San Mateo 5:16 - Bible in Tzeltal de Oxchuc y Tenejapa

¹⁶ Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

Nuevo Testamento Tzeltal de Amatenango

¹⁶ Jichex ekꞌ te jaꞌexe, ya skꞌan te ya xtilex ta sit te genteetike. Jich teme lek ya yilik te tut ya apasike, jich me lek skꞌoplal ya xkꞌot yuꞌunik te jTatik te ay ta chꞌulchane.

Bible in Tzeltal Bachajón

¹⁶ Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

San Mateo 5:16 Referans Kwoze

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

Tito 2:7

Soc te ja'ate ac'a me ta ilel lequil ejemplo ta swenta te lequil at'elile. Te c'alal ya ap'ijubtese, ts'acal me xawal, soc bayaluc me sc'oplal ta awo'tan.

San Juan 15:8

Jich ya xchicnaj yutsilal te Jtate teme bayal ya sitinexe. Jich me jnopojelex cu'un ta melel abi.

Efesios 5:8

Melel ta neelal to ainemex ta ijc' q'uinal te ja'exe. Yan ta ora to sacuben q'uinal awu'unic ta swenta te Cajwaltique. Jich me xcuxinex te bit'il mach'atic yal-snich'an te saquil q'uinale.

1 Pedro 3:16

Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

1 Pedro 4:14

Teme ta scaj te ach'uunejic Cristo te ayex ta bolc'optayele, bin nax me awutsilic yu'un, te melel xojobajem ta atojolic te yutsilal te Espíritu yu'un te Diose. Amen sc'oplal yu'unic te Diose; yan te ja'exe, lec sc'oplal awu'unic stuquel.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Isaías 58:8

Jich yu'un ya sacub q'uinal awu'un ta stojol yantic, jich bit'il ya sacub tel te q'uinale. Te awejch'enique, ora nax ya xcolic. Te atojile ya xneelaj bael ta atojol, yan te xojobil cutsilale, ta apat ya sjoinat bael.

Tito 3:14

Te mach'atic pajal jch'uunejtic Dios soque ac'a me snopic spasel te bila leque. Ya sc'an ya xc'uxtayic te mach'atic ay yo'bolil sbaic ta q'uinale, swenta yu'un ma tojoluc cuxul ta q'uinal te mach'atic xch'uunejic te Diose.

1 Timoteo 6:18

Albeya te ac'a yat'elinic spasel spisil te bila lec ta pasele. Ja'uc me sc'ulejalic ya xc'ot te lequil at'eliletic ya spasique. Toyoluc me yo'tanic ac'a yaiyic c'uxtaywanej soc majt'anteswanej.

2 Corintios 9:13

Ya me yalulaybeyic yutsilal sbiil te Diose, yu'un ja' ya xchicnaj ya yilic a te coltayel te bit'il ach'uunejic spasel te bila ya yal te lec yach'il c'op yu'un te Cristoe. Soc ya me yalbeyic jelawen yutsilal Dios yu'un te bit'il ma p'isbiluc la awaq'uic te coltayel ya xtuun yu'unic soc spisil te yantique.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Hebreos 10:24

Ya sc'an te talel c'axel ya jech jtijbey jba co'tantic te c'uxuc ya caiy jbajtic ta jpisiltique soc te yacuc jpastic spisil te lequil at'elile.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

1 Pedro 4:11

Te mach'a ya sna' lec aiyeje, ja' me ac'a xchol te bila yaloj te Diose. Te mach'a ya sna' abatinele, ac'a me yac' sba ta abatinel soc yip sbaq'uetal te ya x'ac'bot yu'un te Diose. Jich yu'un spisil te bila ya spasique, ja'uc me lec sc'oplal ya xc'ot yu'un te Diose ta swenta te Jesucristoe te sbajt'el q'uinal ay yutsilal soc yu'el ya xmandalaj stuquel. Jichuc.

1 Tesalonicenses 2:12

La calbeyex te toj nax ya awac' abaic ta q'uinal jich te bit'il ya sc'an te Diose te la yiq'uex ochel ta ba ay ta ajwalinel te Dios soc te yutsilale.

1 Pedro 3:1

Ja' nanix jichex uuc antsetic, junuc me awo'tanic ch'uunbeyaic smandal te amamlalique, swenta yu'un teme ay ma ba xch'uunejic sc'op Dios te amamlalique, tic' ya xch'uunic a teme ya yilic te bit'il lec spisil te bila ya apasique.

Hechos 9:36

Ta lum Jope ay jtul jnopojel tey a te Tabita sbiil te Dorcas sbiil ta griego-c'ope. Yat'elinej spasel lequil at'elil soc la sq'uebanbey me'baetic te sbiluque.

1 Timoteo 5:25

Ja' nanix jich uuc ay ya xchicnaj ta comonsitil ta ora te bila lec ya spasique. Soc manchuc teme ma xchicnaj ta orae, ma xju' ta naq'uel.

San Mateo 5:45

Jich me yal-snich'an ya xc'oex te Jtatic te ay ta ch'ulchane, melel pajal ya yac' tiluc c'aal ta stojol te mach'atic ma tojuque soc te mach'atic tojique. Soc pajal ya yac' taluc ja'al ta stojol mach'atic tojic soc te mach'atic ma tojuque.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

1 Timoteo 2:10

Ja'uc me xch'alil ya xc'ot te lec yat'elique. Yu'un jich nix ya sc'an pasel yu'un spisil antsetic te jun yo'tan xch'uunejic te Diose.

Gálatas 1:24

Jich la yalbeyic bayal wocol Dios yu'un te bit'il jch'uunejixe.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Tito 3:4

Ja'uc me to, te Diose te Jcoltaywanej cu'untique la yac' ta ilel te bit'il ay yutsil yo'tan soc xc'uxul yo'tan ta jtojoltic soc spisil te ants-winiquetique.

1 Corintios 14:25

Jich ya xchicnantesbot te bila muquen ay ta yo'tanique, soc jich me ya squejan sbaic ta yalel wocol ta stojol te Diose. Ya me yalic ta jamal te melel ja' Dios te ay ta awolilique.

San Lucas 11:2

Te Jesús jich la yal: —Te c'alal ya ac'oponic te Diose jich me xawalic: “Jtatic Dios, te ayat ta stoyolil ch'ulchane, ac'a ich'otuc ta muc' te ach'ulbiile. Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal jich bit'il te yac ta pasel ta ch'ulchane.

San Mateo 9:8

C'alal la yilic te ants-winiquetique, xiw yo'tanic yu'un. Jajch' yalbeyic wocol Dios yu'un te bit'il yich'oj tulan yat'el ta scoltayel te ants-winiquetique.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Mateo 23:9

Ma me ayuc jtuluc ta balumilal te ya acuyic ta atatic, melel jtul nax te Atatique, ja' te mach'a ay ta ch'ulchane.

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

Éxodo 34:35

Te bit'il ya yilic israeletic te xojobajem yelaw te Moisese, jich ya xcha'mac xan ta pac' te yelawe, ja' to c'alal ya xcha'och xan ta c'op soc te Cajwaltique.