San Mateo 5:12 - Bible in Tzeltal de Oxchuc y Tenejapa

¹² Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

Nuevo Testamento Tzeltal de Amatenango

¹² Junuk me awoꞌtanik, kontentoukex me, yuꞌun ya me awichꞌ amajtanik ta chꞌulchan. Jich me a kꞌax swokolik te jꞌalwanejetik yuꞌun Dios te nail a kꞌax ta balmilal awuꞌunike.

Bible in Tzeltal Bachajón

¹² Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

San Mateo 5:12 Referans Kwoze

San Lucas 6:23

Binuc nax me awo'tanic yu'un te c'alal ya xc'ot ta pasel ta atojolique. Bayaluc me sbujts' q'uinal ya awaiyic yu'un, melel ya me xc'o awich'ic bayal awutsilalic ta ch'ulchan yu'un. Melel te namey q'uinal me'il-tatiletic yu'un in ants-winiquetic to, jich nix la spasbeyic te j'alwanejetic yu'un te Diose.

Santiago 1:2

Quermanotac, ya sc'an te ay bayal sbujts' awo'tanic yu'un te c'alal ay bayal ta jchajp awocolic te ya xc'axex ta q'uinale.

Colosenses 3:24

Yu'un ya ana'ic te ya yac'beyex amajt'anic juju-jtulex ta patilal te Diose. Melel ayex ta abatinel yu'un te Cristoe te ja' mero Awajwalique.

1 Pedro 4:13

Jich yu'un bayaluc me sbujts' awo'tanic yu'un uuc te bit'il ayex ta woclajele, jich bit'il woclaj stuquel te Cristoe. Jich me c'axem to xan ya xbujts'naj awo'tanic yu'un te c'alal ya xchicnaj tel soc yutsilal ya awilique.

Colosenses 1:24

Ta ora to ay sbujts' co'tan yu'un te bit'il yac ta c'axel jwocol ta awentaique. Yu'un jich me ya jts'actes xan ta jbaq'uetal ta bay ay to sc'an te ya xc'ax swocol Cristo yu'un te jch'uunjeletic, te ja' sbaq'uetale.

Romanos 5:3

Soc ma jipuc nax a. Ja' nix jich toyoluc me co'tantic yu'un uuc te uts'inele, melel jna'ojtic stojol teme ay te uts'inele, tey ya xchicnaj a teme ya sts'ijc' cu'untique.

Rut 2:12

Dios me ya stojat. Te Cajwaltic Dios yu'un Israel te tal ale coltayel yu'une, ya me xc'uxtayat, ya me scanantayat. Ya me smajt'antesat yu'un spisil te bitic t'ujbil apasoj tele —xi'.

Salmos 58:11

Ja' yu'un jich me ya yal: “Mero jich nix ya sc'an a te jun co'tantic ta stojol Dios ya x'ainotique, melel ay Dios te mero stojil ya xchajbanwan ta q'uinale”, xi' me.

Isaías 3:10

Bin nax yutsil te mach'a toj yac'oj sba, melel lec ya xc'ot ta loq'uel yu'un, soc ya me yaiybey yutsilal te sit yat'ele.

Proverbios 11:18

Te mach'a amen ya x'at'ej, ya slo'laybey staq'uin yajwal; yan te mach'a toj ya x'at'eje, jun yo'tan ya yich' stojol stuquel.

2 Crónicas 36:16

Ja'uc me to, la yich' stse'luyel te j'alwanejetic yu'un te Diose, la yilayic te bila albotic yu'une. La slabanic te j'alwanejetic yu'un, ja' to c'alal toy te yilimba Cajwaltic ta stojol te lum yu'une, jich ma'yuquix xpoxil c'ot smul te lume.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

Hebreos 11:6

Ma xju' te lec yo'tan Dios cu'untic, ja' to teme ay xch'uunjel co'tantique. Melel ja' to ya xju' ya xnoptsajotic ta stojol Dios a teme jch'uunejtic te ay te Diose soc teme jch'uunejtic te ya yac'bey smajt'an te mach'atic ya xleot yu'unique.

1 Tesalonicenses 2:15

Ja' nix te judioetic te la smilic te Cajwaltic Jesuse, jich te bit'il la smilic te j'alwanejetic yu'un te Diose, soc la snutsotiquix loq'uel uuc te jo'otique. Ma lecuc yo'tan Dios yu'unic, soc scontroinejic spisil te ants-winiquetique.

Filipenses 2:17

Manchuc teme ya jmal jch'ich'el jbaq'uetal ta swenta sts'actijib te smajt'an Dios awu'unique, ya me xbujts'naj co'tan ta lec yu'un, soc ya me xbujts'naj awo'tanic yu'un uuc te ja'exe.

1 Reyes 18:13

¿Ma bal ayuc awaiyoj te bi la jpas te c'alal te Jezabel yac ta smilel a te j'alwanejetic yu'un te Cajwaltique? Melel la jnac' jo'winic (100) ta jtul, lajlajuneb yoxwinic ta juju-jchajp (50) la cac' ta nailch'en, soc la cac'bey swe'elic te bay c'alal tuun yu'unique.

2 Corintios 4:17

Melel te bila ya xc'ax jwocoltic yu'un li'to ta q'uinale, c'axel nax ay soc ma'yuc lec sc'oplal stuquel. Ja' ya jtatic bayal cutsilaltic ta c'axem to xan a ta swenta sbajt'el q'uinal.

Hechos 5:41

Te jpuc-c'opetic loq'uic tel ta stojol te Muc'ul Tsobleje. Bayal sbujts' yo'tanic yu'un te bit'il Dios la yac' c'otuc ta swentaic te ya xc'ax swocolic ta uts'inel ta swenta te Jesuse.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

1 Corintios 3:8

Te mach'a ya sts'une soc te mach'a ya yac'bey ya'lele, pajal sc'oplalic. Ja'uc me to, Dios ya yac'bey stojol, chican bi yilel yat'el juju-jtul.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

Hechos 16:25

Ja'uc me to, ta olil ajc'ubal te Pablo soc te Silase yacalic ta sc'oponel te Diose soc ta sc'ajintayel, soc yacalic ta yaiyel stojol te yantic jchuqueletique.

San Lucas 13:34

“¡Jerusalén, Jerusalén! C'aemat ta smilel te j'alwanejetic yu'un te Diose soc c'aemat ta xch'ojel ta ton te mach'atic ticunbilic ta c'op yu'une. Bayal buelta te c'an jtsobeyex te awal-anich'nabe, jich bit'il ya stsob yalatac ta yanil xic' te me'mute. Ja'uc me to, ma la ac'anic.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Salmos 19:11

Ja' me ya yac'bon jtsajtay co'tan te yabaton te Cajwaltique, teme ya jch'uune, jich me lec ya xc'oon ta loq'uel a.

2 Crónicas 16:10

Te Asa bayal c'ajc'ub yo'tan ta stojol te j'alwaneje, la yal mandal ta chuquel. Ja' yorail a te laj yutsil yo'tan te Asa, soc jajch' yuts'in te lume.

1 Reyes 18:4

Te c'alal te Jezabel jajch' smil te j'alwanejetic yu'un Cajwaltic, te Abdías la snac' ta cheb nailch'en jo'winic (100) ta jtul j'alwanejetic, cha'chajp la yac', lajlajuneb yoxwinic (50) ta jtul ta jujun nailch'en, la yac'bey swe'elic te bay c'alal tuun yu'unique.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

2 Reyes 1:9

Ora la sticun jtul capitán-soldado soc yantic lajuneb yoxwinic (50) soldadoetic ta yiq'uel tel. C'alal c'otic, te Elías nacal ta ba wits. Te capitán jich la yalbey: —Ja'at te j'alwanejat yu'un Dios, te muc' ajwalil la yal mandal te ya xcoat bael —xi'.

1 Reyes 19:2

Te Jezabel la sticun ta alel te Elías: “Teme ja'at Eliasat, te jo'on Jezabelon. Ac'a yac'bon tulan castigo te diosetic, teme pajel ta jichilan ora te ma jichuc ya jpasbat uuc te bit'il la apasbey te j'alwanejetique”, xi'.

Jeremías 37:14

Te Jeremías la sjac': —Ma meleluc, ma ba ya xboon ta bay caldeoetic —xi'. Ja'uc me to, te Irías ma la sc'an yaiy stojol, ja' nax la yac' ochel ta chuquel te Jeremías soc la yic' bael ta stojol te mach'atic ay yat'elique.

Filipenses 1:29

Te melel ma ja'uc nax ac'botex ta awentaic xch'uunel te Cristoe, ja' ac'botex ta awentaic uuc te ya xc'ax awocolic ta swentae.

Hebreos 10:34

Soc bayal xc'uxul la awaiy ta awo'tanic te mach'atic la yich'ic chuquele. Soc bayal sbujts' awo'tanic yu'un te bajt' ta pojel te bila ay awu'unique, yu'un ja' la ana'ic te bila ay awu'unic ta ch'ulchan te c'axem to xan ay yutsilal soc te sbajt'el q'uinal ay stuquele.

Hebreos 11:33

Ta swenta xch'uunjel yo'tanic ju' yu'unic stsalel bayal ta jchajp lum, soc lec ju' yu'unic chajbanwanej, soc ju' yu'unic yich'el te bila yaloj Dios te ya x'ac'botic yu'une, soc ju' yu'unic smaquel yeic te león-chojetique,

Santiago 5:10

Quermanotac, ja'uc me te ejemplo ta atojolic te la sts'ic swocolic te namey q'uinal j'alwanejetic te c'opojic ta swenta te Cajwaltique.