tique jich bit'il c'ajc'. Ja' jun yawil te nojel ta mulil te ay ta jbaq'uetaltique te ya sboltes spisil te jbaq'uetaltique. Ja' nix ya xtilesbot jach'el yu'un spisil te jcuxlejaltic soc te c'ajc' te tilem tel ta bay infierno.

Tito 3:2

Ma me ayuc mach'a ya sboltesbeyic sc'oplal jtuluc. Ma me smulanic xjajch'esel c'op. Ayuc me yutsil yo'tanic ta stojol te ants-winiquetic te peq'uel yac'oj sbaique.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

San Mateo 18:35

“Ja' nanix jich uuc te Jtat te ay ta ch'ulchane. Jich me ya spasbeyex teme ma ba ya apasbey abaic perdón juju-jtul soc te awermanoe —xi' te Jesuse.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

Romanos 12:10

Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul.

1 Pedro 2:23

Te c'alal laj ta ixtac'optayele, ma la sujt'esbey te yixta-c'opique. Te c'alal c'ax swocole, ma ba loc' utaw ta ye. Ja' nax la yac' sba ta sc'ab te Diose, te toj ya xchajbanwan stuquele.

San Mateo 18:21

Te Pedroe noptsaj tel soc jich la yal: —Cajwal, ¿jayeb buelta ya sc'an te ya jpasbey perdón te quermano teme ya sta smul ta jtojole? ¿Tic' bal a te juqueb bueltae? —xi'.

Salmos 109:3

Te sc'opic puro lab-o'tanil ta jtojol; ma'yuc swentail te ya yac'bonic guerra.

Salmos 37:8

Ijq'uitaya te ilimba, ma me xc'ajc'ubix awo'tan; ma me x'ilinat, melel ya me ata awocol yu'un.

Judas 1:9

Yan te Miguele, te jwolwanej yu'un te ch'ul abatetique, tulan c'opoj soc te pucuj ta swenta sbaq'uetal Moisés te c'alal lajemix ae. Ja'uc me to, ma ba jelaw sc'op te Miguele. Ma la yalbey xch'ayel te pucuje. Ja' nax jich la yalbey: “Te Cajwaltique ya me scomat stuquel”, xi' soc.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

Hechos 17:18

Ay filósofoetic yu'un te epicúreoetique soc te estoicoetique, jajch'ic ta tsaltomba-c'op soc te Pablo. Jich la yalic: —¿Bi ya sc'an ya yalic me chulti' to? —xiic. Soc ay yantic la yalic: —Jchol-c'op yu'un yach'il diosetic yilel —xiic yu'un. Jich la yalic yu'un te bit'il ya xcholbey sc'oplal te lec yach'il c'op yu'un te Jesús soc te bit'il ay te cha'cuxele.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

San Marcos 14:55

Te jwolwanej-sacerdoteetic soc ta spisil te Muc'ul Tsoblej yu'unique, la sleic te ayuc bila amen spasoj swenta yu'un ya me yaq'uic ta lajel te Jesuse, ja'uc me to, ma la staic.

San Mateo 26:59

Te jwolwanej-sacerdoteetic soc te principaletique soc ta spisil te Muc'ul Tsoblej yu'unique la sleic lotil testigoetic swenta yu'un jich ya xju' ya yaq'uic ta lajel te Jesuse.

Deuteronomio 15:11

Melel spisil me ora ay mach'atic ay swocolic ta q'uinal, ja' yu'un jo'on ya calbat: Buen lecuc me awo'tan ta stojolic te alumal te ay swocolic yu'un sme'bailic, te ma'yuc bila ya xtuun yu'unic ta q'uinale.

San Juan 11:47

Jich yu'un te fariseoetique soc te jwolwanej-sacerdoteetique la stsob sbaic ta Muc'ul Tsoblej yu'unic. Jich la yalic: —¿Bi me ya jpastic yu'un? Melel te winique bayal señailetic yac ta spasel.

Apocalipsis 20:14

Te lajel soc te stsobjibal animaetique la yich'ic ch'ojel ochel ta bay te muc' pamal c'ajq'ue. Te muc' pamal c'ajq'ue, ja' te xchebal buelta lajele.

Hechos 7:37

Soc ja' nix Moisés te la yalbey te israeletique: “Te Diose ya me yac'beyex jtul j'alwanej te ya xchicnaj ta awolilic jich te bit'il la xchicnanteson ta awolilic te jo'one. Ja' me x'awich'beyic ta muc' te bila ya yalbeyex awaiyique”, te xie.

San Lucas 12:5

Ya calbeyex te mach'a ya sc'an ya axi'ique: Ja' me x'axi'ic te mach'a ya xju' yu'un ya smilat soc te ay yat'el te ya xju' ya yaq'uex ta bay yawil c'ajc' te ma xtup' sbajt'el q'uinale. Ja' me x'axi'ic stuquel.

San Mateo 5:44

Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

San Mateo 5:34

Ja'uc me to, jo'on ya calbeyex: Ma me biluc nax xawaq'uic ta testigo. Ma me xawaq'uic ta testigo te ch'ulchane, te melel ja' smuc'ul nactijib te Diose.

San Mateo 3:17

Soc ay mach'a c'opoj tel ta ch'ulchan: —Ja' in to, ja' te Jnich'an te bayal c'ux ta co'tane, bin nax co'tan yu'un —xi'.

Abdías 1:10

La yal xan te Cajwaltic: —Ya me smucat jilel q'uexlal, soc jinbilat me sbajt'el q'uinal, ta scaj te la awuts'in soc la amil te awijts'in Jacob.

Proverbios 14:16

Te mach'a ay sp'ijile, ya xi' te bila ma lecuque, ya sq'uej sba loq'uel ta stojol; yan te mach'a ma sna' q'uinale, ma'yuc bila ay sc'oplal ta yo'tan.

Salmos 7:4

¿Yu'un bal jpasoj te bila amen ta stojol te mach'a lec bila spasojbone? ¿Yu'un bal yacon ta sleel yuts'inel te jcontroe?

Génesis 37:4

Ilot yu'un te sbanquiltac te bit'il c'ax c'uxtaybil yu'un stat te bit'il c'uxtaybil stuquelique. Jich yu'un la yil-o'tantayic, ma lecuc yo'tanic ta stojol.

1 Juan 5:16

Teme ay mach'a la yil te yac ta sleel smul te yermanoe, teme ma ja'uc swenta lajel te smule, ac'a sc'oponbey Dios. Jich te Diose ya me yac' cuxinuc, teme yu'un nanix ma swentauc lajel te smule. Yu'un ay mulil te ya yac'otic ta lajele. In to, ma xcal te ya yich' c'oponel Dios yu'une.

Santiago 2:20

P'ijanic me soc na'aic me te xujt' ma'yuc swentail te xch'uunjel awo'tan teme ma chicanuc ta swenta te awat'ele.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

1 Corintios 6:6

Ja'uc me to, teme jajch' c'op awu'unic te pajal ach'uunejic te Diose, ay ya awaq'uic ta chajbanel ta stojol juecetic ta swenta balumilal.

Hechos 5:27

Te c'alal c'otic soque, la stec'anic ta stojol te Muc'ul Tsobleje. Te muc' sacerdote la sjojc'obey:

San Juan 15:25

Ja'uc me to, puersa jich c'ot ta pasel te bila ts'ibubil ta mandalil te yich'ojique: “Ma'yuc swentail te la yilayonique”, te xie.

San Juan 8:48

La yalic te judioetique: —Melel xcaltic, pajalat soc samariaetic soc ay pucuj ta awo'tan —xiic.

San Juan 7:20

Te ants-winiquetic jich la yalic: —Ay pucuj ta awo'tan. ¿Mach'a a te ya smilate? —xiic.

San Marcos 15:1

Te c'alal sacubix a te q'uinale, te jwolwanej-sacerdoteetic, te principaletic, te jts'ibojometic, soc ta spisil te Muc'ul Tsoblej yu'unique, la stsob sbaic ta xchapel sc'opic. Jich la xchuquic bael te Jesuse. Ba yac'beyic ta sc'ab te Pilatoe.

San Mateo 25:41

“Te muc' ajwalile ya yalbey ts'iin te mach'atic ayic ta xq'uexen sc'abe: “Q'ueja abaic ta jtojol ja'ex te mero amenexe. Baanic ta bay c'ajc' te ma xtup' sbajt'el q'uinal ta bay chajbanbil te ya x'ac'ot tey a te pucuje soc spisil te abatetic yu'une.

San Mateo 23:33

“¡Ts'umbalex jti'awal chanetic! ¿Bit'il c'an acoltay abaic ta castigo ta infierno? ¿Bit'il c'an colanic loq'uel tey a?

San Mateo 23:15

¡Ya me awil awocolic jts'ibojometic, fariseoetic te cha'lam awo'tanique! Melel te ja'exe bayuc nax ya xbeenex ta spamal balumilal, yu'un awo'tan ya awaq'uic ta judioil te jyanlumetique. Ja'uc me to, teme la xch'uun awu'unique, c'axem to xan jich castigo ya yich' a te bit'il te ja'exe.

San Mateo 17:5

Te c'alal yac to ta c'op a te Pedroe, ora potsotic yu'un tocal te xlemet nax xojobile. Ay mach'a c'opoj tel ta yolil te tocale: —Ja' in to ja' te Jnich'an te bayal c'ux ta co'tane. Bin nax co'tan yu'un. Aiybeya awaiyic stojol sc'op stuquel, —xi'.

San Mateo 12:24

Te c'alal la yaiyic stojol te fariseoetique, jich la yalic yu'un: —Ja' in winic to, ya sloq'ues pucujetic ta swenta Beelzebú ja' te mero ajwalil yu'un te pucujetique —xiic.

San Mateo 10:17

Tsajtaya me abaic ta stojol te ants-winiquetique, melel ya me yaq'uex ta sc'ab te muc'ul tsobleje, soc ya me yac'beyex castigo ta sinagogaetic,

Abdías 1:12

La sc'an te ma binuc nax awo'tan ta yilel xq'uexlal te awermano te c'alal ay swocole; soc te ma binuc nax awo'tan ta yilel swocol te Judá te c'alal la yich' jinele; la sc'an te ma la alaban a te c'alal ay swocole.

Daniel 3:19

Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Daniel 3:13

Te Nabucodonosor bayal jajch' slab yo'tan yu'un. La yal mandal te ya x'ic'ot tel ta stojol te Sadrac, Mesac soc Abed-nego. Te c'alal ayiquix ta stojol ae,

Lamentaciones 3:52

Mero ma'yuc swentail, te jcontrotac la snutsonic jichuc ja'mal mut;

Jeremías 17:11

Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Proverbios 18:6

Te mach'a ma sna' q'uinal, ya yac' sba ta c'op; ta swenta sc'op ya sle yaiy buen majel.

Salmos 92:6

Ja' nax te mach'atic ma sna'ic q'uinal, ma xc'ot ta yo'tan stuquelic.

Salmos 69:4

Tsobolic te mach'atic ay slab yo'tanic cu'un te tojol naxe, c'ax jich yajtalul a te bit'il stsotsil jole; mero esmajix te jcontrotac, ja'ic te tojol nax ya sc'an ya slajinonique. Ya yac'bonic jsujt'es te bila quelc'anej ta sc'opique, pero ma'yuc bila quelc'anej.

Salmos 49:10

Melel chican ta ilel te pajal ya xlajic ta spisilic; ya xlajic te mach'atic p'ijique, ja' nix jich ya xlajic uuc te mach'atic ma p'ijicuque; yan mach'a ya x'ich'botic jilel yu'un te sc'ulejalique.

Salmos 35:19

Ma me binuc nax yo'tanic ta jtojol te jcontrotaque; ma me sts'esitayon te mach'atic ma'yuc swentail te ya yilayonique.

Salmos 25:3

Ma me ayuc bi ora ya xq'uexaw jtuluc te mach'atic smuc'ulinejat yo'tanique. Ja'uc me c'otuc q'uexlal ta stojolic te mach'atic ma'yuc swentail ya stoy sbaic ta atojole.

Salmos 14:1

Te mach'atic ma sna'ic q'uinal, ya yal ta yo'tanic: “Ma'yuc Dios”, xiic. Spisil jowejemic, mero c'ax amen te bitic spasojique. Ma'yuc jtuluc mach'a ya spas te bila leque.

Nehemías 5:8

Jich la calbey: —Te jo'otic, te bay c'alal ju'em cu'untic la cac'tiquix ta libre yu'un sbetic te jlumaltic judioetic, te chonbilic ta stojol yantic lumetic te ma ba xch'uunejic te cuxul Diose. ¿Yo'tic ja'ex bal ya awaq'uic ta mozoinel xan, swenta yu'un ya jcha'cac' xan ta libre jiche? —la cut. Lamajic bael yu'un, melel ma wejt' te bila la yalic yu'un te jc'ope.

2 Crónicas 16:10

Te Asa bayal c'ajc'ub yo'tan ta stojol te j'alwaneje, la yal mandal ta chuquel. Ja' yorail a te laj yutsil yo'tan te Asa, soc jajch' yuts'in te lume.

1 Reyes 21:4

Te Acab bajt' ta sna, ay ta mel-o'tan soc boloben yo'tan ta swenta te bi albot yu'un te Nabot, ta scaj te albot te ma ba ya x'ac'bot te bila ac'bil jilel yu'un sme'-stat. C'alal c'ot ta sna, la smejts'an sba ta swayib, la sut bael sit ta pajc', soc ma ba we'.

2 Samuel 16:7

pero te Simei yac ta utaw, jich yac ta yalel: —¡Loc'an bael li', c'a' jmilawal!

2 Samuel 6:20

Jich nix te David sujt' bael ta sna, yu'un ba sc'anbey bendición te mach'atic ay yu'une. Pero te Mical te yantsil-nich'an Saúl loc' ta tael yu'un, jich albot yu'un: —Buen lec c'ot te muc' ajwalil yu'un Israel te naxe. La yac' sba ta ilel ta stojol te criadaetic yu'un te swinictaque, jich bit'il te ch'ayem xq'uexlal mach'auc a —xi'.

Génesis 37:8

La yalic te sbanquiltaque: —¿Yu'un bal sc'oplal ya cajwalinticat ya awal? ¿Yu'un bal sc'oplal ya xmandalajat ta jtojoltic? —la yutic. Bayal to xan la yil-o'tantayic yu'un ta swenta swaich soc ta swenta te sc'ope.

Deuteronomio 16:18

“Ac'beyaic yich' yat'el juecetic, soc ac'beyaic yich' yat'el yantic jwentainwanejetic ta stojol te lumetic ya yac'beyex ta chajbalchajp ats'umbalic te Cajwaltic te Dios cu'untique, swenta yu'un ya me xchajbanwanic ta mero stojil ta stojol te lume.

2 Crónicas 19:5

La snajc'anlay juecetic yu'un ta spisil lumetic te joybilic ta ts'ajc' ta spamal sq'uinal Judá, xmelmon la snajc'anlay jilel.

San Lucas 22:66

Ta sacubel q'uinal la stsob sbaic ta Muc'ul Tsoblej te principaletic yu'un te lume soc te jwolwanej-sacerdoteetic soc te jts'ibojometique. La yiq'uic tel ta stojolic te Jesuse. Jich la sjojc'obeyic:

Hechos 4:15

Jich te Muc'ul Tsobleje la sticunic loq'uel ta stojolic te Pedro te Juane, yu'un ya xchapic te bi ya yutique.

Hechos 5:21

Te bit'il jich albotic la yaiyique, ta sacubel to q'uinal a ochic ta templo. Jajch'ic ta p'ijubteswanej. Te c'alal ayiquix ta templo a, te muc' sacerdote soc te mach'atic sjoinej sba soque, la yal mandal te ya stsob sba te Muc'ul Tsobleje, ja' bi ja' spisil te principaletic te yich'oj yat'elic yu'un te lum Israele. La sticun ta iq'uel loq'uel tel ta chucjibal te jpuc-c'opetique.

Hechos 6:12

Jich te mach'atic c'an stsalic ta c'op te Estebane, la sjachbeyic slab yo'tan te lume soc te principaletique soc te jts'ibojometique. Jich la sjumtayic ta tsaquel te Estebane, soc la yiq'uic bael ta stojol te Muc'ul Tsobleje.

Hechos 6:15

Jich te mach'atic nacalic ta Muc'ul Tsobleje, spisilic la stojlinbeyic ta ilel sit te Estebane. La yilic te pajal sit yelaw soc ch'ul abat yu'un Dios te site.

Hechos 22:30

Ta yan c'aal, te coronele yo'tan yaiy stojol te bila smulinej yu'unic te Pablo te judioetique. Jich la yac' ta tilel te cadena chucul a, soc la sticun ta tsobel te jwolwanej-sacerdoteetic soc ta spisil te Muc'ul Tsoblej yu'un te judioetique. Jich la yic' loq'uel tel te Pabloe. Ba stejc'anbey ta yolil te tsobleje.

Hechos 23:1

Te Pabloe la yilbey sit te mach'atic ayic ta Muc'ul Tsobleje. Jich la yal: —Quermanotac, te jo'one, jun co'tan cuxinemon tel ta stojol te Diose, ja' to c'alal ta ora to —xi'.

Hechos 24:20

Ja'uc me to, teme ma'yuque, ja' ac'a yalic te mach'atic li' ayic to, teme ay jmul la stabonic te c'alal la quich' tejc'anel ta stojol te Muc'ul Tsoblej yu'unique.